الموضوع: ايه سبب الدوخة والدوران (مشكلة طبية)

المشاركة الأصلية كتبت بواسطة anaslbda

إلتهاب في الأذن الوسطى ممكن؟ لإن الدوخة الجامدة دي والدنيا اللي بتلف بيك فوق وتحت تجربة مرّيت بيها انا كمان بس كانت في صالون بيتي مش ع الطريق, الحمدلله ربنا سترها معاك..
تروح لدكتور وهيسمع الأعراض ومن غير أي كشف هيوصفلك كورس أدوية بسيطة في حدود ال 250 جنيه لمدة أسبوعين هتخف بإذن الله.

اخي الفاضل٠ انا عندي نفس المشكلة بقالها ٦ شهور ممكن اسم الدكتور اللي حضرتك اتعملت معه والعنوان

المشاركة الأصلية كتبت بواسطة Anaslbda

الموضوع ده كان من حوالي سنتين مش فاكر اسم الدكتور بالظبط لكنّه كان في برج الأطباء اللي في اوّل فيصل, كان اسمه حسن الشريف أو احمد حسن حاجه كده.

الف شكر

طالما مش عندك صداع عنقودى طبقا لوصف كلامك

فانت مريض بمرض معروف وشهير جدا اسمة بالانجليزى

meniere disease

مرض المنيير وقول كدة للطبيب اللى انت رايح لية ووتعريف المرض التهاب شديد فى الاذن الوسطى وهيديك ادوية البيتا سيرك وادوية ضد الدوخة ..... وبالنسبة لاتهاب الاذن الوسطى عليك انك تمنع دخول المية للاذن الوسطى و تحاول تقلل دخول الاتربة والغبار للاذن ولو بقطن اثناء القيادة

مع تحياتى ومرض سهل وبسيط جدا فى علاجة

المشاركة الأصلية كتبت بواسطة k.ossama

طيب ويروح لدكتور ليه بقى طالما حيقوله التشخيص......؟
واضح ان حضرتك مش طبيب.....
تشخيص مرض ménière's disease يحتاج إختبار السمع والاتزان (لأنه يؤثر على الإثنين)، ولا يأتى فى أول الترتيب بل بعد استبعاد تشخيصات أقرب وأسهل منه بكتير.
بالإضافة لهذا فإن هذا المرض هو مشكلة فى الأذن الداخلية وليس الوسطى كما أشرت. وعلى فكرة هو مش إلتهاب بالمعنى المعروف.
معلومة كمان بقى، الصداع العنقودى مالوش علاقة بالدوار ونادراً لما يجوا مع بعض. اللى يجى معه دوار هو صداع الشقيقة (المعروف بالصداع النصفى)، مش العنقودى.

شكرا على المعلومات القيمة جدا جدا

بخضوص الدوار وعلاقنة بالصداع فحسب ما قرات ان نوبات الدوخة وعدم الاتزان تاتى قبل الصداع بنحو نصف ساعة تقريبا ويرى المريض الحائط على شكل زجزاج متحرك ثم ياتى نوبة الصداع المعروفة للمريض

هذا على حسب قدر علمى الضئئيل..... وما اوتيتم من العلم الا قليلا

لا تتجاهل الموضوع واتجه للطبيب في اقرب وقت