عداد ال rpm عالي

**a7med.7assan** · 08-11-2014 12:12 PM

استاذ حسام ... مفيش جديد؟؟؟

استاذ محمود ايه رايك فى اللى حكيتهولك ؟

الاستاذ طارق كمان افاد اننا نشيك ع حساس السرعه وفيشته .. وانا الحقيقه مش عارف ايه حساس السرعه ومكانه فين ... وياترى بيبان ع السكانر ... ولا لازم كهربائى مثلا يبص عليه؟؟ ولا ده ميكانيكى اللى بيشيك عليه ولا ايه ...

**Hossam Elhawy** · 08-11-2014 02:34 PM

المشاركة الأصلية كتبت بواسطة a7med.7assan

استاذ حسام ... مفيش جديد؟؟؟

استاذ محمود ايه رايك فى اللى حكيتهولك ؟

الاستاذ طارق كمان افاد اننا نشيك ع حساس السرعه وفيشته .. وانا الحقيقه مش عارف ايه حساس السرعه ومكانه فين ... وياترى بيبان ع السكانر ... ولا لازم كهربائى مثلا يبص عليه؟؟ ولا ده ميكانيكى اللى بيشيك عليه ولا ايه ...

والله يا استاذ أحمد انا انا جربت كذا مرة البي انت قلت عليه حصل ايه بقي العداد علي زياده الأغرب بقي أن لمبة التشيك نورت ثانيتي بس وطفت تاني علطول ومنورتش تاني كله ده وانا شايل فية الحساس وطبعا البنزين طار من عندي بسرعه، رجعته تاني ومازلت المشكلة قائمه
واديني مستني اشتري بوابه استيراد ويا مسهل
دعواتك

**a7med.7assan** · 08-11-2014 03:01 PM

المشاركة الأصلية كتبت بواسطة hossam elhawy

والله يا استاذ أحمد انا انا جربت كذا مرة البي انت قلت عليه حصل ايه بقي العداد علي زياده الأغرب بقي أن لمبة التشيك نورت ثانيتي بس وطفت تاني علطول ومنورتش تاني كله ده وانا شايل فية الحساس وطبعا البنزين طار من عندي بسرعه، رجعته تاني ومازلت المشكلة قائمه
واديني مستني اشتري بوابه استيراد ويا مسهل
دعواتك

استاذ حسام لو غيرت البوابه وفرقت معاك او فعلا حلت المشكله ياريت تقولى .... وانا هشوف موضوع حساس السرعه وفيشته وهقولك برده ... بس غريب انك لما فصلت فيشه حساس الايديال ال اى بى ام على ... هو فعلا عندى لما شيلتها ال ار بى ام بقى ينزل بسرعه وكمان بينزل تحت ال 1 والعربيه ع المور .... لكن سبب مشاكل تانيه .. حسيت ان علوه مشكله اقل من المشاكل دى .. لحد مشوفله حل

خير ان شاء الله

**Viper911** · 08-11-2014 04:00 PM

المشاركة الأصلية كتبت بواسطة a7med.7assan

استاذ حسام ... مفيش جديد؟؟؟

استاذ محمود ايه رايك فى اللى حكيتهولك ؟

الاستاذ طارق كمان افاد اننا نشيك ع حساس السرعه وفيشته .. وانا الحقيقه مش عارف ايه حساس السرعه ومكانه فين ... وياترى بيبان ع السكانر ... ولا لازم كهربائى مثلا يبص عليه؟؟ ولا ده ميكانيكى اللى بيشيك عليه ولا ايه ...

معللس في التأخير كنت مشغول...
بص يا باشا اللى حصلك لما حضرتك شلت الفيشة ان رجل حضرتك مش متعوده على سنه البنزين اللى لازم تزودها عشان العربية تقوم لان موضوع الايدل فالف كان بيقوم بالمهمة ديه بدالك و عشان كده دايما مهما عمل العربية مش بتبطل عشان سنه البنزين الزياده بتاعت الصمام

على العموم هيه تجربة .... و أنا لسه ماشي بدون الفيشه من ساعتها و الحمدلله تمااااام جدا و مبسوط و بدون مشاكل تذكر معادا موضوع سنه النزين اللى بالفعل اتعودت عليها خلاص و معدش عندي مشكله ...
و ملحوظه مهمه جدا كمان .. استهلاك البنزين بصراحه اتحسن كتيييييييير و الحمدلله أنا عملت 125 كم في 10 لتر 75% منها جوه البلد و ديه حاجه كفاية بالنسبالي تخليني أفضل فاصل الفيشه

خلي قلبك جرئ و اتكل على الله و جرب فتره لحد ما رجلك تتعود على سنه النزين و هتحس بالفرق ..

شكرا

**a7med.7assan** · 11-11-2014 01:48 PM

اكتشاف جديد فى المشكله

لما مبعملش مور للعربيه وفضل ع الغيار اللى انا عليه اى كان " تانى - تالت- ... خامس " وافضل دايس فرامل عشان العربيه تهدى ... ال ار بى ام بينزل بسرعه وكمان لو فضلت بالتعشيقه لحد العربيه متقرب تقف تماما بينزل تحت ال 1 ....صحيح العربيه قبل ما تقف خالص وانت ع الغيار بتبقى عيزه تجرى وبحلقها بالفرامل بس ينزل فعلا تحت الواحد.... ولما بدوس دبرياج بقه عشان اقف او امور حتى.... بيعلى اخره ع 1000 بس ده قبل متقف ع طول واول مبقف يثبت 800 - 900 مش عارف ده فعلا كده ليه علاقه بحساس السرعه لانه مع التعشيقه بينزل تحت الواحد لكن مع المور بيفضل عالى 1400

**alaafever** · 11-11-2014 05:08 PM

لمضة الكمبيوتر نورت بعد ماشيلت الفيشه

**a7med.7assan** · 12-11-2014 12:56 PM

المشاركة الأصلية كتبت بواسطة alaafever

لمضة الكمبيوتر نورت بعد ماشيلت الفيشه

يا باشا لو تقصد تسال ان اللمبه نورت لما شيلت فيشة الايديال .... فهى منورتش

**Hossam Elhawy** · 08-12-2014 01:00 PM

أحمد حسن
سوري جدا على التأخير والله كان عندي حالة وفاه وكنت مشغول جدا والله
بص ياسيدي انا غيرت عدد 2 بوابه واحده بحساستها ووأحد من غير ولحد دلوقتي نفس المشكلة، وروحت التوكيل قالي هغير حساس الايدل وغيره فعلا ولا الهوا انا تعبت جدا وبدور علي مشتري

**Viper911** · 09-12-2014 01:14 PM

المشاركة الأصلية كتبت بواسطة hossam elhawy

أحمد حسن
سوري جدا على التأخير والله كان عندي حالة وفاه وكنت مشغول جدا والله
بص ياسيدي انا غيرت عدد 2 بوابه واحده بحساستها ووأحد من غير ولحد دلوقتي نفس المشكلة، وروحت التوكيل قالي هغير حساس الايدل وغيره فعلا ولا الهوا انا تعبت جدا وبدور علي مشتري

أستاذي الفاضل ......... هتصرف و هتصرف و مش هتتحل المشكله ... سبق و قلت ديه مشكله ecu اللى بيتحكم في الموضوع ده ... برمجة الكمبيوتر كده و الحل الوحيد زي ما قلت قبل كده و هفضل أقول ... تفصل الفيشششششششششششششة
حضرتك قبل ما تصرف أي مليم أنا لسه من كام يوم صاحبي شاري واحده زيرو ... أنا بقول زيرو 2015 يعني كله تمام المفروض و برده ال rpm عالي جدا و راح للتوكيل و برده مافيش أمل
عملت نفس القصه و فصلت الفيشة و العربية بقت تمااام ....
مافيش غير الحل ده و ده غباء في العربية عادي جدا من منصور

**يونـــس** · 10-12-2014 09:29 AM

المشاركة الأصلية كتبت بواسطة Hossam Elhawy

أحمد حسن
سوري جدا على التأخير والله كان عندي حالة وفاه وكنت مشغول جدا والله
بص ياسيدي انا غيرت عدد 2 بوابه واحده بحساستها ووأحد من غير ولحد دلوقتي نفس المشكلة، وروحت التوكيل قالي هغير حساس الايدل وغيره فعلا ولا الهوا انا تعبت جدا وبدور علي مشتري

طب جرب اخر حاجه هقولك عليها
البواجى اللى عندك تلاقيها مش من نفس نوع العربيه او السن بتاعها مش مظبوط
ركب لها بواجى من السن التخين وخلى حد يظبط لك فتحه الجاب بتاع البواجى

لان الموضوع ده حصل معايا وكان الصوت بيعلى لوحده ومينزلش وطلع العيب منها لما ركبت البواجى اللى بسن تخين ظبطت رقمها Bper5s نوعها ngk
جرب وربنا يوفقك