ماذا نفعل عندما نري سيارة عطلانة و تقودها واحدة ست ؟؟

**badblood** · 01-11-2008 02:18 AM

حكاية طريفة جدا ومحزنة في نفس الوقت لية صديقة عطلت بيها العربيه مرة لان البطاريه كانت خلاص بتجيب اخرها ومكسلة تغيرها المهم عطلت وعشان تدور طبعا لازم حد يزق وهي ترمي عشان تتدور طبعا مش عارفة تعمل الحركة دي راح واحد ابن حلال كدة وشحاع اتكفل بالموضوع والناس زقت والعربية الحمد لله دارت بس الراجل الطيب ده خد العربية وجري ولغاية دلوقتي العربيه في الكلتش

**Osama_soliman** · 01-11-2008 06:37 AM

انا مرة اول ما اتعلمت السواقة

العربية جاب وش سلندر على طريق الاسكندرية (بس الحمد لله كان قرب القاهرة)

واللى وقف لى واحد وكان معاه اسرته

فاذا كنت تقدر تقف ولو حصل حاجة (يعنى كانت مثلاً عصابة ولا حاجة زى كده)

لو حصل حاجة تقدر عليه (او عليهم) وتنجو بنفسك وسيارتك ..... ماشى اقف

وإلا ... امشى

**Hossam_Hassan** · 01-11-2008 09:53 AM

المشاركة الأصلية كتبت بواسطة the_wheel_man

يا جماعة اكيد*********************
غير كدة لا طبعا ياعم تكون حرامية و عايزة تسرقني انا مليش دعوة
محنا عربيتنا بتعطل ولا حد **************

عندك اخوات بنات؟

**r0xer** · 01-11-2008 12:44 PM

هقف ولكن هتعامل بحذر جداً..لو في طريق مقطوع او طريق سفر و ممكن أوصلها كمان المكان اللي هي عايزاه ولكن برضو بحذر .

لكن لو مكان عام فيا كتر التكساجية و الناس اللي بتحب تساعد و تترسم :d فمش هعمل حاجة اكيد.

**MohaMed_Refaat** · 02-11-2008 12:43 AM

لو كانت حلوة وشكلها باين عليها انها بنت ناس اقف جمبها ومش حنزل من العربية اسالها الاول فى اية؟ اى مساعدة بعد كدة ممكن لو شوفت ان العربية فيها المشكلة اللى قالت علية اخد نمر ة العربية بتاعتها وبعد كدة انزل اشوف فيها اية .

**محمد ابراهيم 1** · 02-11-2008 02:11 AM

هو الواحد بيقلق لأن الدنيا فيها بلاوى كتير بس لو معايا حد بحاول أساعد

**mrbond88** · 02-11-2008 02:28 AM

مرة كانت ليلة العيد الصغير ,
في مطلع نفق الثورة في مصر الجديدة ...................
.عربية 128 موديل 78 تقريبا:k35: ,
وكان راكب فيها بالظبط سبع ستات (مابين كبار وبناتهم ) , وكان الرفيعة فيهم وزنها 120 كيلو على الاقل( بدون مبالغة) ....واكيد انتو عارفين العربية وقفت ليه طبعا الكوتش بتاع العربية فرقع :k45:
وطبعا ماحدش بيقفلهم (يظهر بيتخضوا من الاحجام ):k20:,
المهم كان معايا واحد صاحبي قمت وقفت وجيبت الكوريك بتاعي (ما كانش معاها كوريك:K13: )...بس للاسف الكوريك بتاعي كان قصير:k37:,
ده غير ان العجل ممسوح تماما كانه عوامة ,,وبعد محاولات جيه سواق تاكسي شهم كان معاه كوريك تمساح وغير العجلة..
قلت في بالي اهم دول لو بنتين ...كنت لقيت النفق مقفول عشانهم

**شريف** · 02-11-2008 09:58 AM

ممكن تفتكر انى واقف اعاكس
هى اكيد كلمت حد و هييجى يساعدها
بس بلاش افرض نفسى عليها زى مابيحصل فى الافلام

**askoda** · 02-11-2008 11:25 AM

ana marra shoft wa7da 3arbyetha 3atlana wm3aha 2 atfaal so3'ayareen wme7tasa wsada elshare3

wbadal malnaas tenzel tesa3edha 3amaleen yedooha kalakssat wma7adesh byo2flaha

2omt raken 3aala gamb wnzelt la2etha msh bt2oly el3arabya batalet wmsh 3ayza tedoor

2omt fata7t elkaboot at2aked en elsyoor kolaha salima wen elbattery rakba makanha tamaan

ba3diha ba2a la2eet en elmarch bta3ha kan by3ala2 shwaya
elmohem dawarthalha w2oltelha eldebryajj 3andik wattty falazem tezwedy reglik shwyaa 3albenzene 3ashaan eltaree2 matla3 :):)

bgad e7saaas la yosaf wenta 3amel 5eeer :):)

**R A N A** · 02-11-2008 11:58 AM

البنت لما عربيتها بتكون عطلانة مبتبقاش بتفكر في اي شئ غير حد يحللها مشكلتها ويخلي عربيتها تدور وبس لا بتفكر انه بيعاكسها ولا نيلة لانها في مأزق واللي يقف بس عشان يعاكس واحدة أو يتعرف وهي في مأزق (مش عشان يساعد) بصراحة يبقي بني ادم معندوش دم اصلا.

وعلي فكرة لما بتقف تساعد حد في الطريق انت كده بتعمل خير وهايتردلك بجد لو اتحطيت في نفس الموقف ده ربنا هايسخرلك حد يقف يساعدك ويخرجك من محنتك دي وتبقي اخدت ثواب كمان.
خصوصا لو واحدة ست لان لو راجل هايعرف يتصرف يفتح الكبوت يشوف يمكن سلك فاصل او اي مشكلة فنية بسيطة وهايحلها (نتيجة لإن خبرة الرجالة في صيانة السيارات كبيلارة بحكم التعامل والإحتكاك بعالم السيارات) لكن الست ولا هاتعرف تعمل اي حاجة مع ان مشكلتها ممكن تكون بسيطة جدا لكن محتاجة حد بس يفهم ايه المشكلة ويعرف مكان العطل ويتعامل حتى لو مقدرش يصلحها بإيده اهو هايحاول يدورلها على ميكانيكي قريب مثلا ويقف معاها بس عشان محدش يستغل زنقتها دي.
وبعدين هي فعلا ممكن تكون اتصلت بحد وهاييجي يساعدها وممكن لأ ويكونش حد متاح دلوقتي او حتى لو اتصلت بحد هاياخد وقت عشان يجيلها مع ان المشكلة لو بسيطة هاتتحل في ساعتها وتروح بيتها في سلام.
وعموما اللي بيعمل خير وناوي يساعد فعلا المفروض مبيبصش ان كانت البنت حلوة ولا وحشة ولا تنفع يصاحبها او لأ.
انت بتساعد وبتعمل خير وبتحتسب الاجر عند ربنا لإن ممكن اختك او بنتك او والدتك تتحط في نفس الموقف وماتلاقيش حد يساعدها برده لو انت تخليت عنها وقلت وانا مالي ماغيري يساعد.
عموما ربنا يسلم طريقنا كلنا يارب

مشاهدة نتائج الإستطلاع: ماذا تفعل اذا رأيت سيارة متعطلة علي الطريق و تقودها واحدة ست ؟؟

الموضوع: ماذا نفعل عندما نري سيارة عطلانة و تقودها واحدة ست ؟؟

LinkBack

أدوات الموضوع

عرض

-

-

-

-

المواضيع المتشابهه

عند تغيير نوع المياه الخضراء ::::: ماذا نفعل ؟

ماذا يحدث عندما تتصدق‏؟‏

مشكلة في خط تلفون ارضي دائم العطل .... ماذا نفعل ؟

ماذا نفعل ؟؟

الكلمات الدلالية لهذا الموضوع

المفضلات

المفضلات

ضوابط المشاركة