الموضوع: كربراتير علي موتور انجكشن

انا راجعت علي كل اللي قالوه الزملا وكنت عند الميكانيكي امبارح ووريته العربيه قاللي ان الكهربا والهوا مضبوطين ومش محتاجة حاجه بس انا حاراجع علي بوابة الكربراتير واعمله صيانه مش حاتخسر اما الجديد اني ركبت فتيس لعربية بتاع ماكينة 1600 ولسه باجربه بس الموشرات الاوليه مبشرة انا جبته من عند الميكانيكي واداهوني بسعر كويس 500 جنيه وبالمره غيرت ديسك لان اللي عندي كان قرب والدبرياج كويس الصراحة حاسس ان فيه فرق واضح بس انا خايف اغير في كهربة الاسبراتير ازودها سنه بسيطة مش عارف ايه رايكم

انا لما جيت اعلي الكهربا عن ما هي عليه العربية بقت تسك علي خفيف رجعت الوضع للاول ورحت للميكانيكي قالي نكبر بك السرعة الاولي غيرته من 92.5 الي 100 انا عارف ان كده ممكن يزود استهلاك البنزين بس حاجرب انا باعمل الحاجات دي في البيت وبالمرة نظفت الكربراتير وراجعت البوابات وروقته الهوا مضبوط لان الموتور صوته مستقر وال rpm ثابت
بالنسبه للفتيس الجديد طبعا الصوت اللي في الصبح والعربيه بارده مش موجود والونه راحت بس السرعة بالنسبة لل rpm تقريبا قريبه مفيش اختلاف ملحوظ ارجوكم افيدوني ولا تبخلو علي برايكم

طيب ازاي اتاكد من التقسيمة اذا كانت مضبوطه والا لا هل ابص علي البستم مع الاسبراتير والا اعمل ايه بالضبط انت عارف عشان تحل وش التقسيمه ده موال لوحده ومش سهل

اضافة العربية ما بتسخنش ومنتظمة في السلانسيه وسحبها كويس بس بتدوس وتسيب سنه وبعدين تدوس اما اذا فضلت دايس بتسحب بس علي وقت اطول

اسمحلي اقولك اللي وصلتله بعد ما فكيت الكربراتير ونظفته وطلعت بالعربيه مشوار كل يوم لاقيت العربيه بسم الله ما شاء الله مع اقل دوسة بنزين بتفرك وسحبها بقي سريع والزيادة متناسبه مع دوسة البنزين بس الطريق مش مساعد 27 كيلو فيهم 55 مطب من كل الأشكال المهم حاشوف استهلاك البنزين واحدد بس دلوقت مش محتاج اكارك علي دواسة البنزين بس لسه ما جربتش السرعة العالية وربنا يسهل