الموضوع: الفتيس بيهيس ..! ارجو المساعده

المشاركة الأصلية كتبت بواسطة super_star_h

المفروض ان الفتيس بياخد 5 كيلو

باشا مين قال ان الفتيس بياخد خمسة كيلو؟؟
المفروض لو فاضي خالص 6 ولو فكيت الطبتين اللى تحت ونزلت الزيت هياخد 3 ونص أو 4 بالكتير بس انت لازم تعايره

المشاركة الأصلية كتبت بواسطة super_star_h

طب ركزو معايا اوووى بقى عشان فى تطور جديد للأحداث
النهارده خرجت بالعربيه وطلعت بيها مضبوطه وكله تمام
وفى السكه عملتها تانى
المهم وانا راجع من المشوار لاقيت لمبه السيرفيس نورت وظهرت رساله شيك جيربوكس ولمبه الـ abs نورت
وانا من خلال تجربه سابقه عرفت ان كده الكابل واقع من الطنابير
( مع العلم الكابل ده لو واقع العربيه مبتنقلش غيارات برضو )
المهم ركنت على جمب وبصيت على الكابل ورا العجله ومسكته بأيدى لاقيته راكب مكانه بس الفيشه فيها بوش ( بتلق )
شيلته وركبته تانى ودورت العربيه الرساله اختفت ومشيت لاقيت كله تمام
شويه وعملت نفس الحركه وبعدها بدقيقه لاقيت لمبة الـ abs نورت تانى
طيب
انا قولت خليها منوره وسيبك منها
وقومت ناقل على المانيوال
الموضوع اللى حيرنى انها بقت بتنقل عادى جدآ من الاول الى الرابع بدون اي مشاكل والسحب تمام التمام
المفروض لو الفتيس لسه فيه نفس المشكله مكنتش هعرف اطلع على الاول نهائى وكنت غصب عنى بقف خالص وبنقل على التانى واطلع بيه
فكرت فى الموضوع بعد كل التجارب ولما دماغى اتفرتكت ( الله يخرب بيت الميجان على اللى اخترعها )
قولت ممكن تكون المشكله من حساس الـ abs
طب هفرض ان فيها قصه شنابر ديل فتيس وبتهرب ضغوطات
ليه الغيارات كلها طبيعيه جدآ معادا الغيار الاول فقط ؟
انا كل مشكلتى تكمن فى الغيار الاول ثم الغيار الاول ثم الغيار الاول
انا دلوقتى مش عارف اعمل ايه !
( الله يخرب بيت الميجان كمان مره )
بس الاكيد انى لازم اضبط موضوع الحساس ده الاول عشان احتمال تكون المشكله منه اصلآ

كان الله فى عونك ويوفقك فى اصلاح العطل

والله يا جماعه مش عارف اعمل ايه واقيس الزيت ازاى انا مستغرب ازاى العربيه دى مافيهاش قياس !
المهم النهارده روحت ارخص العربيه ومشيت مشوار كبير لمرور محرم بيه وبعدها رجعت لمرور طوسن
ومشيت فى زحمه كتير طبعآ
وطلعت على الدولى كمان وكنت ماشى 130 مرتاح
وروحت البيت والعربيه زي الفل العيب مظهرش من ساعتها
عمومآ انا بجدد الرخصه عشان ببيع العربيه
وربنا يسهل

المشاركة الأصلية كتبت بواسطة super_star_h

والله يا جماعه مش عارف اعمل ايه واقيس الزيت ازاى انا مستغرب ازاى العربيه دى مافيهاش قياس !
المهم النهارده روحت ارخص العربيه ومشيت مشوار كبير لمرور محرم بيه وبعدها رجعت لمرور طوسن
ومشيت فى زحمه كتير طبعآ
وطلعت على الدولى كمان وكنت ماشى 130 مرتاح
وروحت البيت والعربيه زي الفل العيب مظهرش من ساعتها
عمومآ انا بجدد الرخصه عشان ببيع العربيه
وربنا يسهل

بص أنا قولتلك من الأول انها مشكلة زيت مصدقتنيش
انت هتعاير الزيت كالآتي:
- نزل الزيت من الطبتين اللى تحت وبعدين اربطهم مكانهم بس متحكمش عليهم
- حط كيلو واحد زيت من الطبة اللى فوق وبعدين شغل العربية واتحرك على الغيارات كلها وبعدين رجع الفتيس على n تاني
- زود زيت وشيك على الطبة من تحت، أو ما ينزل منها زيت بطل تحط زيت تاني واربطها ودمتم
- لو مش عايز تتعب نفسك..حط 3 كيلو ونص تقريبا.

المشكلة اللى حصلت عندك واضح انها من الزيت الكتير اللى كان في العربية أو نوعية الزيت مش أكتر والله أعلم

المشاركة الأصلية كتبت بواسطة m.radwan

بص أنا قولتلك من الأول انها مشكلة زيت مصدقتنيش
انت هتعاير الزيت كالآتي:
- نزل الزيت من الطبتين اللى تحت وبعدين اربطهم مكانهم بس متحكمش عليهم
- حط كيلو واحد زيت من الطبة اللى فوق وبعدين شغل العربية واتحرك على الغيارات كلها وبعدين رجع الفتيس على n تاني
- زود زيت وشيك على الطبة من تحت، أو ما ينزل منها زيت بطل تحط زيت تاني واربطها ودمتم
- لو مش عايز تتعب نفسك..حط 3 كيلو ونص تقريبا.

المشكلة اللى حصلت عندك واضح انها من الزيت الكتير اللى كان في العربية أو نوعية الزيت مش أكتر والله أعلم

الظاهر كان عندك حق
انا زودتها 2 كيلو
الخطوات اللى انت قولتها دى انا بصراحه معنديش استعداد اعملها عشان اقفلت من العربيه قفله وحشه
مش هيجيلى نفس اعمل فيها حاجه هى كده ماشيه ومضبوطه وزي الفل

المشاركة الأصلية كتبت بواسطة Super_Star_h

الظاهر كان عندك حق
انا زودتها 2 كيلو
الخطوات اللى انت قولتها دى انا بصراحه معنديش استعداد اعملها عشان اقفلت من العربيه قفله وحشه
مش هيجيلى نفس اعمل فيها حاجه هى كده ماشيه ومضبوطه وزي الفل

طالما ماشية يبقى تمام
وزي ما المهندسين بيقولوا Never touch a working machine!