[quote=محمود عمر;3875820253]
أستاذ محمود....العربية الحمد لله بقالها معايا 9 شهور و بأكدلك أن مفيش أى صوت و لا بسيط و لا غير بسيط....العربية صامتة تماماً و دى مجربة فى السفر أسبوعياً و حتى سرعة 120 كم/ساعة اللى ببقى سايق عليها....طبعاً الكلام و أنت قافل الفتحة...العربية بتكون معزولة تماماً و الفتحة بتنزل فى مكانها مظبوط جداً و فيه جوان داير ميدور حول الحلق حاكم الصوت و الماء تماماً.....
طبعاً البرومة لسه بدرى علشان نتكلم على حاجة زى كده و لكن دهان العربية مضمون 10 سنوات ضد عيوب الصناعة...فأطمن تماماً من هذه النقطة
أنا شخصياً مسمعتش حد من اللى كان معاهم الميجان هاى لاين (مع العلم أن فتحة السقف بتاعتها كانت أكبر من الفلوانس) أنهم أشتكوا من صوت أو برومه، كان فيه مشكلة فى الفتح و الغلق نتيجة تراكم التراب و قلة التشحيم و لكن كان تصميم مختلف تماماً و أكبر من الفلوانس
لاحظ أيضاً أن الفلوانس نازلة من 2010 الشكل القديم هاى لاين و برده محدش و لو مره واحده أشتكى من أى أصوات ضعيفة أو قوية و لا من برومة بعد مرور 4 سنوات
أعتقد الفتحات اللى ممكن تعمل صوت أو برومه هى الفتحات اللى بتتعمل عموله....مش الأوريجينال اللى بتنزل من المصنع....دورك بس فى الصيانة أنك تطمن أن الجوان تمام مفهوش قطع و تغيره على طول لو وجد مع تشحيم بسيط لتراكات فتحة السقف مع صيانات ال 20 ألف كم مثلاً
هذه معلوماتى و الله أعلم
تحياتى
المفضلات