عاوزين نهاجر

**Imhotep** · 10-10-2014 04:14 AM

برغم ان مش عاجبنى ان دافع الناس للهجرة هو الطهقان من البلد. . . رغم انى بعانى من كل ما يعانيه غيرى. . . الا ان الايجابى فى الموضوع ده هو اللى بشوفه من سعى الناس لدول غريبة حتى لو كان اضطرارا ليس اكثر لعدم سهولة دول الهجرة المعتادة
ليه انا بقى عاجبنى سعى الناس للدول الغريبة. . . عشان ده اللى كان المفروض يحصل من 100 سنة على الاقل. . . اول ما العالم ابتدأ ينفتح على بعضه مع اول حرب عالمية. . . ليه برضة. . . لان المصرى من زمان اوى كان لازم ينضاف صفة مهمة الي شخصيته من زمان اوى. . . هى انه يكون مغامر. . .يعنى يخرج من شرنقة الحياة المعتادة اللى اباءنا و اجدادنا نشأوا عليها و هى حياة الاستقرار فى وظيفة ثابتة و يتجوز و يخلف و خلاص. . . و هو اسلوب الحياة الموروث من اسلوب الحياة الزراعى القديم اللى ورثناه من ايام الفراعنة. . . المصرى مطلوب انه يتحول الى مغامر. . . زى اللبنانى اللى ساب بلده من 100 سنة و عمل جاليات قوية و شاطرة فى البلاد اللى استقر فيها. . . و اثمر مجهود ال 100 سنة دول عن اجيال ورا اجيال من اللبنانيين اللى رغم انهم استوطنوا مجتمعاتهم الجديدة و عاشوا فيها بكل جوارحهم الا انهم منسيوش اصلهم برضه. . . و اصلهم ده بيفتخروا بيه و احنا بنعرفه لما واحد منهم يوصل لمكانة عالمية مرموقة. . . زى كارلوس منعم احد الرؤساء السابقين للارجنتين. . .و رالف نادر المرشح المستمر للرئاسة الامريكية و هو ملياردير لبنانى معروف. . . و ايضا ان لم تخوننى الذاكرة ستيف جوبز لما مات عرفنا انه من اصول لبنانية

اما بقى بخصوص الخنقة من البلد. . .فأنا متأكد انك ممكن تطلع المصرى من مصر. . . لكن مش ممكن تطلع مصر من جوه المصرى. . .و بأختصار بليغ كما قال احد الحكماء. . . مصر ليست وطنا نعيش فيه . . . لكن وطنا يعيش فينا
و بالبلدى بقى. . . زى مشهد النهاية فى فيلم عسل اسود. . . لما قعد احمد حلمى يفتكر و يحاول يعبر بالعربى المكسر بتاعه و يقولك. . .مصر فيها. . . فيها. . . راح واحد مخنوق مسافر قاله. . . فيها عفار :-) . . . جه حلمى يقولك و الناس. . . راح واحد مخنوق تانى قاله. . . همج. . . و الباقى حراموية :-). . . بس حلمى فى الاخر هشهم من حواليه متنسوش دى :-)

بالتوفيق يا رجاله من كل قلبى و تمنياتى بكل خير لكم جميعا

**أبو آسر** · 10-10-2014 04:24 AM

المشاركة الأصلية كتبت بواسطة Imhotep

برغم ان مش عاجبنى ان دافع الناس للهجرة هو الطهقان من البلد. . . رغم انى بعانى من كل ما يعانيه غيرى. . . الا ان الايجابى فى الموضوع ده هو اللى بشوفه من سعى الناس لدول غريبة حتى لو كان اضطرارا ليس اكثر لعدم سهولة دول الهجرة المعتادة
ليه انا بقى عاجبنى سعى الناس للدول الغريبة. . . عشان ده اللى كان المفروض يحصل من 100 سنة على الاقل. . . اول ما العالم ابتدأ ينفتح على بعضه مع اول حرب عالمية. . . ليه برضة. . . لان المصرى من زمان اوى كان لازم ينضاف صفة مهمة الي شخصيته من زمان اوى. . . هى انه يكون مغامر. . .يعنى يخرج من شرنقة الحياة المعتادة اللى اباءنا و اجدادنا نشأوا عليها و هى حياة الاستقرار فى وظيفة ثابتة و يتجوز و يخلف و خلاص. . . و هو اسلوب الحياة الموروث من اسلوب الحياة الزراعى القديم اللى ورثناه من ايام الفراعنة. . . المصرى مطلوب انه يتحول الى مغامر. . . زى اللبنانى اللى ساب بلده من 100 سنة و عمل جاليات قوية و شاطرة فى البلاد اللى استقر فيها. . . و اثمر مجهود ال 100 سنة دول عن اجيال ورا اجيال من اللبنانيين اللى رغم انهم استوطنوا مجتمعاتهم الجديدة و عاشوا فيها بكل جوارحهم الا انهم منسيوش اصلهم برضه. . . و اصلهم ده بيفتخروا بيه و احنا بنعرفه لما واحد منهم يوصل لمكانة عالمية مرموقة. . . زى كارلوس منعم احد الرؤساء السابقين للارجنتين. . .و رالف نادر المرشح المستمر للرئاسة الامريكية و هو ملياردير لبنانى معروف. . . و ايضا ان لم تخوننى الذاكرة ستيف جوبز لما مات عرفنا انه من اصول لبنانية

اما بقى بخصوص الخنقة من البلد. . .فأنا متأكد انك ممكن تطلع المصرى من مصر. . . لكن مش ممكن تطلع مصر من جوه المصرى. . .و بأختصار بليغ كما قال احد الحكماء. . . مصر ليست وطنا نعيش فيه . . . لكن وطنا يعيش فينا
و بالبلدى بقى. . . زى مشهد النهاية فى فيلم عسل اسود. . . لما قعد احمد حلمى يفتكر و يحاول يعبر بالعربى المكسر بتاعه و يقولك. . .مصر فيها. . . فيها. . . راح واحد مخنوق مسافر قاله. . . فيها عفار :-) . . . جه حلمى يقولك و الناس. . . راح واحد مخنوق تانى قاله. . . همج. . . و الباقى حراموية :-). . . بس حلمى فى الاخر هشهم من حواليه متنسوش دى :-)

بالتوفيق يا رجاله من كل قلبى و تمنياتى بكل خير لكم جميعا

ستيف جوبز كان ابن غير شرعي لأب سوري وأم أمريكية
أما المشهد الأخير من فيلم عسل أسود فكان مشهد دراماتيكي لزوم الحبكة الدرامية وكان هو المشهد الوحيد تقريبا في الفيلم اللي مكنش واقعي

**أبو آسر** · 10-10-2014 05:45 AM

المشاركة الأصلية كتبت بواسطة imhotep

كلامى عن ستيف جوبز مكونتش متأكد منه عشان كده قلت ان لم تخوننى الذاكرة بس المهم انه برضه من اصل عربى

اما مشهد فيلم عسل اسود اللى انت بتعتبره غير واقعى فهو بالنسبة لى الماستر سين :-) و لو لقيت الفيلم ده لقيته بالصدفة على اى قناة ببقى حريص انى لازم اشوف المشهد ده بالذات و اضحك عليه حتى لو مشوفتش الفيلم نفسه كله. . . الاهم من كده انى تملى بفكر نفسى بيه عشان اضحك نفسى فى المشاكل اللى بقابلها زيي زى غيرى و انا بعانى من العفار و الروح الشريرة و الناس الهمج و الحراموية اللى كتير بنقابلهم فى حياتنا :-)

و انا ما زلت عند رأيى. . . ان المصرى مش ممكن ينسى مصر حتى و هو على المريخ. . . و هتلاقيه اول ما ربنا يكرمه هيقعد يتفاخر بأصله و يقول لاهل البلد ايجيبشان مان :-) او الفرعون المصرى :-) بس المهم فعلا و اللى هيحتاج شغل السنين. . . هو ان احنا نلاقى رئيس لدولة لاتفيا و لا ليتوانيا من اصل مصرى. . . مش يروح هناك و يبقى عايز يكوع و خلاص :-)

كلامك صح مش مختلف معاك فيه
لذلك عجبتني أوي مقولة بتقول:
أعشق مصر كوطن وأكرهها كدولة
وأنا زودت من عندي (وشعب)
محدش يقدر ميحبش مصر كوطن اتربى فيه وحضارة وعراقة وأصل وتراث تتمنى أكبر دول العالم إن يكون عندها ربعه ومصر ربنا كرمها بذكرها في القرآن عدة مرات ويكفي وصية الرسول صلى الله عليه وسلم بشعبها
لكن كل ده ميمنعش برده إن مصر دلوقتي غير مصر زمان ومش هينفعها لا تراثها ولا حضارتها ولا كل ما سبق طول ما الدولة من فشل إلى فشل والشعب من سيء إلى أسوأ مش الكل طبعا لكن الغالبية إلا من رحم الله وده اللي بيخلي كل واحد شايف نفسه محترم وشريف مش هيقدر يتأقلم على الجو الجديد اللي كله بلطجة وإسفاف وقلة أدب في كل مكان مع انعدام قيمة الإنسان دما وكرامة وحرية لذلك بيفكر في الهجرة والرحيل بشكل ملح لأنه عارف إنه مش هيقدر يتكيف مع الواقع الجديد اللي بطبيعة الحال مؤلم وقاسي وغير مقبول
هييييييييييح قلبت فينا المواجع :)
مش عايزين نبوظ للراجل موضوعه بقى وعايزين نخلينا في أصل الموضوع
نهاجر فييييييييييين

**khaled_sabry** · 10-10-2014 11:56 AM

فيه واحد فى احدى المواضيع اقترح الهجره الى المغرب ؟؟؟؟
حد يعرف عنها حاجه دى ؟؟

**Secret-Man** · 10-10-2014 01:57 PM

المشاركة الأصلية كتبت بواسطة khaled_sabry;3875780568

انا متفق معاك جدااا
مصريتنا و طنيتنا حماها الله ... ده فيرس لايمكن الشفاء منه
اما عن اسباب الهجره فى حد ذاتها - كان فيه موضوع اسطورى للمهندس ايهاب سالم هو مهاجر كندا و سايب قطر علشان يهاجر
بصراحه حسيت انه بيتكلم على لسانى انا
[url=http://almatareed.org/vb/showthread.php?t=11405

♥♥♥♥

15th March 2010

ده تاريخ الموضوع واحنا فى اخر 2014

كندا يكاد يكون اغلب قوانينها اتغيرت

**zorg** · 10-10-2014 02:00 PM

بلد صغيره و مفيها سكان تقريبا و الحياه عنب بس لازم تتعلم استوني و تستحمل البرد :))))))))

لما تيجي تفتح مشروع لازم تعمل دراسه جدوي و تكون اشتغلت في مشروع مشابه قبل كده

اهم حاجه الخبره و الاداره

بالنسبه لدراسه الجدوي ممكن تعمل زياره للسفاره و ربنا يساهل

معاك حق بابو باسم استونيا حلوة وبصراحة محدش من اللى انا كلمتهم جابلى سيرتها بالوحش زى لاتفيا مثلا بالرغم من تعليق واحد سلبى من شخص بوسنى هناك بس مش مشكلة
هو من الواضح كمان ان البلد هناك امنة ورعاية صحية كويسة وهادية
بس برضه مفيش معلومات كافية و المشروع اللى عندك خبرة فيه هنا ممكن ميصلحش هناك فالواحد محتار فى النقطة دى - ده غير التفاصيل اللى انا كلمتك فيها زى الضرايب ومصاريف المعيشة واذا كان مشروعك هيغطى النفقات دى او لا الخ
في حاجات كتير والله مخوفانى بس لو فى ايدى كنت طرت صاروخ بس للاسف معنديش فكرة عن ايه المشاريع اللى ممكن تنجح هناك
انا والله كنت ناوى اطلع على ماليزيا شهر 1 بس للاسف اللى قريته وشفته عنها هبطنى فقولت اصبر شوية لشهر 7 او 8 الجايين لعل وعسى الاقى حاجة نظيفة
انا دلوقتى قدامى ليتوانيا بس المشكلة زى ماقلت نفس مشكلة استونيا مش لاقى معلومات دقيقة
لو حد يعرف بقى منتدى للبزنس ممكن الواحد يلاقى فيه ناس من المناطق دى ياخد ويدى معاهم جايز يقدروا يساعدوه بالمعلومات
بس ياابو باسم انتا طلعت لئيم اوى انا كنت فاكر انا لوحدى اللى بدور فى المنطقة المجهولة دى بتاعت استونيا وليتوانيا :)

**zorg** · 10-10-2014 02:04 PM

لقيت صفحة على الفيس بتقول الاقامة فى المجر ب10000 يورو مش عارف ده نصب ولا حقيقة ولا ايه
بس الواحد واقع للاخر لدرجة انه فى قوتين جواه بيتصارعوا قوة العقل وقوة عايزة تسمع كلام كويس حتى لو كان من نصاب
دى الصفحة:
https://www.facebook.com/pages/Sahar...28919793925248

**zorg** · 10-10-2014 02:07 PM

بس من الواضح عشان نفرق ان الناس فى الموضوع ده تنقسم الى فئتين:
1- فئة مؤهلة وعايزة تهاجر عن طريق العمل وكده
2-فئة غير مؤهلة ودى مقدمهاش غير الهجرة عن طريق البزنس