جمارك جمارك جمارك جمارك !!!

**ashrafwolf** · 09-10-2014 08:05 AM

1-عدم تجديد رخص المركبات بعد سنة الصنع ب15 سنه
2-انشاء مصانع لقطع الغيار داخل بلدنا الحبيب
3-وضع حد اقصي لرخص المركبات داخل كل محافظه
4-وضع كارتات بين الاحياء للمركبات من خارج المحافظه
5-انشاء شبكة موصلات عامه محترمه مع تدريب السائقين اخلاقيا
6-عايز بقي تشيل الجمارك شيلها
الدوله حالتها كرب و اسعار العربيات بتزيد
السولار و البنزين زادو و اسعار العربيات بتزيد
شالو مرسي و جابو السيسي و اسعار العربيات بتزيد
الذهب سعره قل و اسعار العربيات بتزيد
و مع ذلك الناس مش مبطله شراء
و سوق العربيات بينتعش سنه ورا سنه
و بعدين تيجي تقولي نخفض سعر العربيات , يبقي انت اكيد ماسوقتش في مصر قيل كده او مش مستوعب ان طرقنا مافيهاش خرم ابره تمشي فيه

**ehabouf** · 09-10-2014 09:09 AM

المشاركة الأصلية كتبت بواسطة ashrafwolf

1-عدم تجديد رخص المركبات بعد سنة الصنع ب15 سنه

تقدر تقولي المرسيدس الزلموكة 94 (الي عدى عليها 20 سنة) سعرها كام؟؟؟
يا ترى تمنها ممكن يجيب عربيتين زيرو موديل السنادي والا لأ؟؟؟؟
اوصفلي شعورك لو معاك عربية زي دي وطلع قرار بعدم ترخيصها

**ashrafwolf** · 09-10-2014 06:45 PM

المشاركة الأصلية كتبت بواسطة ehabouf

تقدر تقولي المرسيدس الزلموكة 94 (الي عدى عليها 20 سنة) سعرها كام؟؟؟
يا ترى تمنها ممكن يجيب عربيتين زيرو موديل السنادي والا لأ؟؟؟؟
اوصفلي شعورك لو معاك عربية زي دي وطلع قرار بعدم ترخيصها

سبحان الله !!
يا باشا ما هو ده اللي الناس كلها بتشتكي منه
!!!!!!!!!!!!!!!!!!!!!!!
انت عايز تركب جديد و تنبسط او تركب قديم بسعر معقول برضه ؟
ولا عايز تفضل في العك المصري في سوق السيارات ؟!
ههههههه
والله العظيم حاجه عجب !
عربيات زبالة الزباله ماليه الشوارع !
و عربيات موديل 99 و 98 عامله 50 الف جنيه !
و الجديد عليه ضرائب 200% !
و عجبي

**svneleven** · 09-10-2014 07:20 PM

طب خدوني علي قد عقلي كده.
أنا معايا مثلا عربية قديمة تمنها 20 الف. و معايا 60 الف هحطهم علي تمنها و اجيب لانوس ب 80. تمام؟
ايه المشكلة تشيل الجمارك و تبقي لانوس ديه ب 50أو 60 علي اقصي تقدير و خد العربية اللي انا راكبها ارميها في الزبالة.
أنا كده ما خسرتش و لا كسبت لكن بعد كده لو جيت اشتري تاني هشتري من غير جمارك يبقي انا كسبان.
و الدولة طلعت عربية قديمة بتصرف بنزين و قطع غيار و تعطل الطريق من الخدمة.
يعني الكل مستفيد.

**ehabouf** · 09-10-2014 09:15 PM

المشاركة الأصلية كتبت بواسطة ashrafwolf

سبحان الله !!
يا باشا ما هو ده اللي الناس كلها بتشتكي منه
!!!!!!!!!!!!!!!!!!!!!!!
انت عايز تركب جديد و تنبسط او تركب قديم بسعر معقول برضه ؟
ولا عايز تفضل في العك المصري في سوق السيارات ؟!
ههههههه
والله العظيم حاجه عجب !
عربيات زبالة الزباله ماليه الشوارع !
و عربيات موديل 99 و 98 عامله 50 الف جنيه !
و الجديد عليه ضرائب 200% !
و عجبي

زبالة الزبالة مش بسنة الإنتاج بالحالة
وعلشان كدة جبتلك موديل عربية الي بيشتريها النهاردة بتمنها يقدر يشتري لانسر زيرو موديل 2015
تفتكر انه بيدفع الرقم ده في زبالة الزبالة؟؟؟؟

**ehabouf** · 10-10-2014 04:32 AM

المشاركة الأصلية كتبت بواسطة svneleven

طب خدوني علي قد عقلي كده.
أنا معايا مثلا عربية قديمة تمنها 20 الف. و معايا 60 الف هحطهم علي تمنها و اجيب لانوس ب 80. تمام؟
ايه المشكلة تشيل الجمارك و تبقي لانوس ديه ب 50أو 60 علي اقصي تقدير و خد العربية اللي انا راكبها ارميها في الزبالة.
أنا كده ما خسرتش و لا كسبت لكن بعد كده لو جيت اشتري تاني هشتري من غير جمارك يبقي انا كسبان.
و الدولة طلعت عربية قديمة بتصرف بنزين و قطع غيار و تعطل الطريق من الخدمة.
يعني الكل مستفيد.

انت كدة وصلت لمربط الفرس
ايه الي يمنع الي معاه العربية ام 20 الف دي او يطلب يشتري عربية بنصف مبيون او اكتر ويطلب اعفائها من الجمارك؟؟؟؟
ولو بتقولي مش منطقي ان ال معاه عربية ب 20 يفكر يعربية ب 500 ممكن يبيعها ب 100 الف لأي حد عايز يشتري ام 500 طالما حايتعفي من ربع مليون على الأقل من الجمرك
الي انا باقولك عليه ده الكلام الي كان الصخرة الي اتحطمت عليها فكرة وقف تراخيص العربيات القديمة

**Super_Star_h** · 10-10-2014 01:17 PM

بكره تشوفوا مصر

**احمد فهمى** · 10-10-2014 01:17 PM

طبعاً لا يدرى الكثير ان الجمارك من اسباب خراب البيئه وخسارة البلد فى المواد البتروله وطبعآ كل هذا بسبب ضحالة فكر المسؤل المصرى وانعدام الثقافه وترسيخ فكر الماضي وعدد السيارات محدود
مثال بسيط:-

حماية صناعه محليه مفيش اصلآ صناعة سيارات ولو بنتكلم على التجميع ليكن التجميع المصرى ارخص وفتح باب المنافسه..

دخول الجمارك لدعم الوقود كلام فاضى ضبعآ لأن لو تم احلال سيارات التاكسي والاتوبيسات والنقل اللى على جميع الطرق بموديلات حديثه البلد هتوفر 50% من الديزل ونفس الوضع للبنزين بالتالى مش هتحتاج تدعم حد بالكذب هم نفسهم بيخسرو بس بيبصو تحت رجليهم..

هيتم فتح مجالات جديده وفرص عمل لفرم واعادة استخدام السيارات الخرده اللى بتهددنا على الطرق..

والحسنه الوحيده اللى احمد عز عملها كانت التاكسي الابيض وكان نفسي تتحقق فى الملاكى الافكار كتير بس اللى ينفذ

**horas3000** · 10-10-2014 01:49 PM

المشاركة الأصلية كتبت بواسطة borio1704

اللي أعرفه إن قانون الجمارك مقسم العربيات 3 فئات

أقل من 1600 cc
أقل من 2000 cc (يعني أكتر من 1600 لحد 2000)
أكتر من 2000 cc

طريقة الحسابات معقدة .. وبتبين لك قد إيه اللي حاطط القانون ده أقل ما يوصف بيه إنه يهودي.

بص يا سيدي:

الرسوم الجمركية نفسها عبارة عن 3 حاجات

أول حاجة إسمها "سيف وارد".. ودي تعتبر نسبة الجمرك الصريحة على البضاعة الواردة.. وبتتحسب كنسبة من ثمن العربية.

تاني حاجة إسمها "ضريبة المبيعات"... ودي بتتحسب كنسبة من "إجمالي ثمن العربية + قيمة سيف الوارد" مع بعض

يعني لو العربية ثمنها 100 ألف.. ونسبة سيف الوارد 40% (يعني 40 ألف).. يبقى ضريبة المبيعات تتحسب على قيمة 140 ألف (100ألف + 40ألف)

ثالث حاجة إسمها "رسم تنمية"... ودي بتتحسب على إجمالي "ثمن العربية + قيمة سيف الوارد + قيمة ضريبة المبيعات"

يعني بنفس المثال السابق.. ولو ضريبة المبيعات نسبتها 15% (يعني 21 ألف).. يبقى رسم التنمية يتحسب على قيمة 161 ألف (100 ألف + 40 ألف + 21 ألف)

بالنسبة لقيم الحبشتكانات دي في التلات فئات بتوع السيارات.. فهي كالتالي:

أقل من 1600 cc : سيف وارد 40% .. ضريبة مبيعات 15% .. رسم تنمية 3% ... يعني الإجمالي 65.8%
أقل من 2000 cc : سيف وارد 135% .. ضريبة مبيعات 30% .. رسم تنمية 5% ... يعني الإجمالي 220.8%
أعلى من 2000 cc : سيف وارد 135% .. ضريبة مبيعات 45% .. رسم تنمية 8% ... يعني الإجمالي 269.7%

القانون المنيل ده ساري بقاله حوالي 10 سنين بآخر تعديل (لما ضمو فئة الـ1300 والـ1600 على بعض)

وقبل كده كان فيه كمان فئة أقل من 1000 cc .. وفئة أقل من 1300 cc

على حسب علمي لسه ما حصلش تعديل على القانون..

...

بالظبط هي دي الحسبه
بس دي بقي المرحله الاولي

المرحله التانيه و الالعن بقي هي جمارك الاوبشنز
كل اوبشن زياده في العربيه زي فتحة السقف ، الشاشه ،الجنوط، السنسورز الخ الخ و بما فيهم عوامل الامان زي ال abs و خلافه عليها قيمه جمرك لوحدها
و دول بقي بيعلوا سعر العربيه جدا و انت كده تعتبر اتجمركت عليهم مرتين
مره علي سعرهم اللي انت دافعه مع سعر العربيه نفسها و مره تانيه لوحدهم
و عشان كده تجار الخليجي بيلجاءوا انهم يجيبوا العربيات فاضيه تماما و هما يركبوا اللي عايزينه هنا

نيجي بقي لفكره الجمارك نفسها و كاعتمادها لطريقه للحفاظ علي عدد ثابت من السيارات و ده طبعا مش ناجح بشكل كامل
اولا في طرق تانيه كتير للتحكم في العدد اكتر فاعليه و اللي تضمن فعلا العدل الاجتماعي

الغاء الجمارك في مقابل الغاء الدعم بالكامل علي الوقود بانواعه هيوفر مليارات للدوله ممكن استخدامهم في اماكن اخري اقلها تحسين شبكه الطرق
العربيات الجديده اللي هتحل مكان القديمه هتساهم برضه في نوفير الوقود
و في حاله اعتماد مواصفات قياسيه محترمه تحتوي علي كل عوامل الامان فانت هتوفر كتييير من تجنب الحوادث اليوميه اللي بتحصل

عموما الموضوع كبييير و في جوانب كتير ممكن تكون خفيه علي الواحد
بس اللي يهمه مصلحهةالناس و البلد مش هيغلب
بس علي راي صديق ليا
طول ما اللي ماسكين البلد مس حاسين بباقي الشعب و بينسوا المعاناه اللي كانوا فيها قبل ما يبقوا مسئولين محدش هيتحرك