الموضوع: الاستثمار فى شاليه

انا برده شايف خليك في الشقق احسن ..
لأن فعلا طالما الحاجه بعيد عنك مش هتعرف تتحكم فيها وهتبقي تحت رحمة السمسار

الإستثمار فى شاليه ممتاز جدا طبعا سعره بيزيد بنسبة كبيرة جدا وفى نفس الوقت إيجاره فى المواسم بسعر معقول ولكنى أفضل شقة بالتجمع أفضل شوية ولكن فى الأماكن الكويسة بالتجمع مثل البنفسج عمارات - فيلات النرجس عمارات - فيلات منطقة زيزينيا حيث زيادات مستمرة بنسب عالية جدا سنويا بغض النظر عن وضع البلد بالإضافة إلى إيجار ممتاز .

ادارة بورتو لن تسمح لك بان تؤجر الشاليه الا بمعرفتها

ولازم تفرشه فرش معين

ده غير مصاريف الصيانة المبالغ فيها

اسلم حاجة شقق سكنية

لا اظن شقة احسن وتكون تجارى يعنى على شارع رئيسى وتاجرها شركات مش افراد يقرفوك فى الايجار كل شهر لو فى التجمع طبعا فكرة ممتازة ولو نفذت فعلا كلمنى ممكن اخلى الشركة بتاعتنا تاجرها منك ان شاء الله لعمل فرع بالتجمع

If you want any info about Eltagamo3 tell me and i'll answer

متشكر جدا لاهمام حضراتكم
بخصوص ان الشاليه بعيد فى العين السخنه مسافة ساعه يعنى ممكن كل اسبوع اروح اتابع مره
وبخصوص ان ادارة بورتو مبتخلنيش اءجر الا من خلالهم ده كلام غلط لانى سالت وانا ليا مطلق الحريه فى ده
اما بخصوص ارتفاع سعر الشقه بعد سنتين مثلا مقارنة بسعر شاليه فى بورتو فمفيش مقارنه الناس اللى اشترت ب 300 بتبيع دلوقتى ب 600 المشكله فى انك صعب تلاقى اللى يشترى و هتستنى مده

بخصوص التجمع مشكلتى فى ان الشقه لسه هتتشطب وايجارها فى السنه مش هيجيب ايجار الشاليه فى شهرين

انا بصراحه بدور حاليا فى التجمع على فكرة اتحاد الملاك اننا نجيب ارض وكل واحد يدخل بمبلغ معين ونبنى فيلا مثلا و نقسم الوحدات علينا لو حد ليه فى الموضوع ده ياريت يفيدنى