عاوزين نهاجر

**khaled_sabry** · 08-10-2014 04:33 PM

عارف ان السؤال ده اتسأل و اتعمل عليه 100 موضوع قبل كده - معلشى خلينها 101 علشان خاطرى
الموضوع انى متزوج و عندى 4 اطفال
و اصبح عندى من فتره قصيره مبلغ كويس بسبب بيع شقه
فإنتعش لدى حلم الهجره لكندا و الذى كان متوقف بسبب عدم توفر الضمان المادى (حاليا اصبح متوافر و الحمد لله لكن بالطبع ليس الى حد هجره كرجل اعمال )

و مما جعلنى افكره به بقوه ايضا ان شركتى الحاليه تمر بازمه و اصبحت مهدد بالرفد و القطاع الخاص زى ما احنا كلنا عارفين و ده يعنى صعوبه ايجاد عمل بديل
غير ان الهدف الحقيقى من الهجره هو انى احس انى بنى ادم و توفير تعليم جيد للاولاد

انا بإذن الله حدخل امتحان IELTS يوم 1 نوفمبر
لكن انا كنت ناوى اقدم السنه دى على نوك 2174 Computer programmers and interactive media developers - بس للاسف لاحظت انهم وصلو للرقم 778 و هما لسه عند تاريخ 1 يونيو
Applications we will accept – Federal skilled workers
يعنى عقبال مايوصلولى حيكون النوك ده اتملى من زمان لإن الحد الاقصى 1000 فى النوك الواحد (واضح ان المبرمجين اللى زى حلاتى هما اعلى نسبه فى طلبات الهجره )
و بالتالى واضح ان ماليش فرصه السنه دى - و السنه اللى جايه حيطبق نظام Express Entry
و اللى فهمته لغايه دلوقتى ان حيبقى التقديم من خلال الموقع و كندا حتختار اعلى الناس اللى تطبق عليهم المعايير بتاعتها - يعنى حيبقى نظام زى التنسيق على مستوى العالم
و بالتالى برضه حتبقى فرصتى ضعيفه

فياريت تشورو عليا ببلد مستواها كويس و تقبل الهجره اليها بدون بهدله او شحططه و اقدر اشتغل فيها فى مهنتى (.Net Developer)

لو حد حيقولى استراليا فكان فيه الموضوع ده اللى قفلنى نهائيا منها - بالاضافه الى ان مافيش اى حد كاتب قصه هجرته لاستراليا نهائى على النت (على عكس كندا) مما يؤكد الكلام اللى مكتوب
http://www.nilemotors.net/Nile/430165-a.html

برضه كان فيه موضوع عن المانيا
http://www.nilemotors.net/Nile/437462-a.html
بس بصراحه مش مصدقه نهائى على الرغم انى سجلت فى المواقع اللى مكتوبه فى الموضوع و قدمت على وظائف و مافيش اى ريسبونس

طبعا الطريقه الكلاسيكيه انى اطلع على اى بلد اوروبى و اتجوز اجنبيه (رغم انى نفسىىىىىىىىىىىىىىىى) ماتنفعشى معايا لإنى عاوز المدام و الاولاد جنبى و القانون هناك مايسمحلكشى تتجوز اتنين غير ان المدام حتكون قتلتنى اصلا قبلها

**MTAK** · 08-10-2014 05:10 PM

فكر برا الصندوق
روح ماليزيا و صديقنا ابو رقيه بقاله فتره هناك و هو جرافيكس يعني له صله بالمجال

شوف واحد هايترفد معااك و اعملوا شركة هناك حتي تكون بوابة العبور و الاقامه

في كل الاحوال ، من قلبي بادعي ان ربنا يوفقك اما فيه الخير لك و لاسرتك

**rotanamasoud** · 08-10-2014 07:59 PM

انا بفكر اطلع النمسا لو ربنا اراد لان جوز اختى نمساوى(اخد الجنسيه)بس معقدنى بيقولى امريكا بقت اسهل من النمسا والتاشيره حتترفض
ولو طلعت نيتى صافيه اتجوز ولو اسلمت مستعد اكمل معاها واجيب اولاد والله المستعان

**Bassem Youssef** · 08-10-2014 08:21 PM

لو لم تكن متزوج و ليك في البيزنس كنت قولتلك علي تنزانيا او كينيا او حتي تتعلم استوني و تروح استونيا

بس حضرتك متجوز و ملكش في البيزنس فهقولك ربنا يتولاك :))))

**3mr Farrag** · 08-10-2014 10:08 PM

اسأل كويس علي ايرلندا
سهله عن معظم اوروبا انك تاخد اقامه لو اشتريت بيت او عملت مشروع و المشروع الدوله بتدخل معاك شريكه فتره
طبعا في تفاصيل كتير مهمه لازم انت تدور عليها بنفسك لأني مش عارفها و ماكملتش تدوير في الموضوع ده

**Pukka** · 08-10-2014 10:31 PM

ربنا يوفقك البلد اصبحت لا تطاق

**Ahmed Anwer** · 09-10-2014 04:17 AM

نيوزيلندا

**khaled_sabry** · 09-10-2014 06:11 AM

المشاركة الأصلية كتبت بواسطة ahmed anwer

نيوزيلندا

حسب معلومات ان نيوزيلندا هى هى استراليا بس على اصغر شويه
لكن نفس الظروف الاقتصاديه و المعيشيه و حتى كمان المهاجر لاستراليا يحق ليه التنقل بين استراليا و نيوزيلندا

المشاركة الأصلية كتبت بواسطة 3mr farrag

اسأل كويس علي ايرلندا
سهله عن معظم اوروبا انك تاخد اقامه لو اشتريت بيت او عملت مشروع و المشروع الدوله بتدخل معاك شريكه فتره

جديد موضوع ايرلندا ده - بس زى ماقولتلك انا الاهم بالنسبالى انى اروح بلد يكون فيها فرص عمل كويسه فى مجالى - للاسف الجزئيه دى كانت موجوده فى كندا و كانت اكتر حاجه مشجعانى

**3mr Farrag** · 09-10-2014 10:37 AM

المشاركة الأصلية كتبت بواسطة khaled_sabry

جديد موضوع ايرلندا ده - بس زى ماقولتلك انا الاهم بالنسبالى انى اروح بلد يكون فيها فرص عمل كويسه فى مجالى - للاسف الجزئيه دى كانت موجوده فى كندا و كانت اكتر حاجه مشجعانى

اللي انا عرفته ان ايرلندا كويسه في موضوع السوفت وير و اي حاجه ليها علاقه بالكومبيوتر
واحد قريبي عنده شركه هنا في مصر تسويق الكتروني و سافر قبل كده ايرلندا في مسابقه و دخل باسم شركته و قابل ناس من ضمنهم عمده دوبلن العاصمه و كان مرحب جدا ان اي حد يجي ايرلندا و ياخد اقامه و يسهلوا ليه الدنيا من اجراءات