كيفية الحفاظ على فتيس الاوتوماتيك للرائعة شيفورلية كروز

**ashouhdy** · 30-12-2014 07:14 PM

المشاركة الأصلية كتبت بواسطة Ahmed abdallaa

السلام عليكم ورحمة الله وبركاته
اشكر الاخوه الافاضل علي المجهود الرائع
ولي تعقيب صغير انا عملت كل الخطوات المذكورة لتغير زيت الفتيس للكروز 2010ولكن بالقيام بفتح طبة القياس لنزول الفايض نزل الزيت كله والاتصال لصديق في التوكيل قالي لازم تكون العربيه شغاله وتاخد القياس وقتها... يعني عند اخذ القياس المطلوب لازم يكون موتور العربيه في حاله التشغيل..... وشكراً

تمام ما هو بتدور وتجيب النقلات كلها وبتصبر علي كل نقلة 3 ثواني و بعدين تفتح الفايظ

الف شكر ليك بجد على التوضيح :)

**ashouhdy** · 30-12-2014 07:18 PM

خامسا : يضاف زيت جديد مع غلق الطبات جميعا و بعد الاضافة بتدور وتجيب النقلات كلها وبتصبر علي كل نقلة 3 ثواني و بعدين (والعربية دايرة) تفتح فقط طبة القياس ليتم اخراج الزيت الزائد
.
.
.
الرجاء من الاشراف وضع السطر دة بدل النقطة الخامسة في كيفية تغيير زيت الفتيس لزيادة التوضيح

**ashouhdy** · 31-12-2014 02:14 AM

موتيول وانت مغمض
Motul Atf VI

ولاااااازم علي مرتين لان مرة واحدة بتوازي 50% فقط من الزيت

ورقم المبيعات حتلاقية في التعليقات

والكمية 4.8لتر ، انت حتحط ال 5 واتبع الخطوات وحتنزل الزيادة

والف شكر لك وربنا يباركلك في عربيتك

**AMG.cruze** · 01-01-2015 12:45 AM

المشاركة الأصلية كتبت بواسطة bahy55

السلام عليكم
طيب دلوقتى عاوز اغير زيت الفتيس للكروز بتاعتى اجيب منين ديكسترون او بيزول واسعارهم ايه . ولو حد هنا بيغير عنوانه ايه
ارجو الافاده لو سمحتوا

طيب, اولا مفيش حاجة اسمها زيت ديكسترون لاكن الديكسترون عبارة عن عيار الزيت المناسب للكروز, ثانيا وصلنا ان البيزول عبارة عن ديكسترون 3 يعنى مش متناسب مع متطلبات ديكسترون 6 الخاص بالكروز عموما شخصيا وصلت ان انسب زيت للكروز و ناس غيرت ليه هو mutel atf vi او 6
و بالنسبة للغيار الزيت توصلت لمهندس اسمة محمد بكر شغال فى توكيل منصور جسر السويس هليوبوليس و الورشة فى المعادى و رقم موبيله 01060074674 و بالمره هتعمل فحص شامل للكروز لانة أستاذ فيها و هتعمل صيانة التوكيل عندة عموما مش شغال فهلوة

**AMG.cruze** · 01-01-2015 12:49 AM

المشاركة الأصلية كتبت بواسطة Ahmed abdallaa

طيب في معلومه صغيره احب اتأكد منها من حضراتكم وانت بتنزل الزيت الزياده من طبة القياس لازم تكون العربيه شغاله وتكون علي حارة d مش pارجوا التأكيد

التغيير بيكون و العربية على الp و مجرد ما بتشغلها 10 ثوانى و تغير و انت واقف الدنيا بتمشى بالضبط نفس حركة تغيير زيت الموتور

**Ahmed abdallaa** · 01-01-2015 04:38 AM

كل سنه وانتم طيبين وعام سعيد عليكم بإذن الله
شكراً للتوضيح والمجهود الرائع وجزاكم الله خيراً
ان دورت كتير علي الزيوت كل اللي لقيته هو بيزول اطريت احطه للعربيه مؤقتا وبعدها لقيت زيت اسمه وولفatf vi
الزيت ده كويس ولا ايه ظروفه لو حد جربه ياريت يقولنا وفيه كمان سؤال عايز كوتشة مقص امامي لكروز 2010 ياريت حد يدلني علي محل الاقية عنده لاني سألت وقالولي المقص بيجي كله علي بعضه والولحد يعمل حوالي الف جنيه تقريبا ارجو الافاده وشكراً لكل الموجودين

**Mohamed Nassif** · 02-01-2015 06:06 PM

ياجماعه انا مش عااااارف اشكركم ازاااااى .... متشكر جدا جدا ليكم
انا بعد ماقريت الموضوع قررت فعلا انى اغير زيت الفتيس للعربيه مع ان الحمد لله ماكانش فيه رزع ولا هبد كل اللى فيها انى بحس بالغيارات شويه وانا بصراحه كنت فاكر ان دى طبيعه الكروز عموما مش عندى انا بس وده لحد قبل ماغير الزيت وقولت اغير الزيت احتياطى قبل ماتحصل اى حاجه للفتيس
وبالفعل كلمت ا/عمرو شمس الدين اللى هو موزع فالفولين وموتيول الراجل بصراحه ياجماعه قمه فى الاحترام وروحتله النهارده وجبت 9 كيلو زيت مع انه قالى 8 كيلو على مرتين كفايه بس نا قولت احط اول مره 4 كيلو وتانى مره 5 كيلو علشان الغيار التانى يبئه فيه شويه زياده ينزلو من طبه القياس لو كلامى غلط قولولى قبل ماغير المره التانيه
المهم انا نزلت تحت العربيه مع الميكانيكى علشان اشرف على الموضوع بنفسى (اخوكم بيحب الاشراف اوى :) ) اول مافتح الطبه لاقيت ريحه وحشه جدا وزيت نازل زى الميه واسووووود جدا ولما حاولت امسكه بايدى لاقيت مفيش اى لزوجه ولا لون كمان قولت الحمد لله ان انا غيرت فعلا فى الوقت المناسب وحطيت 4 كيلو زيت موتيول ودورت العربيه شويه وبعدين خرجت اجربها فى طريق مفتوح وهنا كانت المفاجأه الغيارات اللى كنت بحس بيها جامد جدا اختفت تمااااااما مش مصدق فعلا العربيه اتغيرت بجد وقرصت عليها شويه ومشيت بالراحه شويه وفى الحالتين الحمد لله النتيجه واحده وهى انى بقيت اعرف الغيارات من rpm لانى فعلا مش حاسس بيها وده كله من اول غياااار ع العلم ان العربيه موديل 2010 وعامله 43000 كيلو.
شكرااااا ليكم جميعا ... وشكر خاص للراجل المحترم ا/عمرو شمس الدين واللى كان متابعنى خطوه بخطوه.