كربراتير علي موتور انجكشن

**ehab mobarak** · 14-12-2014 12:23 PM

السادة الزملاء ارجو ان تفيدوني في الموضوع التالي لقد غيرت موتور السكودا من 135 الي 136 m وهو بنسبة انضغاط اعلي القديم 8.8 اما الجديد 10 الي 1 وركبت عليه الكربراتير القديم الموتور الجديد كويس واضريت استخدم بنزين 92 الصراحة مريح العربيه بس انا عايز اظبط الكربراتير والكهربا بحيث تعطي اعلي كفاءة للموتور ومايكونش فيه خيط والا سكة وشكرا لكم

**Mecha** · 14-12-2014 01:24 PM

طب ليه مركتبش الانجكشن,الكربراتير ديما كفائته اقل

**EngAhmedSayed** · 15-12-2014 09:53 AM

فى ناس بتفضل الكرابرتير بحيث انى اعطاله سهله حله غير الانجكشن بيحتاج و قت و مجهود و متخصص فى عمل سكان على كنترول العربية غير كدة كهربة الانجكشن معقدة شوية
سيادتك محتاج ميكانيكى يكون كويس يعرف يظبط العربية كا كهربا و كرابرتير مع بعض
و غير كدة مدام سيادتك بتستخدم بنزين 92 يبقى العملية هتكون سلسة بأذن الله
ربك المستعان

**heshammorsy** · 18-12-2014 12:54 PM

المشاركة الأصلية كتبت بواسطة ehab mobarak

السادة الزملاء ارجو ان تفيدوني في الموضوع التالي لقد غيرت موتور السكودا من 135 الي 136 m وهو بنسبة انضغاط اعلي القديم 8.8 اما الجديد 10 الي 1 وركبت عليه الكربراتير القديم الموتور الجديد كويس واضريت استخدم بنزين 92 الصراحة مريح العربيه بس انا عايز اظبط الكربراتير والكهربا بحيث تعطي اعلي كفاءة للموتور ومايكونش فيه خيط والا سكة وشكرا لكم

ممكن تقولنا سعر الموتور اللى اشتريته كام و طبعا اكيد كامل بالجير بوكس و منين اشتريته و له ضمان تركيب أد ايه.

**aw2100** · 18-12-2014 06:25 PM

المشاركة الأصلية كتبت بواسطة ehab mobarak

كلام حضرتك مضبوط بالنسبة للكربراتير وانا عشان اغير لانجكشن كان لازم اغير حاجات كتير منهم الضفيرة وكلها مكلفة انا حاولت اضبطها بنفسي علي قد معرفتي وهي الحمد لله ماشية كويس بس فيه بعض الملاحظات احب استفسر عنها
1- العربية سحبها كويس بس لما بتحب تزيد معاك السرعة لازم تدوس مرة وتسيب وبعدها تدوس تاني تلاقي العربية جرت اسرع .
2- انا دايما بغير عند 3000 وبزود عن كده ساعات في الرابع , النهارده جيت ازود السرعة عن 120 زادت بس الدواسة في الأرض بشيل رجلي وادوس تاني بتزيد ببطئ قوي هل ده ليه علاقة بضبط العربية ؟

العربية عندك مكتومه
راجع على الفلاتر الهواء والبنزين
وراجع على البوجيهات وسلك البوجيهات
ممكن تكون الكهرباء مأخرة شوية

**ehab mobarak** · 19-12-2014 02:05 PM

المشاركة الأصلية كتبت بواسطة aw2100

العربية عندك مكتومه
راجع على الفلاتر الهواء والبنزين
وراجع على البوجيهات وسلك البوجيهات
ممكن تكون الكهرباء مأخرة شوية

انا منضف فلتر الهوا ومغير بوجيهات ومغير كمان طقم سلوك البوجيهات جديد اما الكهربا انا باظبطها بايدي هو الموتور صوته مستريح وعداد ال rpm ثابت وكنت مقدمها سنه بسيطة مش جامد

**م أحمد** · 19-12-2014 03:33 PM

المشاركة الأصلية كتبت بواسطة ehab mobarak

1- العربية سحبها كويس بس لما بتحب تزيد معاك السرعة لازم تدوس مرة وتسيب وبعدها تدوس تاني تلاقي العربية جرت اسرع .

باب الكاربيراتير معلق

**أحمد جودة** · 20-12-2014 12:49 PM

المشاركة الأصلية كتبت بواسطة ehab mobarak

كلام حضرتك مضبوط بالنسبة للكربراتير وانا عشان اغير لانجكشن كان لازم اغير حاجات كتير منهم الضفيرة وكلها مكلفة انا حاولت اضبطها بنفسي علي قد معرفتي وهي الحمد لله ماشية كويس بس فيه بعض الملاحظات احب استفسر عنها
1- العربية سحبها كويس بس لما بتحب تزيد معاك السرعة لازم تدوس مرة وتسيب وبعدها تدوس تاني تلاقي العربية جرت اسرع .
2- انا دايما بغير عند 3000 وبزود عن كده ساعات في الرابع , النهارده جيت ازود السرعة عن 120 زادت بس الدواسة في الأرض بشيل رجلي وادوس تاني بتزيد ببطئ قوي هل ده ليه علاقة بضبط العربية ؟

حضرتك هتتأكد من الكاربيراتير لنه مظبوط وتراجع على طقم الكهربا موبينة ومشط وبوجيهات واسلاك البوجيهات وبعد كدة يتبقي ظبط الكهربا وهتلاقي العربية كويسة ان شاء الله

وحابب اقول لحضرتك معلومة ان عربيتك ممكن تحطلها 80 عادي وتظبط الكهربا على كدة والفرق اللى هيكون عندك بين الـ 80 والـ 92 هو سرعة استجابة العربية والسحب بتاعها من الطلوع من وضع الثبات والـ 92 افضل طبعا بس الـ 80 شغال بردو والموضوع يرجع لامكانيات حضرتك ..... ولعلم حضرتك انا كمان موتور عربيتي انجيكش وشغال كاربيراتير علشان سهولة الصيانة والبنزين 80