الكلام ده بجد ولا حقيقي !!!!!

**horas3000** · 30-10-2014 04:37 PM

المشاركة الأصلية كتبت بواسطة MoodyMooner

متشكر يا أستاذ شريف على التوضيح ... مختلف مع حضرتك ... في أمور بيتقال عليها "goes without saying" يعنى الموضوع مش محتاج يتقال أن ال Performance الخاص بالمحرك لما حضرتك تستخدم الحد الأدنى من المسموح به "permitted" أكيد هيقل عن الموصى به "recommended" ...

مشكلة مرسيدس ... أن لما الناس كانت بتحجز العربية وتروح تستلم أن الباعييين والمدريين وحتى بتوع الأمن بيقولوا 92 عادي محدش جاب سيرة ال 95 دي خالص هو ده بيت القصيد ... يعنى الناس أتضحك عليها ... ولما الأعطال أبتدت تزيد والموضوع أبتدى ينتشرأبتدوا يمضوا الناس على أقرارات ال 95 ... ولم الأعلام بدأ يتكلم والمنتديات .... وقصة التحويل للنيابة نزلوا البيان اللي في مشاركتى السابقة ... فى رأيي المتواضع أن لو كانوا قالوا من الأول أن العربيات دي محركاتها يلزم لها 95 أعتقد يبقى كلام سليم وعداهم العيب ... أنما تعمل فيها مبيعات وحجوزات ممتدة لسنه قدام ... وباب الحجز مقفول ... وأنت بتضحك على الناس ومش بتقولهم الحقيقة ... يبقى هيا دي المشكلة.

العفو يا باشا و علي ايه
و جايز متتفقش معايا
بس هسالك انت بتجيب ال 0-100 في قد ايه و بالبنزين 92
لو زي حالاتي هتلاقي انك بتحقق وقت اقل من المذكور في البروشور
و ده معناه ان يا اما العربيه شغاله ال 92 زي الفل او ان bmw مش دقيقه في الارقام

و بالنسبه لمرسيدس
علي حد علمي ال cla200 و ال c180 اتقال صراحه ان لازم لها 95
و عشان كده ابتدوا يمضوا الناس علي اقرارات بكده لما لقوا الناس مش ملتزمه

و حتي انا لما دخلت في جروب المتضررين اللي علي الفيس
بخلاف ال b و ال a اللي فعلا اتقال لهم حطوا 92
ال c180 محدش اكد التزامه الكامل باستخدام 95

فواضخ ان الموضوع اكبر من ما احنا متخيلين و ان في فعلا ناس لم تلتزم بالمواصفات المطلوبه
بس ده لا يفسر ان المواتير يحصل فيها حاجه بدري كده

عموما انا اللي يهمني شخصيا ان البنزين ميطلعش مغشوش فعلا لان في الحاله دي الكل هيتاثر و للاسف ده مش مضمون و تصريحات الوزاره لا وزن لها في ظل ظروف البلد

اما ملاك المرسيدس فربنا معاهم و اتمني مشاكلهم تتحل علي خير

**MoodyMooner** · 30-10-2014 09:35 AM

زي ما قولت لحضراتكم فيه تحركات بتحصل لأحتواء المشكلة ...
وده بيان لمرسيدس مصر المفروض هينزل في الجرايد ...
لأجل الأمانه منقول من موقع متضرري الشركة من صفحتهم على الفيس بوك ...

**sonaeg** · 30-10-2014 10:12 AM

المشاركة الأصلية كتبت بواسطة Mecha

الكلام دا كلو غريب
انا لو حطيت ديزل في متور بنزين مش هيخرب المكنه
مش بنزين ٩٢ يخرب مكنه دا كلام فارغ
الاول دوره الوقود هيحصل فيها مشاكلى, ثانيا لو حصل اسوا حاجه هيحصل صفع knock وفي نوك سنسور هيدي عطل ينبه السواق
انما هنا في مشكله كبيره في المكنه , عيب مصنع
والوكيل بيلبسها للمستهلك , والناس عبيطه طالعين بالمرسيدس السما
والله اشتري لكزس او لاند كروزر تدي المرسيدس ميت بتولغه

+1

**A.Adel** · 30-10-2014 11:26 AM

الموضوع ده لازم هيتحل وهيحلوه مهما كانت التكلفة
والا يبقوا بيسلموا السوق ل bm على طبق من دهب

**amz2011** · 31-10-2014 03:18 AM

متابع

**Omar5b2007** · 03-11-2014 01:09 AM

كنت عايز اعرف هي ال CLA فيها مشاكل بردو ؟ و هل الGLA هيبءى نفس موتور c180 فمشاكل بردو؟؟

**MoodyMooner** · 03-11-2014 06:23 AM

المشاركة الأصلية كتبت بواسطة Omar5b2007

كنت عايز اعرف هي ال CLA فيها مشاكل بردو ؟ و هل الGLA هيبءى نفس موتور c180 فمشاكل بردو؟؟

هوالمفروض واللي بيعلن رسمي في التوكيل مؤخراً ان ال CLA 180 ممكن بنزين ٩٢ وال CLA 200 لازم ٩٥ وطبعاً ال GLA برده ٩٥ اللي هما نفس مواتير ال c الجديدة ... لاكن بصراحة ما فيش حاجة مضمونه .... وفيه كلام برده بيدور بين ملاك العربية ان المشكلة في كوالتي البنزين مش في رقم الأوكتان .... وكلام تاني ان المشكلة في المواتير .... واشمعنا فولفو و bmw و اودي ما فيهمش مشاكل في مصر .... دي كل وجهات النظر اللي متداولة اليومين دول من المتابعة للمشكلة ... بس هو الحقيقة بقى فيه عدم ثقة بين ملاك العربية والتوكيل .

طبعاً فيه عربيات CLA فيها مشاكل .... ولكن ال GLA لسة نازلة الأسبوع ده لل test drive ومتباعتش لسة ... والله واعلم هيبقى فيها مشاكل ولا لأ ..... لكن اللي ناوي يشتري مرسيدس يبقى مؤهل نفسياً على بنزيين ٩٥ .... واحد من الأعضاء اللي مشارك في تجمع متضرري الشركة عامل حاجة غريبة جداً .... بيفول ٩٥ وكل مرة بياخد فاتورة .... وبيجمع الفواتير كأثبات حالة .... مرسيدس عقدت الناس

**AHMEDJUDDY** · 03-11-2014 10:46 AM

المحروسه خساره في شوارعها عربيه اكتر من 100000جم وكمان ال100000 كتير عليها
اللي عايز يركب مرسيدس و بي ام و اودي ... الخ
لازم يكون عنده جراج خاص تحت بيته مش جراج عام ومش اي مشاوير يروحها بالعربيه ومش اي بنزينه يحط منها ولازم يكون مايكل شوماخر علي الطريق علشان يفادي كل اخطاء الاخرين ويفادي المطبات و يفادي الناس اللي بتدهن البلكونات وتنقط الدهان علي العربيات وينقي بنزينه ثقه وناس عندها ضمير علشان متغشش ال95 ابو 6.15 ويفادي الكاوتش من المسامير اللي ماليه الطريق
والله العظيم اخر ما توصلت اليه ان البلد دي اخرها فيرنا او لانوس وكمان كتير عليها وتجيب العربيه مستعمله
علشان لو اتحكت منك متزعلش ... وشكرااااااااااااااا

**عمرو عمران** · 04-11-2014 11:29 AM

التقرير رائع واسمحلوي احكلكم عن تجربتي في اعاده بيع claتق يبا خسرت من تمنها 75 الف لاني كنتي جايبها اوفر برايس 25 الف
وهتساءل معاكوا هل ممكن ان واحد يغامر ب 480 الف لشراء ساره فاخره ويفاجا بعد شويه انها جابت موتور شئ محزن للغايه وبلد غريب
الحقيقه انا بفكر بجديه في البي والابتعاد تماما عن مرسيدس رغم امها اكثر فخامه ورقي .......الخيارات المتاحه بي ام وفكرت في جيب جراند لكن قلقان من موضوع النقفيل المصري ده
هوصل لقرار انشاءالله