كربراتير علي موتور انجكشن

**أحمد جودة** · 07-01-2015 12:46 AM

المشاركة الأصلية كتبت بواسطة ehab mobarak

اليكم اخر ما عملته انا اخدت العربيه مشوار للشغل في الاسكندريه وعلي الزراعي بعد الفجر المهم زودت للعربيه جابت لحد ال 130 وبغد كده ال rpm ما بيعلاش والا السرعة بتزيد تدوس مهما تدوس ثابته المهم ركنت بالعربيه ورحت معلي الكهربا سنه بسيطة وطلعت المهم جربت بيها تاني جابت ال 140 والسكه بعدها ما ساعدتش وجيت اقيس استهلاك البنزين لاقيت اللتر عامل 12 كم يعني 240 كم في الصفيحة ده علي الزراعي وجزء من الصحراوي ايه رايكم ارجو مشاركتي برايكم وشكرا

أعتقد كدة الاستهلاك شبه مثالي وفكرة تعلية الكهربا سنة صغيرة جابت نتيجة واعتقد لو طقم البوجيهات قديم واتغير هتحس بفرق كمان وربما يفرق معاك فى السرعة .... واعتقد لسة العربية ممكن تديك سرعة اكتر

**ehab mobarak** · 07-01-2015 08:33 AM

الف شكر يا استاذ احمد علي استجابتك وعلي العموم لما غيرت الموتور غيرت البوجيهات شمعة واحده وغيرت طقم سلوك الاسبراتير والسبت اللي فات نزلت الجراج وشيكت علي التاكيهات انها مضبوطة علي 0.2 عادم وبنزين وراجعت علي العربيه وعملت كسح لدورة الميه عشان كان لونها بني شويه انا باستخدم الكانز الاخضر ebro مع الميه والحالة مستقره انت عامل ايه في الجو ده وشكرا

**ehab mobarak** · 18-01-2015 08:05 PM

السادة الزملاء ارجو افادتي عن مكان في الأسكندريه ممكن اعمل فيه اختبارات للموتور زي اختبار الكبس (ضغط غرف الحريق) واختبار الخلخلة واختبار التسريب عشان اطمن علي الموتور لأن صوته مش مريحني شوية وانا عايز اعرف اذا كان فيه تهريب داخلي في الموتور والا لا من ناحية الشنابر او من ناحية الصمامات العربيه ماشيه كويس بس فيه حاجه مش مريحاني ارجو انكم تفيدوني وشكرا