الميجان :
اول مافكرت اشتري الميجان اكتر حاجه لفتت نظري في المنتدى كلام الناس عن الفيتيس والنتشه الشهيره
بس قلت مش قضيه اكيد الكلام مبالغ فيه وده مش هيعيب العربيه
اشتريتها واكتشفت ان النتشه واضحه ومستفذه واحيانا بحسها بترزع جامد وبعدين ابتدى الفيتيس تظهر مشاكله قلت يبقى كده تمام المشكله عندي انا مش في العربيه
غيرت الفيتيس كاملا لان كان اصلاحه هيكلف 3500 جنيه وقررت اجيب واحد استيراد محترم وكلفني 5500 بس قلت اشتري دماغي
الحمد لله الفيتيس طلع ممتاز بس النتشه راحت !!!؟؟؟؟
لا طبعا موجوده هي اقل فعلا من الاول ومش رزع لكن باين اوي احساس بالنقله مستفز
اللوجان:
اخويا جابها 2013 زيرو وطبعا الفيتيس زي الفل والنقلات ناعمه جدا
قبل صيانة ال 20000 كان بيحصل نتشه واضحه جدا في الفيتيس بين الغيار الاول والتاني برضه بس بعد صيانة ال 20000 اختفت تاني ورجعت العربيه تمام عشان تظهر تاني قبل صيانة ال 30000 وتختفي بعد الصيانه واعتقد ان الموضوع مش هينتهي
الفلوانس:
قبل الفيس ليفت وال cvt وبرضه كلام الاعضاء ان النتشه موجوده وان على الاقل في احساس واضح بالنقله التانيه
تيجي بأه رينو تحل المشكله ده بانها تجيب الفيتيس من نيسان وتستخدمه صحيح هما شركه واحده وصحيح هو حل عبقري وصحيح انا مقتنع جدا بالعربيه وعاوز اجيبها
بس ياترى كان ممكن افكر اجيبها لو كانت لسه بتنزل بالفيتيس القديم وفي المقابل الكوروللا موجوده وناعمه وزي الفل اكيد لا طبعا خصوصا بعد عزابي مع الميجان
من اين جاءت الرياده يا شركة رينو مع الفشل الزريع ده في تصنيع الفيتيس ومش بس كده الموتور مش من اقوى المواتير ولا افضلهم حتى
عشان شوية اوبشن واستابيليتي
معلش مع احترامي عربيات كتير كوري بتقدم فخامه واستابيليتي وكمان مواتير جباره وفيتيس محترم
انا بحب عربيتي الميجان جدا وكل حلمي حاليا اجيب الفيس ليفت فلوانس عشان محدش يفكر اني بهاجم العربيه خالص
بس انا فعلا لما بفكر ان شركه عريقه زي ده معندهاش ولا ماتور ولا فيتيس تطلع بيهم السما امال من اين جاءت العراقه يارينو