الموضوع: شكلي غيرت الكاوتش غلط..ارجوا الافادة

استاذ شيكو 85 السرعة على العداد بالكيلومتر ساعة دى سرعة خطية و هى يستحيل تكون مختلفة عن السرعة المقطوعة الفعلية.
حضرتك بتقول ان سرعة عجلة قطرها كبير هتكون اقل من سرعة عجلة قطرها صغير و دا كلام سليم مية بالمية بالنسبة للسرعة الدورانية revolution per minute .. بس العداد بيقرا سرعة بالكيلومتر/ ساعة يعنى سرعة خطية (linear motion). العجلة الكبيرة بتدور عدد لفات اقل من الصغيرة لكنها بتقطع مسافة خطية اكبر من الصغيرة اللى بتدور عدد لفات اقل.
و عشان اوضحلك اكتر: تخيل ان جرار بعجلة ضخمة بيجر جنب عربية سيدان مقاس جنط 16 مثلا. الاتنين بيمشوا جنب بعض و الاتنين قطعوا نفس المسافة مثلا 100 كيلو و الاتنين بدأو مع بعض و وصلوا مع بعض بعد ساعة هل عداد الجرار ذو العجلة الضخمة هيقرا سرعة غير سرعة عداد العربية السيدان .. لا طبعا الاتنين هيقروا 100 كم/س .
العجلة الكبير بتلف عدد دورات اقل فى الدقيقة لانها قطرها كبير لكنها بتقطع مسافات اكبر و العجلة الصغيرة بتلف عدد دورات اكبر فى الدقيقة لكنها بتقطع مسافات اقل و المحصلة ان العجلتين بيقطعوا نفس المسافات الخطية linear motion فى نفس الزمن.
الى صاحب الموضوع العداد قرايته عمرها ما تتغير بتغيير قطر العجلة لا السيارة بتسير بحركة اسمها general motion و دى مركبة من سرعتين خطية + دورانية) linear motion+rotational motion
المهم بدون تفاصيل ميكانيكية... العداد هيقرا سرعة صحيحة اطمئن.

المشاركة الأصلية كتبت بواسطة shiko85

يا باشا انت مش واخد بالك من حاجه الدوران ثابت من المحور الأختلاف فالقطر الكلى
هنقول ان العربيه ماشيه مسافه 100 كم بسرعه 100 كم/س سرعه ثابته فالحاله الأولى العربيه هتقطع الـ 100 كم فساعه بالظبط لكن مع تغيير الكاوتش بالمقاس الأكبر و العربيه ماشيه بسرعه 100كم/س لمسافه 100 كم هتلاقى العربيه قطعت الـ 100 كم فوقت اقل من الساعه
السرعه بتتناسب مع نصف القطر
مش v= w * r ؟؟؟

تمام انا معاك الدوران ثابت من المحور
تخيل ان قطر المحور مثلا 10 سم و العجلة 100 سم و حالة تانية المحور برده 10 سم بس العجلة 200 سم
فى الحالة الاولى لو المحور بيلف 100 لفة بالدقيقة العجلة 100 سم هتلف 10 لفة بالدقيقة
فى الحالة التانية لو المحور بيلف 100 لفة بالدقيقة العجلة 200 سم هتلف 5 لفة بالدقيقة
كلامك لغاية دلوقتى مظبوط .. فعلا العجلة الاكبر فى القطر بتلف عدد لفات اقل

لكن....

العجلة الكبيرة بتقطع مسافات خطية (طولية يعنى على الارض على الاسفلت ) اطول عقبال ما تكمل لفة كاملة و دا بيعوض عدد اللفات الاقل اللى بتعملها.
و العجلة الصغيرة بتعمل عدد لفات اكبر صحيح لكن المسافة الخطية اقل لان قطرها الصغير بيعمل مسافة خطية اقل
و المحصلة ان العجلتين هيقطعوا نفس المسافات الخطية linear motion

و دا يفسرلك ليه العربيات النقل بتحس انها سريعة بالرغم انك بتكون شايف العجلة بتدور بسرعة عادية. دا لان قطر العجلة كبير بيلف قليل بس بيعمل مسافات كبيرة لانه عقبال ما بيلف لفة كاملة بيكون مشى مسافة على الاسفلت ضعف الملاكى.

و الجرار كمان بتبقى العجلة بتلف بطىء جدا بينما الجرار سريع... ازاى ... دا لان قطر العجلة بتاعته فوق المتر و نص. وهكذا
لو حضرتك قريت المثل اللى انا كاتبه فوق ...و فى المشاركة دى كويس هتلاقى ان العجلتين واحد فى موضوع السرعة الخطية (كم/ساعة) لكنهم طبعا مختلفين فى السرعة الدورانية زى ما بتقول (rev/minute)
والا كان المصنع اوصى بعدم تغيير العجلة و الا العداد يقرا غلط.

تحياتى لك

v= w*r صحيح
لو القطر صغير السرعة الدورانية هتكون كبيرة w
وبالتالى ال v مش هتتغير
لو القطر كبير السرعة الدورانية w هتكون قليلة و المحصلة السرعة الخطية v هتكون زى ماهى بدون تغيير برده
فى الحالتين السرعة الخطية واحدة يا باشا
و العداد لا خوف عليه
هيقرا القراية التمام

المشاركة الأصلية كتبت بواسطة shiko85

يا باشا W ثابته و r هى اللى اتغيرت يعنى v اكبر

صح W بتاع المحور ثابتة لكن العجل اللى ماشى على الارض ليه W مختلفة لان قطره مختلف عن قطر المحور و كل ما زاد القطر كل ما قلت السرعة الدورانية w و العكس صحيح كل ما قل القطر كل ما زادت السرعة الدورانية w المهم ان فى النهاية v السرعة الخطية (خط مستقيم) ثابتة
بص حضرتك ال V هى اللى ثابتة لانها FUNCTION فى ال r و w اللى هما الاتنين بيقلوا و يزيدوا عكس بعض عشان يدوا محصلة واحدة لل v
هاتلى كتالوج واحد لعربية بيوصى بعدم استخدام كاوتش قطره اكبر و الا العداد هيقرا غلط
مافيش الكلام دا.
ارجو ان تكون قد فهمتنى

تحياتى لك