للرد على استفسارات قانونية مدعمة بالاحكام والقوانين برعايه المدير العام كريم منير فى جميع اقسام القانون
يوسف فضل شلبى
محام بالاستئناف العالى
للرد على استفسارات قانونية مدعمة بالاحكام والقوانين برعايه المدير العام كريم منير فى جميع اقسام القانون
يوسف فضل شلبى
محام بالاستئناف العالى
السيد العضو bombom
بخصوص سؤال سيادتكم فهو مكون من عده نقاط
اولا هذه الحاله تسمى فى القانون المدنى الشيوع الاجبارى وتخضع للماده ٨٥٦ مدنى .يفضل النص فى عقد الشراء على النسبه فى حصه الارض والاجزاء المشتركه وتقسم حسب عدد الشقق والوحدات الموجوده فى رخصه البناء وفى حاله مخالفه رخصه البناء يتم كتابه اقرار من المالك بعدم البناء والتعليه الا بموافقه الملاك لسببين الاول هو عدم الاضرار بسلامه العقار ثانيا عدم الاضرار بحصه الملاك على الشيوع اما فى حاله عدم رغبه المالك كتابه الحصه فى عقد الشراء يتم الاشاره فى العقد الى عدد الوحدات الموجوده والمراد بنائها فى المستقبل وكتابه شرط فى العقد انه فى حاله التعليه لا تتم الا بموافقه الملاك وبما لا يضر بحصه الملاك فى الارض ويفضل شراء الشقق التى لها اتحاد ملاك طبقا لقانون البناء
شكرا لوقت حضرتك
سؤالى ليس له علاقه بقضيه معينه ولكن بخصوص التخصصات بين المحامين
1-تأسيس شركات ؟ محامى ايه ؟
2-عقود وشراء وبيع عقارات ؟ محامى ايه
3-اقسام ومحاضر لقدر الله ؟ محامى ايه ؟
هل فى تقسيمه عامه ؟
السلام عليكم
عندنا ساكنه بالايجار القديم ممتد لها العقد عن زوجها المتوفى واولادها كلهم متزوجين راحت تقدم على الغاز الطبيعى بالتقسيط راح الموظف اللى هناك كتب لها عقد ايجار 59 سنه واعتبر ان جوزها هو اللى اجرها الشقة قبل وفاته بتاريخ 2003 وبايجار 250 ج ومضت هى عليه ومضى هو وموظف من عنده عليه كشهود فهل فى ضرر على المالك فى الموضوع ده وهل العقد ده له قيمة.....
معلش وفى ساكنه ثانيه برده بالايجار القديم ممتد لها العقد عن زوجها المتوفى عاوزه صوره من عقد الايجار اللى معانا علشان تروح تقدم بيه على الغاز بالقسط لان العقد اللى معاها ضاع فايه راى حضرتك نعطيها صوره ولالا ؟
متشكر لحضرتك جدا بس هو الوضع حاليا في نموذج العقد المقترح كالتالي :
في نص بشرط جزائي بأن المشتري لايحق ليه ممانعة البائع في تعلية العقار مقابل التزام المالك بتقديم شهادة من استشاري يؤكد على امكانية البناء و الاضافة و برضه في نص بتعديل النسبة في الارض مع كل دور اضافي . فهل ده قانوني مع العلم ان النسبة مش مكتوبة نسبة مؤية هو مكتوب ان حصة الشقة هي نسبة مساحة الشقة لباقي مساحات وحدات العقار و مافيش وصف للعقار ككل في العقد.
في حال امتنع مستاجر او اتاخر و بيماطل في دفع الايجار
ايه انسب الحلول و اسرعها
توجد اقسام فى التخصصات مثل محامى مدنى بيكون تخصصه كتابه العقود البيع والشراء ومثلا دعاوى الطرد دعاوى الصوريه ومحامى جنائى يكون متخصص فى التعامل مع النيابات والجنح والجنايات ومحامى تجارى ماخصص فى العلاقات التجاريه وللعلم المحامى المتخصص فى المدنى لديه الخبره الكافيه للتعلم مع جميع انواع القضايا لان القانون المدنى ابو القوانين
بالنسبه للشق الاول لا يوجد اى ضرر على المالك لانه لا يوجد توقيع له على العقد ولكن يمكن استخدام هذا العقد لصالح المالك فيما يلى
اولا اثبات ان العلاقه الايجاريه امتدت للزوجه بعد وفاه زوجها فلا يجوز الامتداد لغيرها بعد وفاتها ولكن هذا بعد اثبات ان العقد المقدم امام الغاز عقد مزور
ممارسه ضغط على المستاجره الحاليه بالطرد خيرا لها من الحبس فى جريمه تزوير محرر عرفى
بالنسبه للسؤال الثانى ارجو توضيح لبعض الاشياء
متى حاله الوفاه / هل تسدد الايجار بانذارات ام بايصالات وباسم من تحرر هذا الايصالات /
فى هذه الحاله يوجه له انذار بسداد القيمه الايجاريه خلال خمسه عشر يوما من تاريخ الانذار وفى حاله الاصرار على عدم السداد ترفع دعوى طرد موضوعيه فى حاله المبالغ قليله القيمه وبهذه الحاله تثبت ان هناك سابقه لواقعه لعدم السداد اما لو المبلغ كبير ولا يقدر المستاجر على السداد فيمكن رفع دعوى طرد مستعجله لعدم السداد
تمام جدا كده كويس يبقى العقد يمتد اليها مره واحده وباستخراج الايصالات باسم الزوجه هذا اقرار منها بالامتداد لها وليس لابنها فبمجرد وفاه الزوجه ينتهى عقد الايجار عليك تجهيز هذه الاوراق لما بعد ، فيمكن اثبات ان الامتداد لها بعده طرق اولا اعطائها صوره من عقد الايجار الاصلى وتوقيعها عليه انها الممتد لها عقد الايجار . يمكن الاتفاق معها على تحري محضر شرطه وتقر فيه بانها هى الممتد لها
السلام عليكم ورحمة الله وبركاته
بعد اذن حضرتك احنا عندنا شقة في البيت كانت مؤجرة باسم الزوجة
والزوجة توفت ولا زال الزوج مقيم في الشقة ويسدد الايجار وبنكتب الايصال باسم الزوجة وانا الي بمضي علي الايصالات بعد وفاة والدي بما اني اكبر الابناء
عندي كام سؤال
١-هل الوضع كده سليم ام لا؟
٢-اذاي اخلي الشقة ترجعلي بعد وفاة الزوج ربنا يديله الصحة وخصوصا ان فيه بنت من بناته قاعدة معاه هي وزوجها واولادها بحجة ان ديه وصية والدتها لها(كلام فيه قول لان فيه حاجات بتحدث بتقول انها وضعة عنيها علي الشقة وخصوصا ان عندها شقة فعلا وقفلاها وقاعدة مع والدها شبه بالعافية لانه اكثر من مرة يشتكي منها ومن زوجها واولادها وهي مدخلة ولادها مدارس في منطقة وجود الشقة )
ملحوظة ان الراجل عنده بنت اخري ولكنها لا تاتي غير زيارات عادية وقليلة ولكنها بعد وفاة والدتها تشاجرت هي واختها وكانت بتقول لوالدي الله يرحمه ان ليها في الشقة وانها ورث ليها هي واختها مش اختها لوحدها
فياريت حضرتك تقولي اامن طمعهم ازاي
ملحوظة اخري ان والدي الله يرحمه اداهم الشقة ديه ايجار كمساعدة منه لهم لديق حالهم ولسؤ المكان الي كانوا عايشين فيه في ذلك الوقت والذي اتضح بعد ذلك انه بخل وليس ديق حال(طمع)
وشاكر جدا لسعة صدر حضرتك
اولا شاكر لحضرتك جدا اهتمامك
ثانيا بالنسبة للتواريخ هي كالتالي
تاريخ العقد ١-٨-٢٠٠١
تاريخ وفاة الزوجة ٢٧-٣-٢٠١٠
والدي كان بياخد الايجار حتي تاريخ وفاته ١٨-١٢-٢٠١٣ بدون مايكتب ايصالات بعد وفاته انا الي بكتب الايصالات ولكن باسم الزوجة المتوفية
ممكن الميل ابعته لحضرتك عليه
العقد مكتوب فيه مشاهرة
انتظرت صوره العقد على الخاص ولم تصلنى على العموم ارد على قدر المعلومه المتوفره لو العقد موجود به مشاهره يمكن طرد المستاجر الحالى بعمل انذار بالاخلاء قبل النصف الاخير للشهر ويطلب فيه الاخلاء خلال خمسه عشر يوما من تاريخ الانذار والا اعتبر غاصبا وهناك حليين الاول هو رفع دعوى مستعجله بالطرد لانتهاء العقد هذه الدعوى مهدده بالفشل ليبب واحد هو انه لو تحدث المستاجرالحالى فى اى حاجه تمسى موضوع العقد تخرج الدعوى من اختصاص القضاء المستعجل ويجوز رفع دعوى موضوعيه بالطرد لانتهاء عقد الايجار وهذه الدعوى لها مشكله واحده وهى طول المده الخاصه بالدعوى
انا حاطتت شرط جزائي عشرة اللاف جنيه في حال امتناعي عن توثيق عقد ( بيع شقه) في الشهر العقاري وصحة التوقيع..
علاقتي بمشتري الشقه على غير مايرام ( لآسباب شخصيه).
فدلوقتي مشتري الشقه بيعلب على البند ده
والشرط مدته سنه اي ان بعد سنه لو لم اذهب لتوثيق العقد وعمل صحة توقيع اتغرم عشرة اللاف جنيه
والمفروض اني انتظر اخطار من المشتري عن طريق المحامي الخاص به للذهاب الى المحكمه لاجراء بقية العقد او بمعنى اوضح لإسقاط الشرط الجزائي بتسجيلي العقد وصحة التوقيع
وانا لم استلم شيء
فخايف يوقع عليا الشرط الجزائي لسبب او لاخر
ارجو النصيحه في هذا الامر
ماذا افعل؟
استشارة لو تكرمت
ما هى الاجراءات اللى ممكن اعملها مع محامى خان الامانة
بمعنى محامى عملتلة توكيل لرفع قضية صحة توقيع وعملتلة توكيل عام قضايا
المحامى والبائع لعبوا فى العقد وخلوا تاريخ البيع 2014 بدلا من 2012 بتقديم طلب فى المحكمة والعقد مختوم عند التاريخ ومكتوب انة بطلب من المحامى بتاعى .
ودة لسبب معين ان صاحب العقار قدم طلب فى مجلس المدينة لاضافة مساحة للعقار بعد ما انا اشتريت والطلب فى 2013
طبعا المعاينة من مجلس المدينة كان فيها تزوير ان العقار ملك البايع ولا يوجد اى مشترى وللعلم انا امتلك 3 شقق
الدور الارضى بالكامل شقتين والدور التانى شقة واحدة والعقار كلة دوريين
هل استطيع مقاضاه المحامى بتاعى بعد تزويرة فى العقد
اولا عليك اثبات العقد تم تزويره بمعنى اثبات واقعه التزوير وهناك امكانيه لاثبات التزوير عن طريق الشهود انك واضع اليد على اعيان العقد منذ عام ٢٠١٢ ويمكن عن طريق تقديم مايفيد ان وصله الكهرباء او عقد تركيب التليفون او جهه رسميه قدمت فيها العقد او صوره منه سؤال اخر هل التعديل فى التاريخ واضح اى ظاهر ام غير ظاهر
والدي الله يرحمه توفي نتيجة حادث اصطدام احد المراهقين المتهورين كان بيتسابق بعربيته واصطدم بسيارة والدي الذي توفي فورا
القضيه اتحكم فيها ضد الولد ب 3 سنين حبس و 10 الاف جنيه وواحد تعويض مؤقت
الولد استأنف ضد الحكم فاتحدد له جلسه ومجاش الجلسه لا هو ولا المحامي بتاعه فاتحكم فيها غيابي بسقوط الاستئناف غيابيا
دلوقت الحكم ده بقاله سنتين من يناير 2013 والمباحث مش راضيين ينفذوا الحكم ولا عايزين يروحوا يقبضوا عليه رغم ان بيته جنب قسم الشرطه وفات على الحكم سنتين واحنا عايزينه يتمسك علشان يعمل معارضه ونخلص القضيه ونرفع قضية تعويض والمحامي بتاعنا عمال يقول لازم يتمسك الاول
ممكن رأي حضرتك نعمل ايه لانه طفح الكيل وفقدنا الامل في الشرطه والمباحث ومش عارفين نعمل ايه
وشكرا لك
عليك التوجه لمكتب تنفيذ الاحكام بمديريه الامن التابع لها المتهم وعمل شكوى ثانيا التوجه الى مكتب مدير الامن وكتابه شكوى ضد رئيس المباحث ويرفق بالشكاوى صوره طبق الاصل من الحكم وصوره طبق الاصل من المحضر لاثبات ان محل اقامه المتهم بجوار القسم ثالثا عمل اعلان منك عن طريق محاميك بصوره طبق الاصل من الحكم الاستئنافى لقطع مده التقادم
ويمكن عمل انذار لرئيس المباحث بعدم تنفيذ الحكم وعمل جنحه عدم تنفيذ حكم
هل فيه صيغة قانونية تكتب بعقود التمليك للشقق تمنع مالك العمارة من التصرف بالسطح بالبيع او اقامة البناء و اذا ما امكنش اضافة بند زي ده لتعذر الاتفاق مثلا هل توجد صيغة قانونية تحمي مشتري الشقة و خصوصا الدور الاخير من اي تلفيات او اضرار ناتجة عن عملية اضافة و بناء ادوار عليا جديدة
اولا شكرا جزيلا لحضرتك
ثانيا التعديل واضح ومختوم جنبة بختم النسر ومكتوب تم التعديل بالمداد الاسود تاريخ 2014
اللى انا فهمتة ان المحامى بتاعى بالتوكيل اللى انا عملتهوله راح المحكمة هو والبايع يعنى اتفقوا سويا وقدموا طلب تغيير تاريخ البيع
هل كدة المحامى بالتوكيل بتاعى اللى هو توكيل عام قضايا ولعب فى العقد بتاعى هل ليا الحق فى شكوتة لانة اضر بمصلحتى
ولا هيقول ان انا اللى قلتلة يعمل كدة وبعدين غيرت كلامى ويبقى بلاغ كيدى
محامى بالاستئناف العالى هو محام يترافع امام محاكم الاستئناف العالى ومجلس الدوله والمحاكم الجزئيه والابتدائيه والمحاكم الابتدائيه بهيئه استئنافيه وهى درجه من درجات القيد فى نقابه المحامين حيث يتخرج المحام يقيد بدرجه جدول عام ثم محامى ابتدائى ثم محامى استئناف ثم محامى نقض وهى اخر درجه قيد
اولا متشكرين على الخدمات الجميلة دية وجزاك اللة كل خير
دلوقتى انا شارى شقة فى برج سكنى ودفعت للراجل مقدم والباقى على اقساط نصف سنوية انا طبعا رفعت دعوى صحة توقيع والمحامى قالى انة ماجاش والمحكمة حكمت بصحة التوقيع هل كدة فى قلق؟
ثانيا انا كل ما بدفع القسط بمضية اقرار على ضهر اى ورقة فى العقد تفيد انة استلم الدفعة الفلانية بالتاريخ الفلانى وبخلية يمضى هل كدة صح؟
معلش طولت عليك الدور اللى انا شارى فية مخالف وانا عارف من الاول هوة دور سابع والمنطقة كلها مخالفة وكلها ابراج هل فى حاجة اعملها تضمنلى حقى لو لاقدر اللة ماعرفتش ادخل كهرباء وخدمات والكلام دة وهل هوة ملزم يسلمنى الشقة بالعداد؟
اولا يجب اعلان المالك بالحكم الخاص بصحه التوقيع حتى يكون حجه عليه
ثانيا بالنسبه لدفعك الاقساط وكتابه السداد على ظهر العقد فهو صحيح ولكن لابد ان يكون على ظهر العقد وليس على ورقه منصفله ويوقع بجوار السداد
ثالثا يمكنك حبس المبلغ المتبقى لحين توصيل الكهرباء والمرافق ولكن فى حاله انك لم توقع على ايصالات امانه على بياض ففهذه الحاله عليك الاستعجال فى توصيل الكهرباء قبل السداد بالكامل
اولا بشكرك على سرعة الرد
انا فعلا بخلى المالك يمضى على ضهر ورق العقد نفسة مش ورق منفصل والمحكمة اعلنتة بدهوى التوقيع
بس السؤال هنا هل هوة ملزم بالعداد وخلافة لانة قالنا انا منت ممكن اجيب العدادات بأسمى ولكن فضلت ان كل مالك شقة يقدم علية بأسمة هوة علشان بعد كدة مايروحش يغير من اسم لاسم تانى
يوجد لدى عماره ملك العقار مبنى عام 2000 جميع الشقق لاسف ايجار قديم 59 سنه
احد السكان طلب مبلغ للخروج من الشقه وفسخ العقد
حدث الاختلاف على المبلغ المطلب طمعا من المستاجر واستغلال للوضع القانونى الهباب
حاليا هو لا يسكن فى الشقه ومستاجر شقه اخرى واحضر امه وابوة للسكن للسكن فى الشقه بدلا منه
وقال بالفظ هسبها تتحننط وققف ليا وعيالى "حسب الله ونعم الوكيل "
هل يوجد تصرف قانونى للتعامل مع هذا المستاجر مع العلم انى اعرض عليه مبلغ مناسب جدا للخروج ولكنه الطمع