الموضوع: كيفية الحفاظ على فتيس الاوتوماتيك للرائعة شيفورلية كروز

المشاركة الأصلية كتبت بواسطة nadernabil

طنابير و و تيل الكروز نفسهم بتوع الأسترا j

إمبارح سألت على الطنابير و الألماني سعرها كان حوالي 800 جنيه و فيه أنواع تانية تركي و كوري لحد 500 جنيه

.تقصد الاسترا انجوى ولا استرا ايه بالظبط ؟؟.. اللى سالت عنده وراك الطنابير ولا لا ؟؟لانى بفكر ارفع صور الطنابير اللى معايا

المشاركة الأصلية كتبت بواسطة AMG.cruze

مفيش طنابير ولا اى قطعة غيار للكروز ألمانى و بالاخص الطنابير, انا اشتريت طنابير للكروز من الشرقاوى فى جسر السويس كورى ب500 جنيه و فيه نوع صينى نضيف ب300 جنيه و الكورى بتاع منصور التوكيل ب950 جنيه, فالطنابير اللى معاك أكيد مضروبة, و اللى ممكن يركب فى الكروز لو معاك فلوس و هتركب كحكة قطع غيار الاسترا لكن بالسعر دة مستحيل طبعا, شوف لو معاك فاتورة روح أسئل بنفسك انما حتى لو المانى بالسعر دة مستحيل

للاسف كلمت الشرقاوى وقاللى معنديش غير صينى ب350 والاصلى اللى بيتاع فى التوكيل ب1250 والكورى مش موجود ومعرفش هيجيلى تانى امتى .. ده كلامه بالنص.طبعا مش هستنى لحد مايجيله الكورى لانه هو نفسه ميعرفش هيجيله امتى .. للعلم ان صاحبى اللى جابلى الطنابير ده معاه اوكتافيا ممكن تكون بتاعت الاسترا j ؟؟

السلام عليكم

يا جماعه امبارح رحت اشيك على العربية كروز 2010 في القاضي اللي في العاشر....العربية عاملة 68000 كيلو...المهم قالولي لازم نغير زيت الفتيس....قولتلهم بس اشوف العلبة بتاعته لاقيتها "اي سي ديلكو الحمرا".....قولتلهم ان الناس كلها بتقول عليها وحشه....قالولي هيا دي اللي التوكيل قايل عاليها...المهم غيروا الزيت ب 9 لتر....

دلوقت انا اعمل ايه؟؟ امشي عليه زي مهوا كده و لا اروح اغير زيت تاني بفالفولين؟؟ انا الصراحه قلقان جدا

برجاء النصيحه

المشاركة الأصلية كتبت بواسطة hafezfox

السلام عليكم

يا جماعه امبارح رحت اشيك على العربية كروز 2010 في القاضي اللي في العاشر....العربية عاملة 68000 كيلو...المهم قالولي لازم نغير زيت الفتيس....قولتلهم بس اشوف العلبة بتاعته لاقيتها "اي سي ديلكو الحمرا".....قولتلهم ان الناس كلها بتقول عليها وحشه....قالولي هيا دي اللي التوكيل قايل عاليها...المهم غيروا الزيت ب 9 لتر....

دلوقت انا اعمل ايه؟؟ امشي عليه زي مهوا كده و لا اروح اغير زيت تاني بفالفولين؟؟ انا الصراحه قلقان جدا

برجاء النصيحه

انت كدة عربيتك موديل 2010 خرجت بره الضمان للموديل دة بالذات 60000كم كنت تاخد الزيت معاك و انت رايح و هتدفع قيمة التغيير فقط بالنسبة للفالفولين زيت ممتاز لكن دة يعتبر بيصلح الفتيس انا غيرت للموتيل حقيقى نضيف, لكن عاوز افهم حكاية فتيس اخد 9 لتر و المفروض انه ياخد 4 علب و نص والا انت غيرت مرتين

المشاركة الأصلية كتبت بواسطة bahy55

للاسف كلمت الشرقاوى وقاللى معنديش غير صينى ب350 والاصلى اللى بيتاع فى التوكيل ب1250 والكورى مش موجود ومعرفش هيجيلى تانى امتى .. ده كلامه بالنص.طبعا مش هستنى لحد مايجيله الكورى لانه هو نفسه ميعرفش هيجيله امتى .. للعلم ان صاحبى اللى جابلى الطنابير ده معاه اوكتافيا ممكن تكون بتاعت الاسترا j ؟؟

عشان مش ادخل الحتة دى اشتريت من مجدى الشرقاوى 2 كورى و ركنتهم لغاية ما تنتهى القديمة خالص لانى غيرت لتيل عادى و فى انتظار انى اغير الجديد مع فرامل سيراميك, ايه حالة الطنابير اللى شغالة حاليا عملت اللى قلتلك عليه و شوفت التآكل اللى فيها اد ايه؟.
عموما طنابير الكروز مقاسها 5*105 حاول انك تقيس الجديد او تروح للمحل اللى اخدتهم و رجعهم لانى حاسس انك داخل مرحلة شك, هات حاجتك انت بنفسك
على فكرة انا شوفت الصينى بتاع الشرقاوى و كان اتقل من الكورى شوية ملحوظين بالنسبة للالمانى انا مسمعتش عنة لان اكيد لو المانى اصلى للكروز كنت هاجيبهم على الاقل نضافة الخامة انما الالمانى ارخص من الكورى, حاجة تمشى العقل و كدة كدة الصين لو رحتلها تعمل طنابير باسمك هتعملهالك

المشاركة الأصلية كتبت بواسطة amg.cruze

انت كدة عربيتك موديل 2010 خرجت بره الضمان للموديل دة بالذات 60000كم كنت تاخد الزيت معاك و انت رايح و هتدفع قيمة التغيير فقط بالنسبة للفالفولين زيت ممتاز لكن دة يعتبر بيصلح الفتيس انا غيرت للموتيل حقيقى نضيف, لكن عاوز افهم حكاية فتيس اخد 9 لتر و المفروض انه ياخد 4 علب و نص والا انت غيرت مرتين

الحقيقة انا مش عارف هو اخد 9 لتر ليه...بس اللي انا فهمته ان فيه حاجة زي احتياطي او مش عارف بالظبط.... انا مش عارف هو عاملها ازاي لاني مكنتش واقف..

بالنسبة للفالفولين...يعني ايه يعتبر اصلاح؟؟ يعني لو حطيته يعمل حاجة ولا لأ؟

ممكن يطبق طريق تغيبر الفتيس فى سيارة البيجو
او بمعنى اخر
تتبع نفس التعليمات الحفاط على فتيس ليسارة بيجو
شكرا