الموضوع: مـخصـص لشكــاوى مالـكين بـروتــون / م. أمــر (مديــر صيانــه بروتـون مصـر)

لا يوجد جديد

مساء الخير على احلى منتدى

انا اسمى رامى صبحى

انا بصراحه معجب بالبروتون جدا جدا جدا ومن سنه وانا نفسى اجيبها. المهم انا روحت عز العرب اللى فى مدينه نصر وشوفت الجين 2 والبرسونا وكنت محتار بينهم, واخيرا قررت انى اجيب البيرسونا وفعلا حجزتها موديل 2010 ومستنى الجواب بتاع البنك عشان انا هجيبها قسط. خلال الفتره دى وانا بقراء كل حاجه عنها بس للاسف انا بشوف مشاكل كتير قوى بتحصل ومواقف كتير وحشه كتير مع التوكيل خلتنى افكر ارجع فى كلامى خصوصا ان والدى اشتر من 3 سنين لنسر زيرو والحمدالله لحد انهارده مغيرناش فيها حاجه غير الزيت والفلتر بس مشاء الله

وانا انهارده بشوف ناس لسه مكملتش بالعربيه 3 شهور وبيشتكوا . هل ده طبيعى انا طبعا لسه مجربتش التوكيل ولا العربيه وخايف اندم . لان انا مش كل شهر هشترى عربيه وانا عاوز عربيه مشتكيش من حاجه فيها غير بعد 5 سنين.

اتمنى حد يطمنى ويقولى بصراحه

انا كمان عاوزة اشتري الجين2 بس بعد ما قرأت الموضوع خايفة جداااااا
و مش عارفة اعمل ايه بحب شكل الجين قوي و كمان فيها امكانيات كويسة بس في نفس الوقت واضح ان مشاكلها كتييييييييييييييييييييييي ر

السلام عليكم
هيثم احمد زكريا/ جين 2 مانيوال/ 2008/59,720كم/0101127018
المشكلة عندى اننى عملت الصيانة ماعدا تغيير بلية و سير الكاتينة و بطبيعة شغلى كله مواقع مش هعرف اقضيها مواصلات
سألت على سير و بلية الكاتينة فى ابو رواش و اسكندرية و اوتو ماجد و مع ذلك مش موجودة فى اى مكان.... هل ينفع ان يبقى معايا عربيه و اركب تكاسى لحد ما يجيبوا السير؟؟؟
او قلولى اقدر امشى كام الف كيلو من غير ماكون قلقان فى طريقى خاصاُ و ان فى ناس قالوا ينفع امشى لحد 80,000كم بس انا بسمع للتوكيل بس
شكرا

انا عندي عربية بروتون واجا 2007 بااحس كتير ان سحبها ضعيف و مخنوقة وكمان ريسبونس الاكسراتير ضعيف
عايز اعرف ايه السبب و ايه الحل؟