قرار التمكين من مسكن الزوجيه ، هو قرار يصدر من المحامي العام ،وله حصانه واولويه في التنفيذ
قرار التمكين من مسكن الزوجيه ، هو قرار يصدر من المحامي العام ،وله حصانه واولويه في التنفيذ
الطعن بالنقض يكون خلال ستون يوما من صدور الحكم ،ويبدأ احتطاب المواغيد من اليو م التالي لصدور الحكم في النزاعات المدنيه والتجاريه والاحوال الشخصيه اما في النزاعات الجنائيه من يوم صدور الحكم
الطعن بالاستئناف يكون خلال اربعون يوما في الاحكام الصادره في المنازعات المدنيه والتجاريه والاحوال الشخصيه وخمسه عشر يوما في المنازعات المستعجله وعشره يوم في منازعات الجنح اما قضايا الجنايات لا يكون لها استئناف ام يتم الطعن بالنقض مباشره
لابد من اعلان الدعوي خلال تسعون يوما من تاريخ رفع الدعوي والا اعتبرت الدعوي كان لم تكن
بيع ملك الغير يندرج تحت جرائم النصب ،ولكن لابد من انتقال الملكيه للمشتري الاول بعقد مسجل ،والا قضي بالبراءه لان الملكيه تنتقل بالتسجيل
يتم اعلان افراد القوات المسلحه عن طريق النيابه العسكريه ثم يتم ابلاغ المعلن اليه ، ولكن لايتم تحويل القضيه الي القضاء العسكري .
كل عام وانتم بخير ،اللهم تقبل منا الصيام والقيام ،واجعل القرآن شفيعا لنا ،رمضان كريم
لو سمحت عايز اسجل الشقة اللى انا فيها باسمى فى الشهر العقارى هية ورث عن ابى و فى بيت العيلة ومفيش اى نزاع وكله بالتراضى
ايه هية الخطوات اللى ممكن اعملها علشان اعمل عقد للشقة مسجل باسمى فى الشهر العقارى علشان الشقة كدة على المشاع
اسف جدا علي التاخير في الرد .كل عام وحضرتك بخير
بالنسبه للتسجيل في الشهر العقاري اولا لابد من معرفه هل الارض والمباني مسجله في الشهر العقاري ام لا
لابد ان يكون هناك عقد قسمه مع الورثه يبين فيه اختصاص كل وريث
ارجوا افادتي بالمعلومات بالكامل حتي اتمكن من الرد ،واكرر اعتذري في التاخير عن الرد
بعد وفاه الاب ،يعين وصي علي الاولاد ، ولكن اذا كان الجد علي قيد الحياه ،يعين الجد الولي الشرعي للابناء ،لان الولايه الشرعيه هنا للاب والجد فقط .
استاذ يوسف . كل عام وحضرتك بخير وربنا يجعل مساعداتك القيمه جدا والتى تعنى الكثير فى ميزان حسناتك . لى موضوع يحتاج شرح منى لحضرتك تليفونيا ان امكن فلو تكرمت رقم حضرتك وما هو الوقت المناسب للاتصال . اسمى فى المنتدى هو الحقيقى . اشكر حضرتك
لو حد خد منى بضاعه بضمان شخص تانى واديتهاله بحسن نيه..وبعد كده رفض يدينى الفلوس ولما كلمت الضامن اتهرب منى..ايه العمل رغم ان مفيش ورق يثبت
هل يوجد شهود علي واقعه استلام البضاعه او اي مكاتبات او اخذ احد الاشخاص وحضور مقابله مع الضامن ويدور حوار يقر فيه بوجود علاقه ماليه بينك وبين الشخص الاخر وانه ضامن لهذه المعامله
ايوة فيه شهود...
ازاى اخد اجراء قانونى وايه خطواته
يتم تحرير محضر اثبات حاله ،واثبات الواقعه فيه ثم تقديم طلب الي النيابه بسماع الشهود ،ثم رفع دعوي الزام بسداد المبلغ ضد المستلم البضاعه والضامن علي ان يكون سداد مبلغ البضاعه ضامنين متضامنين .ويجوز تحليف الضامن اليمين الحاسمه ، ولكن خطوره اليمين الحاسمه ان الضامن اذا حلف كذب خسرت الدعوي ، وللعلم ان هناك رسم نسبي وصندوق يقدر ٧،٥
٪ من قيمه النزاع علي خاسر الدعوي ، تدفع للدوله عند انتهاء الدعوي ، وهناك تفاصيل اخري ولو حضرتك محتاج تعرفها ارجوا الاتصال بي
السلام عليكم ورحمة الله وبركاته
الأستاذ يوسف اذا تكرمت لدي سؤال بخصوص التعاملات البنكية
عندي كارت ائتمان تابع لبنك cib الليمت الخاص بالكارت 4500 جنيه
مؤخرا لم أقم بسداد الأقساط الشهرية الخاصة بالكارت في موعدها نظرا لظروف مالية عديدة خاصة بالعمل، وتراكمت هذه الأقساط مع فوائدها على مدار عدة أشهر
سمعت معلومة لا اعرف مدى صحتها، بأن البنوك تكتفي بوضع العميل المتعثر في السداد في قائمة البلاك ليست لدى البنك المركزي في حالة كانت اجمالي المديونية التي عليه أقل من 10 آلاف جنيه، تجنبا لرفع دعوى قضائية على العميل وما يترتب عليا من تكاليف للبنك قد تتجاوز المبلغ المطالب به العميل.
أود التأكد اذا تكرمت من صحة هذه المعلومة اذا أمكن ولك جزيل الشكر
هذه المعلومه صحيحه ومعظم البنوك،تنفذ هذه السياسه ولكن هناك القله القليله من البنوك لا تنفذ هذه السياسه وتقوم بالمطالبه القضائيه لقيمه الكرت
وانت طيب يا غالى و بتاسف انا كمان على التاخير و المتابعة لظروف رمضان والصيام
مفيش عقود بين الورثة ولا حاجة متسابة كدة على المشاع و كل واحد عرف ورثه وراضى بيه
ولكن الان محتاج انى اعمل عقد موثق للشقة فى بيت العيلة
لو الارض مش مشهرة لانى اول مرة اخد بالى من المووضوع ده ايه الحل وغلبا مفيش رخصة بناء ده بيت من البيوت القديمة فى منطقة شعبية عادية
يبقى ازاى اعمل عقد للشقة موثق علشان لو حبيت اجرها او خلافه
فايه الحل فى الحالة دى لو الارض مش مرخصة ياريت الافادة للضرورة
تعمل عقد قسمه لانه بمجرد وفاه المورث ،تنتقل الملكيه لكم بمجرد الوفاة ، وعقد القسمه يثبت ان كل وريث اختص بشقه او بدور ،ثم تقوم بعمل دعوي صحه توقيع علي عقد القسمه ،وتثبت في عقد القسمت ان مورثكم توفي وترك العقار محل العقد ثم الت الملكيه الي كل وريث باعلام الورثه
كل عام وانتم بخير ،عيد فطر سعيد علي كل اعضاء المنتدي
عاوز اسجل الثلالث شقق باوعي ..الارض مسجله و العمارة مرخصه 6 ادوار و الورثه عاملين محضر تقسيم عرفي و متراضين فيه جزء حيبقا مشاع و باقي الشقق محدده فى المحضر و عاملين توكيل عام لاحد الورثه ممكن اعرف اسجل الثلاث شقق الخاصه بيا لوحدي ولا لازم التسجيل لكل العقار علشان محضر التقسيم و مبدئيا التكلفه كم ؟؟؟ وهل الافضل محضر التقسيم ولا نعمل عقود بيع للشقق لبعض بس حتبقا عقود كثيره لاننا 6 ورثه فيه اللى اخذ شقه و اشترى من ورثه ثانيين
كان عندي أستفسار بخصوص شقة ورث ..
هي شقة جدي - رحمه الله - يرثها 4 أشقاء ..
الشقة شبه مهجورة و مفيش حد بيروح لها تماما منذ سنوات , لآنها في أحد المدن الساحلية ..
و ظهر بائع يريد شراءه ,, ووافق 3 أشقاء من الـ 4 ,, و لم يوافق الشقيق الأوسط ,, بحجة أنه محتاج الشقة ! , علي الرغم من أنه أغني أخواته ..
حاولوا معاه بالحسني أنهم بيبعوا الشقة, لآنها مجهورة و مفيش حد بيروحها, و في شقيقين محتاجين الفلوس بسبب ضائقة مالية, و لم يرضي .
أقترحوا عليه شراء أنصبتهم و ترك الشقة له , تحجج بأنه تنقصه السيولة ! ..
و حاليا لا يزال البائع منتظر ردود الأخوة ..
فهل من سبيل لبيع الشقة , أم يعتبر صعب بسبب رفض هذا الشقيق ..
و جزاك الله كل خير أ/يوسف علي هذه المنفعة الجليلة منك, و بارك الله في علمك ..
سؤال يا غالى لو حد او بعض اخوتى امتنعو عن التوقيع على عقد الشقة اللى عايز اعمله لخوفهم مثلا انى ابيع الشقة بالعقد اواجارها لان هما مش عايزين حد غريب يدخل البيت
ممكن اعمل ايه تانى يضمن حقى وحق اولادى فى الشقة بعد كدة ؟