الموضوع: حادثة بالاتراج بس الحمدلله بسيطه

الحمد لله على كل شيء بعد الترخيص بيومين كنت ماشى فى طريق مصر اسماعلية الصحراوى بين موقف العاشر والعبور وقفت عند تقاطع عربيات كانت قطعت الطريق بتعدى من قدامى وابص فى المراية ورايه لقيت كساحة بمقطورة صغيره السواق بيمسك فرامل بس طبعا ماجبيتوش سيادته اكيد مبرشم المهم دخل فى العربية من الخلف الشنطة اتعجنت والفانوس اليمين اتكسر والكصدام فك من الجنب اليمين الغريبه انى ماحسيتش بالخبطه انا لولا كنت شايفه فى المرايه وهو بيخبط العربيه كنت اتصدمت بعد كده.
بس واضح ان صاج العربيه خفيف قوى لدرجة انه مش بيعمل عزم عندالتصادم نحمد ربنا على كل شيئ قدر الله وماشاء فعل وطبعا رميها فى التوكيل من يوميها لسه معملتش صيانة الالف كيلو بس قبل ما تتخبط بيوم كنت ملاحظ ان العربيه بدأت تتخنق لازم علشان اجرى بالعربيه وتسحب معايا بسرعة لازم ادوس على دواسة البنزين لحد ما الrpm يبقى على 3 او اكثر الاقى العربيه سحبها احسن من العربيات اللى معايا على الطريق مهما كان موديلها او ماركتها بس المفروض الواحد كان متعود الrpm يبقى على 2 عمرال rpm موصل معايا 3 الا لما بكون معدى 120 كيلو
بالنسبة لاستهلاك البنزين من غير تكيف فى الطريق الزراعى يعنى مطبات كتير معدل 13كيلو فى اللتر
فى الطريق الصحراوى 17 كيلو فى اللتر
بالتكيف الطريق الزراعى 11كيلو فى اللتر والصحراوى 13 كيلو فى اللتر
المعدلات اختبرتها اكثر من مره مع التغير فى طريقة السواقه وكانت نفس النتايج بأختلاف بسيط
ياريت اى عضو يجد معاه اى جديد مع العربيه يعرفنا علشان نقدر نتعامل مع العربيه ومع التوكيل
فى انتظار كرم التوكيل علينا ياريت الموضوع مش يطول تبقى مشكله لو التوكيل مش موفر قطع غيار العربيه عموما اى جديد من ناحية التوكيل هقوله فى المنتدى وياريت الناس متبخلش بمعلومات عن العربيه حتى لو مش كويسه

حمد الله على سلامتك ده الاهم

هل متوافر قطع الغيار في التوكيل ولا تحب اسألك عليها في الحرفيين؟

والله المهندس فى التوكيل مش فاهم منه حاجه هو دمه خفيف حد مقبول بس دماغه عليا ادينى معاهم لحد الاخر اما اشوف الفاتورة بتاعت التوكيل هتبقى عامله ايه

المشاركة الأصلية كتبت بواسطة reyad_mohamed

والله المهندس فى التوكيل مش فاهم منه حاجه هو دمه خفيف حد مقبول بس دماغه عليا ادينى معاهم لحد الاخر اما اشوف الفاتورة بتاعت التوكيل هتبقى عامله ايه

هوا انت يا فندم مش مأمن عليها ؟

المشاركة الأصلية كتبت بواسطة shedoz

هوا انت يا فندم مش مأمن عليها ؟

مأمن عليها فى مصر للتأمين بس انا اللى هدفع الفاتورة وبعدين التأمين هيصرف شيك مش عارف ايه اللى هيحصل من ناحية التأمين بعد العربية ما تخلص وادفع الحساب !!!!!!!!!!!!!!!!!!!!!!!!!!!!!!!

المشاركة الأصلية كتبت بواسطة reyad_mohamed

مأمن عليها فى مصر للتأمين بس انا اللى هدفع الفاتورة وبعدين التأمين هيصرف شيك مش عارف ايه اللى هيحصل من ناحية التأمين بعد العربية ما تخلص وادفع الحساب !!!!!!!!!!!!!!!!!!!!!!!!!!!!!!!

تكيد انت بيبقى ليك نسبة تحمل

المشاركة الأصلية كتبت بواسطة shiko85

لا حول ولا قوة الا بالله
قدر الله و ما شاء فعل
الحمد لله ان حضرتك بخير

الحمدلله على كل شئ ده لطف من عند الله بسيطة الحمد لله

عموما ياباشا شكرا على مساعدتك ولو لقيت اسعار قطع غيار الاتراج بره التوكيل يبقى ممتاز
المقايسة بتاعت العربيه مكتوب فيها شنطه خلفية - فانوس خلفى يمين - اكصدام خلفى - بالاضافة لحبت حجات لزوم الشنطة والاكصدام جوانات وكالون وكلبسات وشوية حاجات بسيطة كده مش فاكرها

اكيد معدلات استهلاك البنزين كانت هتتغير بعد صيانه الالف زى اى عربيه
عموما ده نصيب والحمد لله