الموضوع: هو التأريط على جوان وش السلندر بعد تركيبه بأسبوعين ..مهم ..؟؟..

المشاركة الأصلية كتبت بواسطة d . A .\ ayman

التأريط مهم جدا بعد فترة من عمل الموتور حتى لو الفني استخدم مفتاح العزم وربط بالعزم الصحيح في أول مرة ... لأن في جميع الأحوال مع الحرارة والبرودة واختلاف معايير الوش الجديد (بعد الخرط) مع الجوان الجديد مع البلوك القديم بيفرق بعض الفروقات البسيطة ... ولو تم استخدام عدة عادية بدون مفاتيح العزم الصحيحة بيكون الموضوع ده مهم أكثر لأنه طبعا ما ربطش أصلا بالعزم الصح في أول مرة


الضغط الزيادة اللى حصل في الردياتير ... سببه إن الوش ريح شوية مع الاستعمال وبقى يطلع ضغط خفيف من غرف الاحتراق على دورة المياه وتسبب في المشكلة دي ... ولما ربط عليه تاني راحت المشكلة طبعا

طبعا لو الموتور جديد لسة متقفل في المصنع بتاعه بيتعمل بمقاييس تانية غير بتاعة الصنايعية اللى عندنا وبرغم ذلك بعد تليين الموتور داخل المصنع بيتم عمل فحص كامل ليه قبل خروجه من المصنع برضه


وعلى فكرة التأريط على مسامير الوش داخل جوة المصنعية اللى انت أصلا دافعها للميكانيكي :)

هو بصراحه خد تلاتين جنيه على الشغلانه بتاعت التأريط على الوش ..ده غير ميتين جنيه مصنعيه في الأول

المشاركة الأصلية كتبت بواسطة d . A .\ ayman

هو المفروض ما ياخدش حاجة لأن ده باقي شغله .. بس هاتعمل ايه لقى افترا بعيد عنك

ده انا كنت باروح للميكانيكي لمدة ست شهور على حس وش السلندر كل شوية علشان يضبطلي الموتور والراجل ما كانش بيتأخر

ما هو أصل الميكانيكي أو ما إتكلم في المصنعيه بتاعة وش السلندر قال 250 جنيه ..قمت أنا مفاصل معاه ونزلتها ل 200 جنيه ..أتاري بقى يا خويا في تلاتين جنيه بعد كده هو ضامنهم ..يعني هو وصله 230 ..يبقى أنا فاصلت في عشين جنيه بس ..شفت بقى ميكانيكي واعي إزاي