الموضوع: مـخصـص لشكــاوى مالـكين بـروتــون / م. أمــر (مديــر صيانــه بروتـون مصـر)

السلام عليكم
في البدايه انا احب اشكر المنتدي الرائع ده علي مجهوداته الجباره اما بالنسبه لمشكلتي فهي اني بسمع صوت تكتكه عالي في العربيه خاصة وهي بارده بيقل شويه لما العربيه تسخن بس برده لسه موجود وفي التوكيل قالولي أنها محتاجه وش سلندر وفي الحقبقه الموضوع ده قالقني
أنا عربيتي بيرسونا 2009 مانويل عامله 23000 كيلو أرجو الافاده
شكرآ

-------------
برجاء كتابه رقم الشاسيه والموتور ورقم التلبفون , لكى يتمكن المهندس/امر من متابعه المشكله

مشرف القسم ب8

السلام عليكم ورحمة الله وبركاته
كيف حالك ياباشمهندس طبعا احنا مقدرين مجهوداتك الجباره في مساعدة عملائكم والوصول بهم الي اقرب نقطه من الرضا
انا د/محمد عاطف وعندش شكوه بصراحه دايقتني جداا الا وهو عدم وجود حجز للصيانه قبل يوم الاحد ؟؟؟؟؟؟
وهل هذا يعقل من توكيل كبير مثل عز العرب وهو تحديد يوم الصيانه على حسب رايكم انتم وليس ظروف العميل انا مش فاضي غير هذا الاسبوع خصوصا ان السياره للوالدتي وهي لا تستطيع السفر علما باني من طنطا وانا مشغول جداا خصوصا اني اجهز الي سفري الى الخارج وكنت اامل اني اعمل الصيانه فبل السفر وفوجات باتصالي مرارا وتكراارا واخباري انه لايوجد حجز قبل هذه الفتره مع العلم من وجود شكوى من عطل في مكن الزجاج لللسياره وتغير التيل مع الطنابير وصوت فرقعه عند فتح الشنطه
ارجوا من سيادتكم في مساعدتي بستثنائي حيت اني غير متفرغ وغير موجود في البلاد من يوم السبت 17/7 اتمنى اني اجد عند حطرتك حل وشكراا وانا اسف على الاطاله عليك وازعاجك
نوع السياره جين 2 2010
رقمها س ف ج 1327
شاسيه رقم 227923
باسم جكمت محمود فرج سلامه وشكراا


------------
يمكنك الحجز فى فرع العجوزه او احدى المراكز المعتمده

مشرف القســم ب8

جين 2 برتقالى موديل 2007 و بالتحديد تم الشراء فى 3/2007 و عامل دلوقتى 44000 كيلو.شاسيه رقم: 93508 موتور:8533 ت:0127767517 مصطفى كمال عواد
انا من ساعة شراء السيارة و الصيانات كلها بالتوكيل و كان عندى كل 5000 كيلو و مع كل صيانةشكوى من ان المالتى فانكشن بيعلق و بيشتغل بمزاجه..و كانو دايما بيقولولى احنا فكيناه و نضفناه لعدم توافره لدينا بالمخزن و اسال عليه فى الصيانة الجاية و احنا نغيره..الكلام دا حصل فى حوالى 3 او 4 صيانات و كان اخرها فى صيانة 35000 بالعجوزة و لم يكن متوافر برضه.و دا كان فى شهر3\2007 و هو اخر شهر فى الضمان.و بعد كدة انا عملت صيانة 40000 برة التوكيل و العربية دلوقتى عاملة 44000 و قلت اروح فرع العجوزة اشوف المالتى فانكشن جاء و الا لاة و لقيته اخيرا موجود بس هما رفضو يغيروه على حسابهم علشان انا عملت صيانة الاربعين الف برة التوكيل.مع انى معايا كل الورق اللى بيقول انى اشتكيت اكثر من مرة من المالتى فانكشن و انا جوا الضمان.و بعدين اخر صيانة لية قلتلهم عربيتى هتخرج برة الضمان هذا الشهر قالولى فى اى وقت لما يكون متوافر هنغيره على حسابنا و ما حديش جاب سيرة انى لازم اعمل الصيانة اللى بعدها عندهم علشان احافظ على حقى و الا انتو بتستنونا لما نغلط علشان يضيع حقنا؟؟؟و بعدين انا مشكلتى فى المالتى فانكشن مش فى ميكانيكا العربية علشان لما اعمل صيانة برة افقد حقى(بعد انتهاء الضمان).و الكلام دا مش من سنة دا العربية خارجة من الضمان من 3 شهور بس.هل هناك حل ؟؟؟

لدي سيارة Saga
موديل 2010 مانيوال
عدد الكليومترات 1500 تقريبا
شاسيه رقم 155089
اولا :- استهلاك البنزين عالى يصل الى 9.5 لتر فى ال100 كم بالرغم من انها 1300 سى سى ووذلك بدون تشغيل التكييف وفى المواصفات الفنينة الخاصة بالسيارة يكون 5.8 لتر فى ال 100 كم ممكن نقول فرق بنزين 92 من 95 وعدم السير على سرعة ثابتة لكن الاستهلاك لا يصل الى هذا الحد .
ثانيا :- حدث عندى تسريب فى زيت الباور فعند عمل صيانة ال 1000 كم فى توكيل العجوزة طبعا معرفوش التسريب لية وحولونى على توكيل الصحراوى وبعد الكشف اتضح تلف علبة الدريكسيون . العربية لس معملتش 1500 كم وجابت علبة دريكسيون يبقى على متعمل 10000 كم هعمل عمرة للموتور .

---------------
برجاء كتابه رقم الهاتف لكى يتمكن المهندس/امر من متابعه المشكله معك

مشرف القســـم ب8

استشارة للباش مهندس وكل اللى جابو الساجا الاوتو. انا استلمتها من اسبوع و لاحظت حاجة غلريبة جدا بس قالقاني اوي ,و هي ان العربية كل ما تمشي اي مشوار حتى ولو قصير , اذا جيت بعدها تفتح كبوت العربية لاي سبب تلاقيه سخن ناااااار ولازم تمسكه بقماشة او حاجة و الحوض الداخلي مطلع صهد غريب وكل الاجزاءء مش ممكن تمسكها بدون قماشه او كده مع ان مؤشر الحرارة ف التابلوه طبيعي جداجدا و 3 شرط , هو ده طبيعي؟؟؟؟ وهل استنى لصيانة الالف ولا اعمل ايه؟ الحرارة الزيادة دي قلقاني اوي و عمري ما شفتها ف اي عربية قبل كده, برجاااء الافادة انا خايفة امشى بيها لتولع ولا حاجة!!!! عاجل و جزا الله كل من يتطوع للرد , رجاء الاهتمام يا باش مهندس


-------------------
لا يوجد اى مشكله من هذه السخونه طالمـا مؤشر الحراره الداخلى غير مرتفع

مشرف القسـم ب8