الموضوع: موتور العربية بيتهز وفجأة بئت بتلت

أعضاء نيل موتورز المحترمين .. رجال أوبل رجال المواقف الصعبة إعتذر عن ضعف المشاركة نظرا لطبيعة شغلي المقرفة .. العربية كانت مع أخويا في مطروح وجه ركنها تحت البيت وكله تمام ويدوب حطتها في الجراج وبعد حوالي يومين جيت أسخنها وأتوكل على الله لقيت العربية بتنتش والموتور بيترج وبيحشرج والشكمان بدأ بيخرج منه دخان متقطع لونه أسود أدوس بنزين ألاقي ال Rpm بيرقص بطلت العربية وقعدت أتفحص الموتور وسلوك الموبينة لقيت كله تمام أدور تاني ألاقي نفس الكلام لحد معدى عليا إبن عمتى قالي دور ..بعدها قالي العربية متلتة وفيه بوجيه مش شغال ويدوب شال السلك بتاع البوجيه لاقيت قطعة نحاس أصفر شابكة في البوجيه .. ياترى إيه تفسير الكلام ده ..أغير طقم البوجيهات ولا سلك الموبينه ولا ده من إيه ....؟؟