الموضوع: المتور خف فيكترا بي 2000

نصيحة من اخوك الصغير , متبيعش العربية ع الاقل عربيتك وعارف كل صغيرة وكبيرة فيها , وفي نفس الوقت لو عايز تبيع , متبيعش الا لما تلاقي فيكترا حالتها كويسة
بالنسبة لتسقيط الموتور :
ا/محمد مختار كان ليه موضوع في المنتدى بخصوص عربيته هو كان مركب المكنة ال 2000 بفتيس اوتوماتك
كان كاتب ان الموتور بكنتروله بضفيرته بفتيسه كان مكلفه في حدود ال 7000 بس اظن الموضوع ده كان قديم يعني دلوقتي اكيد الموضوع ارخص شوية
وبما ان عربيتك 2000 اصلا يبقى مش هتحتاج غير المكنة بس في حدود 4000 جنيه "تقريبا"
ده كل اللي اعرفه بس من وجهة نظري المتواضعة غير المكنة احسن ع الاقل عربيتك انت عارفها والمكنة الجديدة تكون ماشية قليل : لو دورت فيه مكن بيبقى ماشي 20 و 30 الف
برده اسال واتأكد من الاسعار قبل ما تبدا في حاجة
والمنتدى هنا فيه دكاترة اوبل تفيدك اكتر مني بكتير ربنا يبارك لهم ويوفقك في الخير ان شاء الله

لو كله تمام ما عدا الموتور يبقى شورت بلوك هيعمل فى حدود 3500 من عند السورى بس اهم حاجة الحاله
راى من راى استاذ batoot فى حالة ان العربية فبريكة او على الاقل مش بتشتكى من حاجة و بعدين ايه اللى يضمنلك ان العربية اللى تجيبها تكون احسن من عربيتك
على فكرة لسه مسقط موتور لانى عارف عربيتى حتى لو فيها حاجة فغير مجيب حاجة و لسه هكتشف
اقعد مع نفسك احسب عربيتك هتحتاج ايه علشان تبقى كويسة و قارن بسعر عربية بنفس الحاله اللى انت عايزها

معلش سؤال ايه هي الأعراض اللي تخليك متأكد ان الموتور خف؟

المشاركة الأصلية كتبت بواسطة anaslbda

معلش سؤال ايه هي الأعراض اللي تخليك متأكد ان الموتور خف؟

على حد علمي
المكنة تكون مرشحة زيت , او ان الشكمان يكون بيطلع دخان ابيض او في ريحة بنزين ني
والله اعلم

المشاركة الأصلية كتبت بواسطة omar khaled

استاذ batot هي العربية لسة جايبها مستعمله من كام شهر فا انا عادي استغني عنها لان لسة معاشرتهاش كمان العربية محتاجة ضفيرة مراوح كمان محتاجة شجرة الي هي بتمشي فيها ماية الريداتير فا هل الموتور بيجي معاه الضفير والشجرة كدة وهل ممكن الموتور يتصلح يبقي كويس ولا لازم اغيره و هل لو جبت الموتور كامل معادا الفتيس يعمل كام كدة فين ياريت يكون 1600 cc لان ال 2000 ايكوتيك كذا احد يقولي هتغير حاجات في العربية عشان تركب الموتور كمان هغير سوست عشان الموتور دة اتقل من الي راكب عندي ال 1600

انا كنت فاكر عربية حضرتك 2000

المشاركة الأصلية كتبت بواسطة omar khaled

بس العربية حالتها العامة جيدة جدااا يعني هي موديل 2000 لو مثلا بعتها و جبت بدلها موديل اقل وحالة كويسة مش احسن عشان انا حاسس ان العربية بعد كدة هتفتح في حاجات تانية كتير لو لقيت رايكم اني ابدل العربية إن شاء الله هاخد معايا ميكانيكي يشوفلي العربية الجديدة

بص يا باشا
الحالة العامة دي من وجهة نظري المتواضعة هي
1- شاسية العربية : ده اهم حاجة عندي يكون مفيش قلم في الدواخل وميكونش في خبطات مروده ع البارد
2- الصالون والتابلوه وفرش الفابريكة بتاع العربية بصفة عامه وان كمالياتها تكون شغالة بالذات الحاجات الصغيرة , هي صغيرة اه بس في حاجات غالية وهتتعبك

بالنسبة للعفشة فهي قطع غيار ليها عمر افتراضي بتبوظ وممكن تشيلها كلها وتركب غيرها
المكنة لو بترزع هتشيلها ترميها وهتركب اختها مكانها

لو حضرتك شايف ان 1- 2- متوفرين عندك بلاش تبيع
العفشة لو بايظة كلها هتجيب غيرها وتركبها وهترجع زيرو
المكنة نفس الكلام

حضرتك بتقول عايزة جوان ووش سلندر
وشجرة ردياتير وحجات تانيه
نصيحة
احسب حاجتك وشوف تكاليفها وقارنها بسعر المكنة الجديدة بتركيبها
المكنة ال 1600 ال 1 كامة في حدود 3000 "تحت العجز والزيادة"
بس ده مكنة من غير مشتملاتها , وتتأكد برده من الاسعار
المكنة هتلاقيها في الحرفيين كتير بس معرفش اماكن محدده , المهم تتاكد من حالة المكنة قبل ما تفكها من النص.
وربنا يوفقك

حط زيت التعاون من افضل انواع الزيوت للعربيات المستعملة