مخصص للرد على أسئلة الأعضاء في مجال التوظيف و سوق العمل

**MoToRiZeR** · 03-11-2008 05:23 AM

موضوع جامد جداَ يا علا و الله رغم إني معملتش في حياتي غير إنترفيو واحد يتيم و كان علي سبيل التهريج "كنت رايح مع واحد صاحبي و سجلت نفسي رخامة" كان في شركة راية و كانوا عايزين يعينوا customer service بس offshore و يوميها كنت مطبق و و مش واكل و في حالة تهييس غير طبيعية و دخلت قعدت أضحك و أهرج و الإنترفيو طول جامد و انا خارج دست علي رجل اللي بتعملي الإنترفيو كمان (خربتها يعني) و قلت دول شكلهم قالوا عليا سكران ولا إيه .. و لكن المفاجأة إن كلموني بعديها ب3 أيام قالولي إنت قبلت .. و قعدوا يدوني في info عالتليفون عن نظام الشغل قلتلهم بصراحة انا إشتغلت في مكان تاني مش هقدر (كان نفسي أقولهم و الله إنتوا ناس زي الفل )

**ams** · 03-11-2008 07:10 PM

المشاركة الأصلية كتبت بواسطة MoToRiZeR

موضوع جامد جداَ يا علا و الله رغم إني معملتش في حياتي غير إنترفيو واحد يتيم و كان علي سبيل التهريج "كنت رايح مع واحد صاحبي و سجلت نفسي رخامة" كان في شركة راية و كانوا عايزين يعينوا customer service بس offshore و يوميها كنت مطبق و و مش واكل و في حالة تهييس غير طبيعية و دخلت قعدت أضحك و أهرج و الإنترفيو طول جامد و انا خارج دست علي رجل اللي بتعملي الإنترفيو كمان (خربتها يعني) و قلت دول شكلهم قالوا عليا سكران ولا إيه

.. و لكن المفاجأة إن كلموني بعديها ب3 أيام قالولي إنت قبلت

.. و قعدوا يدوني في info عالتليفون عن نظام الشغل قلتلهم بصراحة انا إشتغلت في مكان تاني مش هقدر (كان نفسي أقولهم و الله إنتوا ناس زي الفل

)

هو ده عين الصواب انك تكون رزين(يعنى تبقى cool) و واثق فى نفسك (او ضاربها طبنجه) ده غير انك اساسا تبقى جامد فى شغلك
بس هى دى الوصفة السحرية عشان تعدى اى اختبار فى الحياة مش المقابلات بس

يا اختى الفاضله : هو الhr بيقى شعوره ايه لما يلاقى اللى قدامه لمض و مش بيديلو اللى هو عاوز يسمعه يعنى يجاوب بلا اجابه زى الساسه الكبار ؟

**OlaOsman** · 07-11-2008 12:21 PM

المشاركة الأصلية كتبت بواسطة ams

يا اختى الفاضله : هو الhr بيقى شعوره ايه لما يلاقى اللى قدامه لمض و مش بيديلو اللى هو عاوز يسمعه يعنى يجاوب بلا اجابه زى الساسه الكبار ؟

دي بتبقى على حسب اللي بيعمل ال HR نفسه و شخصيته و مدى حرفيته.. يعني ممكن يكون ده يكون دليل على التمكن عند بعض الHR و يعلي من قدر اللي بيتعمل له انترفيو، و ممكن بالعكس يكون دليل على الفزلكة و تكبر في دماغه و يغتت عليك عشان يثبت نفسه مش أكتر.