الموضوع: عاوزين نهاجر

المشاركة الأصلية كتبت بواسطة khaled_sabry

- انا اقصد بالتعليم - هل من السهل دخول اطفالى المدارس الجورجيه - و هما مابيعرفوش غير عربى فقط ؟
- و هل هناك التعليم مجانى حتى الجامعه (زى كندا و السويد كده ) ؟
- و هل طريقه الحصول على اقامه هى شراء شقه فقط و لا بقضاء عدد من السنين (يعنى الواحد يسافر زياره و يشترى شقه من اللى قولت عليهم ب 350 لارى [150 الف مصرى ] و كده يبقى اخد اقامه ليه و لعيلته ؟ )
معلشى بقى كل المشتركين هنا حيستلموك بقى :)

اولادك سهل يدخلو مدارس وفى مدارس اعتقد انجليزى
وسمعت ان فى مدارس عربية كمان
بس التعليم مش مجانى والصراحة ماعنديش فكرة المصاريف كام علشان انا شاب فمش احتكيت بالمدارس
الطريقة القانونية حسب القانون الجديد ان يكون فى استثمار ب 300 الف لارى
بس انا اكلمت مع محامى مصرى هناك اعرفه قالى طلع فيزا بيزنس من مصر دلوقتى لان لسة مش ليها شروط
وبعقد شركتك واى حاجة تمليك نقدم طلب نجبلك id سنة ولو اترفض نرفع قضية دى الحقيقة المعلومة الى عندى فى ظل القانون الجديد الى اطبق اول الشهر الى فات ولبسنا فى الحيط

المشاركة الأصلية كتبت بواسطة khaled_sabry

وياريت تأكدلنا بالنفى او الايجاب الكلام اللى موجود هنا
جورجيا بتوزع تأشيرات ~ طريق المهاجر

الكلام دا كان من سنةونص وفعلا كانت اسهل ما يكون وكانت عن طريق مكاتب كمان مش بنروح السفارة
لكن دلوقتى بقت زى امريكا واى دولة بتملى طلب على موقع السفارة وتحجز مقابلة وكدة
بس برضو الفيزا سهلة للى مظبط ورقة

المشاركة الأصلية كتبت بواسطة zorg

انا سخنت على موضوع جورجيا ده
اهم نقطتين الواحد عايز يتاكد منهم عشان ميبنيش اوهام واحلام على الفاضى (ويقعد يقول وجدتها زى بولندا واستونيا ولاتفيا وليتوانيا وماليزيا وفى الاخر تطلع صعبة او فيها مشاكل)
النقطة الاولى:هناخد الاقامة ازاى تحديدا مامش معقولة اروح واصرف واشترى املاك وبعد كده ادور على الاقامة الدائمة وتطلع فى الاخر انها صعبة او فيها مشاكل وتبقى كانك ياابو زيد ماغزيت
-
النقطة التانية: موضوع اللغة نعمل ايه نروح المفروض ندرسها هناك ولا ندرس روسى فى المركز الثقافى الروسى ولا نعمل ايه تحديدا
-
النقطتين دول وخصوصا النقطة الاولى لو عرفنا الاجابة وتيسرت هيبقى على بركة الله نكمل بقية البحث
-
ملحوظة:(حسيت ان السفارة رخيصة اوى حطة تليفون 09000 :) )

انا جاوبت على دول فى الرد السابق
وبرضو لو عايزين الرد اليقين يبقى تستنو شهرين على ما ارجع واشوف هوفق وضعى القانوني ازاى هناك

[quote=باسم يوسف;3875782104]الف شكر مستر بيكاتشو

و ان شاء الله يكون في بينا شغل

دلوقتي معلش عايز اعرف

هل في رحلات مباشره لتبليسي من القاهره ؟ و لا هطلع علي موسكو و اغير هناك ؟

و برضه مقولتش علي موضوع الدعوه نظامها ايه و بكام

في انتظار ردك



موضوع الدعوة برضو الصراحة ما اقدرش افيدك فية
بس عموما جورجيا مش محتاجة دعوة لان فيزتها سهلة
الطيران كان فى مباشر
دلوقتى لا التركي او القطرى
وبالنسبالى التركي علشان وقت الانتظار فى تركيا ممكن تجيبة ساعة واحدة
والرحلة كلها تاخد 5 ساعات
لكن القطرى اقل شى 14 ساعة

المشاركة الأصلية كتبت بواسطة باسم يوسف

دي ناس رايحه تتلقح لا شغله و لا مشغله

في فرق بين ناس رايحه تستثمر فلوسها حتي لو مبالغ صغيره و فرق بين ناس تغير جو تعاكس بنات و بالمره يدوروا علي شغل عشان يفضلو لابدين فيها

بص العدد الى مكتوب للناس الى سافرت مش حقيقى
اغلب الى سافرو فى الاول طلعو على المانيا اصلا
كانو بيحجز رجوع على مصر على الطيران الالمانى ويعملو فى المانيا لجوء
بس المانيا قفلت الموضوع دة من سنة بالظبط
الى موجودين هناك دلوقتى عدد قليل جدا الى عايز يستقر ويعيش بس

يانهار زى بعضه مليون و200 الف لا ده مبلغ كبير الا اذا كان حاجة شكلى او اثبات بس ان معايا المبلغ غير كده مستحيل
انا رايى استنى لحد مانشوف انتا هتعمل ايه - بس هو المحامى اللى معاك ده ثقة ولا ايه ظروفه؟
انا حاليا بحاول ادور على اى مؤسسات للهجرة و الاقامة فى جورجيا

انا على مااعتقد ان الاحتمال الارجح انى ممكن اسجل شركة هناك واقدم على الاقامة بيها بس معرفش لو فى ابناء اكبر من 21 سنة يدخلوا شركا ولا يبقى ايه نظامهم ونظام الضرائب وكده
لان الموضوع ماشى كده فى بولندا واستونيا وكده

المشاركة الأصلية كتبت بواسطة zorg

انا على مااعتقد ان الاحتمال الارجح انى ممكن اسجل شركة هناك واقدم على الاقامة بيها بس معرفش لو فى ابناء اكبر من 21 سنة يدخلوا شركا ولا يبقى ايه نظامهم ونظام الضرائب وكده
لان الموضوع ماشى كده فى بولندا واستونيا وكده

الحل دا اعتقد يمشى ودا غالبا الى هعمله بعقد الشركة بتاعتى
انا عندى مقابلة ان شاء الله الخميس فى السفارة لو مش حصل اى ظرف
وهبلغكم بالجديد
ولو فى اى استفسار برضو تحت امركم