الموضوع: اضرار الغاء حساس الشكمان

المشاركة الأصلية كتبت بواسطة Ahmed Saad

منين عرفوا انو مش مظبوط علي الرغم ان مفيش اعطال مسجله لحساس الشكمان خد بالك كلام مش راكب علي بعضه لو الميكانيكي قاللك الكلام ده يبقي بيفتي الحساس لما بيعطل بيدي انه عاطل وبيتسجل error علي الكنترول ولما بتكشف ببرنامج الاعطال VCDS او ال Vas بيطلع انه عاطل غير كده يبقي شغال تمام وكمان لما بيعطل الاستهلاك بتاع البنزين بيزيد وبرضه بيسجل عطل لو مش مسجل يبقي شغال تمام ومافيهوش مشاكل يعني الحساس ده ياصالح يا عاطل ومتخفش متمشيش ورا كلام الميكانيكيه لان نص كلامهم فتي

لا هو المشكله عندي في العربيه انو مسجل خطأ cylinder 2 و cylinder 3 miss fire فا غيرت بوبينه و سلوك بوجيهات استيراد و بوجيهات و لسه المشكله هيا هيا و نفس الخطأ بيرجع يسجل تاني فا لما رجعت للمكانيكي قالي يبقى كده حساس الشكمان هوا السبب و راح فاصلي فيشتو و انا مقتنعتش بصراحه و رحت مركبه تاني و مش عارف بقى ايه الحل انا بقالي فالموضوع دا اكتر من ٦ شهور و مش لاقي حل و العربه بحس فيها برعشه خفيفه كده فالسالنسيه بس يمكن هدية شويه لما غيرت البوجيهات الاصليه من عند الشهاب فأرجو المساعده

المشاركة الأصلية كتبت بواسطة ahmed saad

بص ياباشا اعطال ال missfire كلها مالهاش دعوه بحساس الشكمان بص انا هقولك اعطال الmissfire بالترتيب وانت راجع عليها كلها ومش هتخرج منهم
1-فيوزات الرشاشات ودول بيبقوا من فيوزات الكنترول يعني رسمتهم في علبه الفيوزات رسمه الكنترول
2-بوجيهات وسلوك بوجيهات ودول انت مغيرهم
3-رشاشات ضعيفه او قاطعه
4-موبينه
5-ضفيره
6-كبس ضعيف في السلندر وده مستبعد شويه
7-كنترول موتور

دول اعطال الmissfire ومفيش غيرهم عموما نضف الرشاشات علي جهاز التراسونيك لو تمام ركبهم وشوف مش الرشاشات شوف الموبينه ممكن تكون ضعيفه ودي حصلت معايا في عربيتي الباسات نفس موبينه الجيتا اللي معاك وعين واحده قطعت ودي مش بتحصل خالص لازم عينين تقطع ده العادي بس حصلت معايا وعين قطعت وغيرتها وظبطت الحمد لله شوف كده وقوللي وعموما لو عايز تجرب الرشاشات فك الغطا الفبر وشيل فيشه فيشه لكل رشاش لو فيشه بتاعت رشاش شيلتها وماتأثرش يبقي المشكله من هنا وعموما انا هبعتلك رقمي علي الخاص واتصل بيا هقولك علي طريقه تختبر بيها الرشاشات وان شاء الله توصل للحل وانا في انتظار مكالمتك وان شاء الله خير

السلام عليكم ممكن يكون الموضوع قديم بس حضرتك دارس كويس الموضوع شكلك انا العربيه بتستهلك عندي بنزين عالي يعني بتعمل 170ك في الصفيحه وسالت صنعي قال ممكن يكون حساس الشكمان هيبوظ بس مفيش اي اعطال عندي وقال لان لازم تعمل 200ك في الصفيحه المشكله انا من سوهاج وبسافر كتير القاهره واسكندريه اه انا اسف عربيتي جيتا 2008

المشاركة الأصلية كتبت بواسطة m07mad

لا هو المشكله عندي في العربيه انو مسجل خطأ cylinder 2 و cylinder 3 miss fire فا غيرت بوبينه و سلوك بوجيهات استيراد و بوجيهات و لسه المشكله هيا هيا و نفس الخطأ بيرجع يسجل تاني فا لما رجعت للمكانيكي قالي يبقى كده حساس الشكمان هوا السبب و راح فاصلي فيشتو و انا مقتنعتش بصراحه و رحت مركبه تاني و مش عارف بقى ايه الحل انا بقالي فالموضوع دا اكتر من ٦ شهور و مش لاقي حل و العربه بحس فيها برعشه خفيفه كده فالسالنسيه بس يمكن هدية شويه لما غيرت البوجيهات الاصليه من عند الشهاب فأرجو المساعده

العطل دا بتاع Cylinder أو Piston و بعدين يدى رقمه كان مع زميل ليا فى العمل معاه كيا شوما و فى الآخر طلع كاوتش صباب و عمل ضبط تاكيهات

بس فى الفولكس مش عارف ايه الوضع