اقتباس المشاركة الأصلية كتبت بواسطة afr80 مشاهدة المشاركة
السلام عليكم و رحمة الله و بركاته,
السيد الفاضل المهندس آمر بعد التحية، لقد قمت بزيارة التوكيل يوم السبت الموافق24 ابريل لعمل صيانة 1000و قمت بالحجز يوم الاربعاء الموافق 21 ابريل و سألتني الموظفة إذا كان هناك اي ملاحاظات على السيارت فلما كان ردي بالإجاب و قلت لها ان من ضمن الملاحاظات ان السيارة بتحدف يمين عند وصولي لسرعة 80 كم، فقالت لي انه يجب علي الحضور الساعة 9 صباحا، و بالفعل حضرت يوم السبت فى الميعاد و عند استلام المهندس أحمد السيارة قلت له على جميع الملاحاظات و من ضمنها ان السياره بتحدف يمين ابتداءً من السرعة 80 كم فقال لي المهندس ان بالنسبة للزوايا هتخلي العربية تتأخر و ممكن تتاجل ليوم تاني علشان ضبط الزوايا لازم احجز قبلها.
المهم انا انتظرت فى صالة انتظار العملاء و اتفرجت على السيارة و العمال بيعملولها الصيانة، و بعد ما خلصو تغير الزيت و ربط العفشة، خرجة السيارة من الصالة، فخرجت اشوفها و كنت فاكر انها خلصت، و بعد شوية وجدت المهندس محمد و احد العمال وفي يده مفتاحين و لما سالته ايه الأخبار قال لي انه هيشوف الحدفة اليمين وقالي انتظر فى مكان انتظار العملاء، و بعد انتظار حوالي نصف الساعة خرجت لألقى نظرة وجدها مع احد العمال ليغسلها، فكنت فى غاية السعادة و قال لي العامل ان اذهب لدفع ثمن الزيت و الفلتر، و احضار قسيمة الخروج، و بالفعل زهبت للخزينة، و اخبرني ان كل شىء تمام، فسألته على الزوايا فقال لي ممكن اسأل المهندس محمد، فسألته ايه الأخبار فاجابني انه كله تمام.
ودفعت الفلوس وخرجت لتجربة السيارة و كانت المفاجأة العربية لسة بتحدف يمين ، فرجعت للتوكيل و قبلت المهندس أحمد و قلت له ان العربية لسة بتحدف يمين و زاد على كده ان فى صوت صرير فى الملفات او عند مروري العلامات الموجوده على الأسفلت، فطلب مني الأنتظار، فخرج لي المهندس عبد الحكيم، وقام بتجربة السيارة معي على الطريق(هو اللي سايق طبعا)، ووجد العيب طبعا و لمما رجعنا (الساعة الواحده ظهراً) قالي ان اعدي عليهم يوم الأثنين 9 صباحاً، فقلت له الدنيا لسة بدري، قالي ان ماكينة ضبط الزوايا مشغولة اليوم، المهم ذهبت اليوم الأثنين الموافق 26 ابريل الساعة 8:50 ص، و استلم المهندس عبد الحكيم السيارة، و كانت المفاجأة ان فى رسوم مصنعية 88 جنيه للساعة و ان ضبط الزوايا هتاخد ساعتين شغل"ليه انا مش عارف يمكن العربية دي مختلفة عن باقي السيارات"، و اتفقت معاه اني هارجع على الساعة 3 علشان اجرب العربية، الساعة 2 و خمس دقائق اتصال من المهندس عبد الحكيم لأخباري ان عامل ضبط الزوايا حصلتله ظروف و مجاش و ان الموضوع اتأجل لبكره و ممكن اجي اخد العربية او ابيتها لو حابب.
طبعا انا اسف على الاطالة بس انا حببيت اعيش حضرتك معاية و انقل لك الصورة.

#طيب فى كتيب الضمان مكتوب ان فى صيانة الـ1000 من ضمن الحجات اللي بيتكشف عليها ضبط الزوايا و المفروض انه مجانا طب انا هدفع مصنعية ليه، غير ضياع وقتي.
# ليه ضبط الزوايا هياخد ساعتين برغم ان بياخد بره نصف ساعة.
#أزاي المهندس بيضبط الزوايا على الطريق علما بان التوكيل فى الأسكندرية مافهوش مكنة ضبط زوايا( عفوا عندما دخلت صالة الإصلاح وجدت ماكينة ضبط زوايا)
# هل ممكن اضبط الزواية فى اي بنزينة زي اسسو او موبيل؟؟؟؟؟؟؟

طبعا انا لم أذكر سوى موضوع الزوايا لأنه ده الأهم دلوقتي.

الأسم: أحمد رشوان
السيارة: ساجا اوتوماتيك 2010
رقم الشاسيه:141689
رقم الموتور:1497
الموبيل: 0108142266

شكرا على وقت سيادتك و نرجوا الإفادة.
المفروض ان استلم السياره غداً بعد ما العامل يجي بالسلامة
السلام عليكم و رحمة الله و بركاته,

السيد الفاضل المهندس/ آمر، بعد التحية، لقد ذهبت اليوم للتوكيل لاستلام السيارة فى حولي الساعة الرابعة بعد العصر، ووجد سيارتي فى انتظار دورها فى الغسيل، فذهبت لسؤال المهندس عبد الحكيم عنها، فقالي ان الزوايا تمام، وقالي ان اذهب للحسابات علشان فى ساعة مصنعية بـ88 جنيه، رحت و دفعت، و انتظرت حتى استلم السيارة، المهم انها خلصت فى حدود الساعة 5 عصرا، اخذتها و قلت اروح اجربها قبل ما اروح، و المفاجأة ان الدركسيون ثقيل زي ماكون سايق عربية لادا قلت اجرب للآخر، فوجد ان الدركسيون ثقيل حتى مع السرعة و لمما بجيب الدركسيون على اخره يمين اوشمال مش بيرد لوحده، فروحت و كلمت المهندس عبد الحكيم و قلتله فطلب مني ان احضرها فى يوم تاني و انشاء الله هتكون بسيطة.

على فكرة انا يوم الاثنين26 ابريل ذهبت متأخر على الشغل علشان اودي العربية التوكيل، و كان عندي مواعيد باليل لغتها علشان معيش عربية، و اليوم 27 ابريل استأذنت من الشغل بدري ساعة علشان استلم العربية، و دفعت فلوس على مشكلة متحلتيش فى صيانة الـ1000 اللي هيه كانت يوم السبت اللي فات24 ابريل، و استأذنت بكرة 28 ابريل من الشغل علشان اروح التوكيل اشوف ايه مشكلة الدركسيون.

مهندس آمر ارجو الإهتمام انا مش شاري عربية زيرو علشان كل شوية اروح بيها التوكيل و انا الوقت اللي بستأذنه من الشغل بفلوس واللهِ، ارجو الأهتمام، و اسف على الإطالة.