الموضوع: حوار من القلب للقلب - الجزء الأول

- نايل موتورز ....ليه ؟
عشان عن حاجة بحبها (العربيات) .. و روحه حلوة و ناسه أحلي .
- إيه الحاجة اللي ندمان انك قلتها أو عملتها في نايل موتورز
زمان كان اما حد يخش يقول انا كنت ماشي 180 عالمحور كنت أخش أقوله إزااااااي و حرام عليك و ده مش أسلوب و ده اللي مودينا في داهية و الكلام ده .. بعد كدة إتخنقت من الموضوع كله و مبقتش أعلق .
- أوصف للناس أعضاء الأسرة السريونية في المنتدى
فاكهة المنتدي بصراحة :) انا إتفاجئت باللقاء الأول لأنه كان تقريبا 80% من الناس أول مرة تشوف بعض بس كنت تحس إنهم صحاب من زمان و كانت الترابيزة بتاعتنا كلها ضحك .. و طبعاَ و إحنا ماشيين و انا شايف في المراية خط سريون طوييييييييييييييييل .. مقولكش :) و الناس بصراحة كلها ناس لذيذة و حبوبة جداَ انا مستني اللقاء الجي .
- إيه سر إسم dehumanizer و ليه غيرته ل-motorizer
dehumanizer ده إسم ألبوم لبلاك ساباث .. و موتورايز إسم ألبوم موتورهود الجديد 2008 (مش متابع ولا إيه يا شيكو باشا .. موتورهيد) .. انا كنت عامله الأول ديهيومانيزر لأن الشخصية دي منتشرة جداَ طبعاَ خاصة اما حد يمسك في إيده سلطة بيقوم بعملية مسح الإنسانية من دماغه .. موتورايزر بقي حسيته يليق أكتر عالمنتدي لأنه قريب من العربيات
- إيه هو موقعك( website) المفضل على الشبكة غير نايل موتورز طبعا ؟
فيس بوك و wikiquote
- عمرك أتخانقت مع حد على النت ؟ لو لأ ... ممكن تعملها ؟
زماااااااااااااااااااان من بتاع 6 سنين كان ممكن أعمل كدة كتير دلوقت لأ طبعاَ بكبر دماغي ، و عامة ده أسلوبي في الحياة مش عالنت بس مبتخانقش .. اللي عبيط بسيبه عبيط .
بكره إن شاء الله احتمال أتواجد متأخر و ما أعرفش ألحق أخر الحلقة ... بجد يا موتو أنا سعيد باني اتعرفت على شخصية زيك ... إنت بني آدم إبن حلال و محترم قوي و جواك حاجات حلوة كتير .... ده غير انك عالمي طبعا :)
ربنا يوفقك و ييسرك الأمور كلها .... ما تيجي كندا بقى :)

يا شيكو باشا و الله إنت اللي قمر و انا سعيد جداَ فوق ما تتصور إن عندي أخ زيك إن شاء الله ربنا يسهل و تلاقيني عندك و نروح gigs المعدن مع بعض بقي

ربنا يوفقك يا موتو
متابع بانسجاااام .....
من بعيد لبعيد ...
كفاية عليك الكنبة ..... واسئلة شيكو المنطلق

ربنا يخليك أحمد باشا .. انا هرد بإنسجام

BEE basha

حلم حياتك إيه ؟؟

أعيش حياتي بمختلف مراحلها متصالح مع نفسي و سعيد .. و أعمل حاجة كبيرة تغير حياة ناس كتير (بالخير يعني) .

سيارتك المفضلة ؟؟

ميني كوبر

اكتر بلد عجبتك زرتها ؟؟

انا مطلعتش برة مصر للأسف بس جوة مصر بحب سيناء خاصة شرم الشيخ و كاترين .

أحب الاشخاص إلى قلبك ؟؟

الأشخاص اللي أحس إنهم واقفين جنبي في الشدة قبل الفرح .

مين علمك السواقة ؟؟؟

انا الأول قريت عالنت عن قواعد السواقة و فكرة الفتيس المانيوال بعد كدة نزلت أخدت كورس عبيط في السواقة مستفدتش منه أي حاجة .. و إبتديت بعد كدة أسوق بعض سيارات صحابي و بعد كدة سقت عربيتنا و كنت أخدها و أطلع ألف و أخد معايا واحد مبيعرفش يسوق عشان ميتورنيش

بتحب تسمع لمين لما بتكون رايق ؟؟؟ مضايق ؟؟؟

غالباَ نفس الناس لو رايق أو مضايق بس الأغاني بتتغير .. يعني ممكن نقول و انا مبسوط بسمع بوب مارلي و كوين أغاني زي don't stop me now و لو مبسوط أوي بسمع أغنية ليهم برضه إسمها seaside rendevous و لو قمة الإنبساط بصفر مع فريدي ميركيري و هو بيغني الحتة بتاعة i feel like dancing in the rain :wacko:

لو مضايق بقي بسمع كوين برضه بس أغاني زي it's a hard life و bohemian rhpasody :(

pro drive man

ايه اول عربيه اتعلمت عليها سواقه ؟
دايو لانوس

كنت من الناس اللي بتزن علي انها تسوق من وهي صغيره ولا الموضوع جه كدا ؟

لا لا خالص دنا أبويا اللي قاللي "يبني مش ناوي تتعلم تسوق ولا إيه !"

هل كنت من اللي بياخدوا العربيات من ورا العيله ؟

لا انا كنت بتيبع إستراتيجية تانية .. كنت معبرش العربية خالص و أعمل نفسي مش طايقها و مش عايزها لحد ما يقولولي خد العربية لو عايز

لو مكنتش جبت سيريون كنت حتجيب ايه ؟

مش عارف و الله في الفئة دي معجبنيش غير السيريون .. ممكن جين تو بس انا أفضل ال 1300 سي سي عشان بمشي كتير في اليوم و البنزين هيخرب بيتي ، يعني كان ممكن أجيبها بس كانت هتقرفني مادياَ .

قووول ان معاك كدا بتاع 9999999999999999$ تعمل بيهم ايه "بالتفصيل"

هشتري بيهم جزيرة في مكان جامد في العالم و أعمل شئ من طراز يوتوبيا كدة .. مدينة فاضلة صغيرة فيها كل حاجة كويسة و الناس اللي هتنضم لي هيبقي بالإنترفيو و حسب تاريخه و شخصيته .. متقلقوش مكانكوا محفوظ و علي فكرة هخليها زحمة برضه عشان أثبت إن الناس ممكن تعيش في الزحمة مبسوطين برضه .

جربت تسمع قبل كدا بلاك ؟ و ايه اكتر حاجات عجبتك و معجبتكش فيه

أه طبعاَ .. كتييييييييييييير و توغلت فيه كمان .. عجبني فيه الحاجات السيمفونية و المزج بينها و بين distorted guitar .. معجبنيش فيه إنه فيه باندات تعبانة جداَ خاصة اللي بتلعب الحاجات ال oldschool عايزة تعمل حاجة دموية و خلاص فا تقلب منهم كارتون .. زي gorgoroth كدة ..

لو عاوز تشتري سجنتشر بيز تشتري بتاع مين ؟

jaco pastorious

سلام عليكم

معلش يا جماعة انا مختفيه اليومين دول و مش عارفه حاجة في اي حاجة

هو مين اللي في الحوار اليومين دول؟:k41:

محمود موتو و لا انا بيستهيالي؟:K15:

حد يرد عليا عشان اجهز بالاسئلة:wacko:

المشاركة الأصلية كتبت بواسطة Bossy_Fadl

سلام عليكم

معلش يا جماعة انا مختفيه اليومين دول و مش عارفه حاجة في اي حاجة

هو مين اللي في الحوار اليومين دول؟:k41:

محمود موتو و لا انا بيستهيالي؟:K15:

حد يرد عليا عشان اجهز بالاسئلة:wacko:

ال DNB كله مختفي يا بوسي إنتم فين ؟
انا عالكرسي في الحوار و هو بيلفظ أنفاسه الأخيرة .. يعني ممكن تيجي تكتبي تلاقيه خلص :k52:

المشاركة الأصلية كتبت بواسطة نور القمر

موتو حقيقي حلقة جميلة وممتعه

قدرنا من خلالها نتعرف على شخصيتك عن قرب
وزي ما قلت لك قبل كدة انك كنت مفاجأة بالنسبة
لاني من اسلوب حوارك الشيق مع الاعضاء كنت معتقدة انك اكبر من كدة
ربنا يباركلك ويوفقك في الدراسة وفي حياتك عموما
وسامحني على كمية الشوك اللي كانت في الحلقة ههههههههههههه
انت تستاهل احلى بوكيه ورد

انتظروا حلقة جديدة مع ضيف جديد بعد قليل

لأ بجد حرام يعني مدخلتش يومين الاقي حلقة موتو جت وخلصت

معلش يموتو تتعوض فالمقابلات ان شاء الله

المشاركة الأصلية كتبت بواسطة نور القمر

موتو حقيقي حلقة جميلة وممتعه

قدرنا من خلالها نتعرف على شخصيتك عن قرب
وزي ما قلت لك قبل كدة انك كنت مفاجأة بالنسبة
لاني من اسلوب حوارك الشيق مع الاعضاء كنت معتقدة انك اكبر من كدة
ربنا يباركلك ويوفقك في الدراسة وفي حياتك عموما
وسامحني على كمية الشوك اللي كانت في الحلقة ههههههههههههه
انت تستاهل احلى بوكيه ورد

انتظروا حلقة جديدة مع ضيف جديد بعد قليل

ميرسي يا نور عالحلقة الحلقة الحلوة إنتي اللي تستاهلي بوكيه ورد و كل الناس الحلوة اللي شرفتنا في الحلقة بس هو الحاجات الخضرة اللي مع الورد تحسيها شوك برضه اللي فيه داء ..

ميرسي بجد
و إنتظر أسألتي يا أستاذ حازم (ضحكة شريرة)