الموضوع: حوار من القلب للقلب - الجزء الأول

المشاركة الأصلية كتبت بواسطة BASKOTA

صباح الياسمين على احلى منتدى وعلى حوار من القلب
وصباح الشقاوة على محمد الشنورى
انت اللى جبته لنفسك انا كنت فى حالى وسكت ومرضيتش اسأل لكن بما انك قولت عنى انى شقية ووراك فى كل موضوع رغم انك اصلا قولت انك لما بترد على موضوع محدش بيرد بعدك لكن مقدرش ازعلك ولازم ينوبك من الشقاوة جانب

ودى طبعا هدية بسيطة
عشان افتح نفسك تجاوب

ميرسي كتير علي الساعه الجميله وعلي فكره انا مقولتش انك ورايا في كل موضوع
انتي موجوده في كل المواضيع هههههههههههههههههههههههه
مش مواضيعي انا بس
بس وجود لذيذ ومرور عطر مش مجرد حد يدور انه يزود مشاركاته وخلاص
والله اعلم

20-حضرتك قولت انك حبيت 4 مرات اول مرة كان عندك كام سنة واخر مرة كان عندك كام سنة؟
اول مره كنت صغير اوي عن دلوقتي اخر مره كنت صغير بس مش اوي
21-هل انت فى حالة حب وارتباط ببنت حاليا مش شغلك واصحابك والكلام ده؟
لو كنت مرتبط بنت حاليا مش من شغلي ولا من اصحابي ولا من الكلام ده مكنتوش شوفتوني
22- ايه اجمل هدية قدمتها لحد ؟وكانت ايه ولمين؟وايه مناسبتها؟
خاتم دهب لشخص ما وكان بدون مناسبه
23-ايه اجمل هدية جاتلك؟ وكانت ايه ؟ ومن مين؟ وايه مناسبتها؟
سلسله فضه وبرضه من شخص ما وكانت بمناسبه عيد الحب
24-لما تحب تخرج تسهر مع اصحابك بتسهر فين؟
اي مكان المهم اكون قاعد مع اصحابي اللي بحبهم في مكان واحد
25-ايه اغرب مكان سهرت فيه مع حد من اصحابك؟
مره كانت صدفه وافتكرناها قهوه وطلعت غرزه بس دي كانت خارج اسكندريه
ومره في خيمه علي بعد 120 كيلوا من اسكندريه وكان فيه عقارب ماشيه جنبي
وجوه اسكندريه كانت جوه قسم شرطه بس مش مع حد محبوس
26-لوخيرتك ولازم تختار واحدة بس تختار المرأة الجميلة ولا الذكية؟ وليه؟
اختار المراه الذكيه الجميله علشان اكيد مش كل الجميلات نسبه ذكائهم منخفضه
المغرورين بجمالهم بس هما اللي ربنا يشفيهم
27-ايه الصفة اللى ممكن تتنازل عنها فى البنت اللى بتحبها ؟ وايه الصفة اللى مش ممكن تتغاضى عنها؟
الصفه اللي ممكن اتنازل عنها دي حتتحدد علي حسب مدي طغيان الصفه دي علي باقي الصفات ومدي قبولي ليها
وعموما اللي بتتحملني لاني شخصيه لا تطاق حتي انا نفسي ساعات بزهق مني فاكيد هي من اولياء الله اللصالحين وليها الجنه من اوسع ابوابها حتي لو انتحرت في يوم من الايام
الصفه اللي مش ممكن اتغاضي عندها في يوم من الايام هي العند الشديد والغباء ثم الغباء والغباء
لان ممكن الست تعمل اي حاجه في الدنيا وتتحجج انها ملتها من غير ما تاخد بالها بدافع من انها غبيه وانا عارف انها غبيه
28-هل انت مع ام ضد التمسك بالعادات والتقاليد المتوارثة؟
انا مش معاها في حاجات ومش ضدها في حاجات تانيه ودا موضوع شرحه يطول وعاوز صفحات من الكلام
29-ماهى اجمل صفة فى الشعب المصرى ؟وماهى الاسوا من وجهة نظرك؟
اجمل صفه هي الجدعنه والطيبه بغض النظر عن الحالات التانيه اللي بنشوفها اسوء صفه هي انه بيتحب يفتي ويتكلم بغض النظر عن هو فاهم بيقول ايه او مشفاهم بيقول ايه
30-ايه احساسك وانت محور حلقة حوار من القلب ؟وهل تتمنى تخلص بسرعة ولا تفضل اطول وقت ممكن؟
عامل زي ما اكون بمتحن ثانويه عامه
بس عارفه حابب وجودي وسط اخواتي وانا بتكلم معاكم وتناغشوني واناغشكم لحد ما حد فينا يزهق من التاني ويعلن استسلامه
وانا قاعدومستنيكم تقولوا حقي برقبتي واسفين يا عمو شنوري

المشاركة الأصلية كتبت بواسطة نور القمر

معلش يا شنوري كام سؤال كدة على الماشي
في احد ردودك علىالاسئلة قلت الهدية الثالثة لشخص هو عارف نفسه
ودام هو عارف نفسه يبقه موجود معانا
من غير تردد او تفكير كتير
مين الشخص ده
هههههههههههههههههههه
ههههههههههههههههههههههههه هههه
نفس نظريه كلكم رفعتم ايديكم الا واحد بس وعموما لقيت هديه مينفعش تتجزاء علي الناس كلها
فقولت انسخها لكل واحد عارف نفسه يستاهل مني اني اديله هديه

مين الشخص اللي هاديته بالخاتم الدهب
حبعتلك صوره الخاتم ولو عرفتي هو في ايد مين حجيبلك واحد زيه

مين الشخص اللي هداك بالميدالية الفضية
كانت سلسله مش ميداليه سامحيني سالتي السؤال غلط والرد بيكون علي السؤال مره واحده
اعد المحاوله في وقت اخر

هترد بقه ولا بلاش وتعلن استسلامك
رديت واتحدي اي حد انه يقول ان دا مش رد علي الاسئله
وانا مستنيكي تعلني استسلامك او تقفلي الحلقه وتختاري ضيف تاني
اظن اني مش حفضل طول عمري الضيف
وعلي فكره مفيش ولا رد من اول الحلقات انا كدبت فيه ولا من ورا قلبي
استسلمي باي شكل من الاشكال وانا حعلن انسحابي
حتي لو حتستسلمي من غير ما حد ياخد باله انا موافق وحستسلم قدام المنتدي كله المهم اني من جوايا منتصر

المشاركة الأصلية كتبت بواسطة نور القمر

لا معلش كل ردودك هروب من الاجابات
انت مش مضطرتجاوب بس في الحالة دي تعلن استسلامك

الاسئله اللي ميتجاوبش عليها كتير وممكن اسئلك سؤال واحد متعرفيش تجاوبي عليه بس كده حنبقي خرجنا من اطار حوار من القلب للقلب
وتضييق الخناق علي اللي بيتسال بيكون من ضعف اللي بيسال او قله حيلته
المفروض من الموضوع انه اسئله متجدده لمعرفه جوانب من شخصيتي او طريقه تفكيري استسلمي وانا انسحب
او لو تحبي نعمل هدنه علشان تفكري في اسئله جديده او حتي تستورديها معنديش مانع
مع معاليكي لاخر نفس
يا جبل ما يهزك ريح