المشاركة الأصلية كتبت بواسطة temoinlove
كلامك جميل واحترم اسلوب ردك اللائق بشخص مثقف
بص خاصة الحرارة والموتور لا هو مش واحد نهائي
كامل احترامي ليك بس لأ هما موتور واحد و الكود بتاعه 1zr-fe و نفس البارت نمبر انا شايفهم بنفسي عشان معايا العربيتين . ياريت للمرة التانية تجبلي اسم الموتور التاني اللي حضرتك بتقول عليه .
بدليل ان الموتور الخليجي مش اتحدث زي المصري عشان ( الحرارة فقط )
اولا موضوع الموتور المصري اتحدث عشان الحرارة ده غير صحيح بالمرة الموتور واحد من سنة 2009 بقوة 122 حصان ثانيا ممكن مصدر معلومة انه اتحدث عشان الحرارة ثالثا و اعتقد دي معلومة حضرتك متعرفهاش ان الموتور في الخليج كان بينزل بقوة حصانية اقل و اتعدل السنة دي فقط عشان يبقي زي المصري 122 !!!! يبقي ازاي بقا ؟
انا نزلت بالكرولا مصر الحرارة عندي هنا بتوصل 3 شرط بالظبط فيما اقل مع المكيف عارف في مصر وانا ماشي من القاهرة لغردقة وبدون توقفات الا عشان افول مره واحده فقط - الحرارة لم تتعدي الشرطة الثانية بل اقل ( ده كلام عن تجربة )
كورولا 2014 عداد الحرارة بتعها مفيهوش شرط اساسا عشان اقيس ثانيا هي العربية سخنت عشان نقول الحرارة فين ثالثا حرارة الموتور بتبقي تقريبا عند المنتصف هي دي درجة الحرارة المثالية للعمل و التشغيل زادت او قلت قليلا ايه المشكلة برضو مش فاهم ؟ عطلت مثلا ؟
اخويا انا شخصيا معاه الكرولا المصري - الحرارة فيها بتوصل للنص وهي يادوب لسه شغاله وده لسه مستلمها توكيل ( 2014 ) العام الماضي لان طبعا اجازتي في شهر 7 - طبعا ده يوضح فرق شاسع في الموتور وراس الماكينه ومشكلة الحرارة لان من خبرتي البسيطة جدا ولا اقول علي نفسي خبير بل فعلا خبرتي بسيطة ان الحرارة من واقع تجربة هي اساس الموتور واي مشاكل ثانية سهل حلها
برضو مش فاهم يعني العربية تعطلت ؟ يعني الحرارة بتوصل للنص دي مشكلة؟ هو مش في نص تاني عشان توصل للاحمر !! عشان نبدأ نقول سخنت ؟ برضو مش فاهم وجهة نظر حضرتك يعني انا مثلا في بلد لو الحرارة تحت النص بشوية و سافرت الغردقة مثلا او شلاتين مثلا و درجة الحرارة بقت اعلي من النص تبقي في فرق شاسع في الموتور و راس المكينة و ان دي تبقي مشكلة حرارة حتي لو الحرارة في المنتصف تبقي مشكلة برضو !! حضرتك مقتنع بالكلام ده اعتقد اي حد بيقرا الكلام مش هيتفق مع حضرتك نهائيا . الحرارة هي اساس الموتور واي مشاكل تانية سهلة ! يعني لزوجة الزيت مش مهمة التسريب مش مهم الخلوص البساتم الرايش التليين البخر بتاع الزيت نوع و لزوجة الزيت سهل حلها لكن لو الحرارة عند المنتصف مشكلة لا تحل ؟
- نيجي للتقفيل الدهان خاصة
انا طبعا بعمل بالخارج وكانت عندي كرولا 2007 اللي فيها نور حول النمر الخلفية دي
سبتها امام البيت في الشمس - مع العلم انه الدهان الاصلي لمدة تقريبا سنة ونصف بدون تغطية للاسف رجعت لقيته مشقق ودي اصلي
دهان السيارات 2007 غير 2015 تماما و الخامات و الطبقات و طريقة الجلفنة و العزل . لو حصل و العربية حصل فيها حاجة هبلغك فورا انا بركنها ليل نهار في الشارع
بعكس هنا في الخارج العربيات متعرفش يعني ايه غطاء للسيارة والدهان عمره اطول وده مفيش فيه فصال طبعا ولو سافرت هتعرف
سافرت كتير و يمكن اكتر من حضرتك و سقت كتير في اوروبا و امريكا و افريقيا و اسيا
- الرساوة مين اللي قال لحضرتك ان الكرولا هنا مفيش فيه رياضية وان كانت فئة اغلي بدرجة ولكن هي بالفعل موجود واعلي ثبات جدا وعلي فكره انا مجرب كرولا لسه خارجة من وكاله مش بقول اي كلام ده غير سيارتي اللي في مصر اساسا
يعني ايه مفيش فيها رياضية هي رياضية دي بالنسبة لحضرتك بتمثل ايه ؟ نوعية العفشة و السيتب بتاع الخليجي soft يعني ملبن في المطبات اما المصري فهي ريجيد و اماكن و توزيع المساعدين و السوست و نسبة انضغاطهم بيحدد الكلام ده مفيهوش نقاش نهائيا باختصار اتفرج علي فرق العفشة مبين الخليجي و المصري في الصور واي حد بيفهم في العفشة هيقول في ثانية انهي عفشة بتدي ثبات اعلي
- نظام esp مش بيخدم الا في حالة الدورنات المفاجئة وده بيعمل تلقائي بسينسور في اغلب السيارات بيكون في منتصف السيارة وبيعمل في حالة الاختلال المفاجئ يعني لو انت ماشي طبيعي مش هيكون بالفعل يعمل
انا عامل دكتوراه في ال esp و شوف مواضيعي في المنتدي اللي بتشرحه بالتفصيل انا برد ان حضرتك بتقول ان العربية بتعوم و اعتقد ده موقف يتدخل فيه ال esp من وجهة نظري المتواضعة
- وزن سيارة الكرولا في مصر 2012 حوالي 1400 كيلو او اعلي كسور بسيطة هنا في السعودية او الخليجي 1650 كيلو
كورولا ايه اللي وزنها 1400 و لا 1650 حضرتك بتتكلم بجد و لا ايه . مفيش عربية في هذه الفئة فئة ال c-segment وزنها يزيد عن 1380 كج و دي الاوبل استرا بعدها في الوزن كورولا 2014 النسخة المصرية ب 1300 بعدها السكوداa7 ب 1280 كج بعدها كورول 2014 الخليجي 1250 بعدها كورولا 2012 ب 1245 كج . اما بقا 1400 و 1650 ده كلام و لا في الاحلام و غير دقيق
طبعا انا اؤيد وبالفعل ذكرت ان من العيوب الموجوده في السيارة 2 ايرباق فقط بعكس هذا امان اساسي .. رغم انه طلع عندي من الص\ام فقط :( وانا بركن السيارة عشان السينسور اتعطل )
عامة انا قولت كماليات مصر احسن انما الصنع التايواني افضل لان مش يهم مين بيصنع .. المهم المواصفات ايه بدليل عندك ايفون كل صناعتها في الصين مش تايوان اللي هي افضل شوية ومع ذلك العالم كله يشهد بخاماته بعكس المشكلة الاخيرة
تحياتي لشخصك الكريم وللمناقشة الرائعة
المفضلات