الموضوع: بخصوص الخليجي والمصري والجنوب افريقي

المشاركة الأصلية كتبت بواسطة mohamed.hany

ليا بعض التحفظ علي الردود سواء من مؤيد او معارض و تحفظ برضو اني شايف قليل من التحيز اللي مش في مكانه و انا عن نفسي و بطبيعة شخصي مش بحب اتكلم غير بالارقام و الدليل و البراهين , و عشان كدة هسجل اعتراضي علي الاتي :

1. كلمة خليجي و كباس احسن و بوهية احسن ده ما هو الا وهم كبير عملوه التجار الجشع المصريين عشان يسوقو بضاعتهم في مصر اللي بياخدوها بسعر بخس حوالي 100 الف مصري من السعودية لعربية انتهي موديلها من سنتين و تيجي تتباع هنا ب 200 الف !! الكباس هو هو مفيش فرق و البوهيا بتتعمل في المصنع بنفس الطريقة و المواد و عدد الطبقات الكلام ده مني شخصيا امتلك كورولا 2011 هاي لاين مواصفات خليجية و كورولا 2014 و مجرب التكييف كذا سنة و مجرب و شايف الدهان و قوته كذا سنة يعني مش سمع ده واقع لا جدال فيه .
2. الكورولا المصري مش بتنزل ب 4 ايرباج ده كلام غير سليم بتنزل في الهاي لاين 7 ايرباج .
3. الكورولا المصري مش بتتفوق و لا ضربت الخليجي في الكماليات فقط ابدا ابدا دي ضربتها في كل شئ عربية مختلفة تماما :
# من فتيس رهيب cvt-is مقارنة بفتيس جار عليه الزمن في سنة 2015 عربية بفتيس 4 سرعات !!!
# بالنسبة للعفشة المختلفة كليا في السيتب بتاعها عفشة رياضية معدلة يكفي ان الخليجي بتنزل بالمساعد جوة االسوستة وده طبعا بيقلل الثبات مقارنة بالمصري اللي مساعد خارجي بزاوية و سوستة داخلية تصميم بيدي ثبات اعلي بكتير
# وسائل امان ضعيفة جدا جدا لعربية في سنة 2015 الخليجي بينزل بدون عوامل الامان الاساسية التالية :
1. نظام الثبات الالكتروني vsc+
2. نظام الجر trc
3. نظام التنبيه ebl
4. نظام follow me home
5. نظام hac مساعدة في المرتفعات
6. عدد 7 ايرباج
7. اماكن تثبيت بالكراسي isofix
8. الفوج لايت الخلفي
9. اضاءة نهارية drl اجبارية جميع الفئات

طبعا كل مواصفات الامان دي قياسية و اساسية في اي عربية امنة سنة 2015 و الخليجي بعيد كل البعد عن المواصفات دي
اما بقا بخصوص الاوبشنز اللي بتتفوق فيها الكورولا فحدث ولا حرج لا يوجد وجه للمقارنة مبينهم في الكماليات و النقطة دي واضحة مش محتاجة اتكلم فيها.

4. بالنسبة لتعليق الاستاذ سامح الكورولا المصري بينزل فيها smart key و شاشة طبعا بس شاشة اصلية مش متركبة اكسسوار صيني زي اللي في الخليجي .
5. برضو بالنسبة للاستاذ سامح حضرتك قولت "اخطر عيب موجود و اللي بدأ مشاكله تظهر عن بعض المستخدمين هو الفتيس الجديد" طيب يا ترا ممكن تحدد لي حالة واحدة فقط في مصر حصلت لها مشكلة من الفتيس و هستني من حضرتك الرد و ايه هي طبيعة المشاكل اللي بدأت تظهر عند بعض المستخدمين عشان ده كلام غير سليم مع احترامي لشخصك الكريم .
6. بالنسبة لنقطة الرساوة علي الطريق و الملف عشان بس ارد رد قاطع هنقول
# مجازا و عكس الواقع ان العفشة اللي في عربية سبور المعدلة اللي في النسخة المصري اقل ثباتا من العفشة السوفت الطرية اللي تصميمها المساعد داخل السوستة و (ده كلام اكيد غير سليم)
# و برضو مجازا هفترض ان العربية الاتقل في الوزن ثباتها اقل (و ده برضو مش صح) و بالمناسبة الكورولا المصري اتقل من الخليجي في الوزن بحوالي 50 كج
# شوقت الافتراضات دي كلها اللي في صالح ثبات المصري عن الخليجي هاجي اقولك اعتربهم مش موجودين خالص , يا راجل يا طيب ياللي بتقول العربية في الملفات مش راسية و بتلعب جدا امال فايدة ال esp وال trcايييييييه؟؟ طيب ادام المصري اللي فيه esp بيعمل كدة امال الخليجي اللي من غيره بيعمل ايه بقا !!!!
7. سؤال عجيب يعني ايه الخامات الاوروبية زي المصرية !!! اللي اعرفه ان النسخة الاوروبية هي النسخة المصرية اللي بتنزل مصر !!!
8. حضرتك قولت "الماكينه مصصمة علي حرارة اقل زي اوربا انما الحرارة في مصر اصبحت اعلي شوية" ده كلام غير سليم الموتور واحد اسمه 1zr-fe و بيصمم و يصنع في اليابان من نفس المصنع و نفس الخامات و نفس ال part number ولو حضرتك عندك اسم الموتور المصمم خصيصا لدرجة الحرارة قولنا عليه (ده برضو كلام التجار المغلوط اللي نشروه في مصر)
و علي فكرة هو هو نفس الرقم بتاع الموتور بتاع عربيتي ال 2011 الخليجي بنفس الرقم و كل شئ موجود في عربيتي 2014 و مش مختلف ولا حاجة و زي اللي بينزل في الخليجي 2015
9. " عامة الخليجي الخامات الصناعية احسن شوية" اختلف معاك بشدة الخامة مش ملمس و لا شكل الخامة هي تحمل و تبص علي العربية بعد 5 سنين و ياما عربيات فخمة اوروبية الناس موهومة بشكل خاماتها و جلد الفتيس والدركسيون شققو في اول سنة و اجزاء من التابلوه اتكسرت و بدون ذكر اسماء و بالصور اللي عاوزها ممكن ابعتهالو علي الخاص ده اولا
ثانيا نفس المواد و الخامات واحد و كل بلد مصنع بيدخل نسبة صناعة و مواد محلية في التقفيل زي الكراسي او الجلد حاجات بسيطة و من المنطلق ده بسأل حضرتك سؤال : هل خامة الخليجي اللي بتصنع في تايوان (الصين يعني ) افضل من المصري اللي بتصنع في تركيا !!!!
10 . اخر تعليق كان قوي جدا "بعد ما جربت اركب عربيات خليجي مش هفكر اصلا اني اركب مصري لاني بصراحة لا اثق في التقفيل ولا الصناعة المصرية"
هو الكورولا المصري بقت صناعة و تقفيل مصري !! بنفس المنطلق الكورولا الخليجي هي صناعة و تقفيل خليجي .

اتمني اكون وضحت وجهو نظري بكل حيادية من واحد معاه عربية كورولا 2014 مصري مواصفات اوروبية و عربية كورولا خليجي 2011

كلامك جميل واحترم اسلوب ردك اللائق بشخص مثقف

بص خاصة الحرارة والموتور لا هو مش واحد نهائي بدليل ان الموتور الخليجي مش اتحدث زي المصري عشان ( الحرارة فقط )
انا نزلت بالكرولا مصر الحرارة عندي هنا بتوصل 3 شرط بالظبط فيما اقل مع المكيف عارف في مصر وانا ماشي من القاهرة لغردقة وبدون توقفات الا عشان افول مره واحده فقط - الحرارة لم تتعدي الشرطة الثانية بل اقل ( ده كلام عن تجربة )
اخويا انا شخصيا معاه الكرولا المصري - الحرارة فيها بتوصل للنص وهي يادوب لسه شغاله وده لسه مستلمها توكيل ( 2014 ) العام الماضي لان طبعا اجازتي في شهر 7 - طبعا ده يوضح فرق شاسع في الموتور وراس الماكينه ومشكلة الحرارة لان من خبرتي البسيطة جدا ولا اقول علي نفسي خبير بل فعلا خبرتي بسيطة ان الحرارة من واقع تجربة هي اساس الموتور واي مشاكل ثانية سهل حلها
- نيجي للتقفيل الدهان خاصة
انا طبعا بعمل بالخارج وكانت عندي كرولا 2007 اللي فيها نور حول النمر الخلفية دي
سبتها امام البيت في الشمس - مع العلم انه الدهان الاصلي لمدة تقريبا سنة ونصف بدون تغطية للاسف رجعت لقيته مشقق ودي اصلي
بعكس هنا في الخارج العربيات متعرفش يعني ايه غطاء للسيارة والدهان عمره اطول وده مفيش فيه فصال طبعا ولو سافرت هتعرف
- الرساوة مين اللي قال لحضرتك ان الكرولا هنا مفيش فيه رياضية وان كانت فئة اغلي بدرجة ولكن هي بالفعل موجود واعلي ثبات جدا وعلي فكره انا مجرب كرولا لسه خارجة من وكاله مش بقول اي كلام ده غير سيارتي اللي في مصر اساسا
- نظام esp مش بيخدم الا في حالة الدورنات المفاجئة وده بيعمل تلقائي بسينسور في اغلب السيارات بيكون في منتصف السيارة وبيعمل في حالة الاختلال المفاجئ يعني لو انت ماشي طبيعي مش هيكون بالفعل يعمل
- وزن سيارة الكرولا في مصر 2012 حوالي 1400 كيلو او اعلي كسور بسيطة هنا في السعودية او الخليجي 1650 كيلو

طبعا انا اؤيد وبالفعل ذكرت ان من العيوب الموجوده في السيارة 2 ايرباق فقط بعكس هذا امان اساسي .. رغم انه طلع عندي من الص\ام فقط :( وانا بركن السيارة عشان السينسور اتعطل )

عامة انا قولت كماليات مصر احسن انما الصنع التايواني افضل لان مش يهم مين بيصنع .. المهم المواصفات ايه بدليل عندك ايفون كل صناعتها في الصين مش تايوان اللي هي افضل شوية ومع ذلك العالم كله يشهد بخاماته بعكس المشكلة الاخيرة

تحياتي لشخصك الكريم وللمناقشة الرائعة

المشاركة الأصلية كتبت بواسطة mohamed.hany

شباب بالهداوة كلها حديد في حديد مش مستاهل حد يزعل من التاني كلنا اخوات و ليكم كاما الاحترام و يؤسفني لغة الحوار توصل لكدة انتم كريمة المجتمع .
و هيستمر النقاش البناء الراقي مبينا دايما و اهو كله تويوتا تحياتي ليكم جميعا

كل الناس ماشاء الله بتتكلم باسلوب لائق الا الشخص اللي اسمه تويتا افريقي هذا
للاسف من الاشخاص اللي عندهم عقدة التشويه .. عشان معاه افريقي يبقي كل الناس عربيتها وحشة والحلوه الافريقي
ربنا يهديه يارب ويهدينا جميعا

لا مش عشان عندي افريقي لا بس عشان بسبب الوهم الخليجي جبت الخليجي بعد الجنوب حاسيت اني راكب عربيه تسعينات والتجار قعدوا يفتوا عليا واشترتها اغلى من اللجنوب باكتر من عشرين الف وكنت فاكر اني شاري حته من الجنه بسبب عقدة الخواجه اللي عند المصريين والحاجه اللي جايه من الخليج او السعوديه بالتحديد متوضيه وحاجه البيت الحرام المهم بدات اقرا واقرا واخد راي مهندسين واجيب الكتالوجات واشوف الفرق وافرق على الطبيعه بين العربيتين واخش على النت في المنتديات الخليجيه واشوفهم بيشتكوا من ايه صدقوني يارجاله مشاكلهم اكتر من عندنا على فكره اعرفكم بنفسي انا مستورد قطع غيار كورولا وسيراتو فاللعبه عارفها كويس بعد مالتجار اوهموني ان الخليجي احسن من الجنوب

المشاركة الأصلية كتبت بواسطة تويوتا افريقي

ههههههههههههههههههههه الخليجي خاماته احسن ازاي هههههههههههههههه جربت تكسر حته من هنا وحته من هناك

كنت في السعوديه من ثلاث شهور طبعا هناك السواقه بسرعات عاليه كل الكورولات اللي معديه عليا الاكصدامات اللي قدام طالعه من مكانها حاجه تفضح والعربيات الهونداي وكيا والصيني حتى كله محترم وماسك نافسه انا كنت هاكره التويوتا لولا اني عارف ان في تويوتا مش خليجي محترمه انا عارفها وبركبها

المشاركة الأصلية كتبت بواسطة تويوتا افريقي

لا مش عشان عندي افريقي لا بس عشان بسبب الوهم الخليجي جبت الخليجي بعد الجنوب حاسيت اني راكب عربيه تسعينات والتجار قعدوا يفتوا عليا واشترتها اغلى من اللجنوب باكتر من عشرين الف وكنت فاكر اني شاري حته من الجنه بسبب عقدة الخواجه اللي عند المصريين والحاجه اللي جايه من الخليج او السعوديه بالتحديد متوضيه وحاجه البيت الحرام المهم بدات اقرا واقرا واخد راي مهندسين واجيب الكتالوجات واشوف الفرق وافرق على الطبيعه بين العربيتين واخش على النت في المنتديات الخليجيه واشوفهم بيشتكوا من ايه صدقوني يارجاله مشاكلهم اكتر من عندنا على فكره اعرفكم بنفسي انا مستورد قطع غيار كورولا وسيراتو فاللعبه عارفها كويس بعد مالتجار اوهموني ان الخليجي احسن من الجنوب

معنديش مشكلة في النقاش ولكن نحترم الاخرين مش نتريق ونقول كلام سخيف
عامة انا بسوق بسرعة عالية باردوا والصدام عمره ما طلع من مكانه بس هنا الحدوادث كتير والصدمات بتتأذي من كتر الحوادث فاكيد اللي انت شفته عامل حادثة

لا مش عاملين حوادث دي ظاهره هناك كل اللي بيشتري واحده جديده لاز يوديها للسمكري عشان يشكله مسمارين في الرفارف وبعدين الله يسامحك انا كلامي سخيف دانا نسمه هههههههههههههههه