الموضوع: اللوجان الحديدة بتعوم فعلا على االسرعات العالية بين الحقيقة و الشائعات

رأي الشخصي :

- وزن العربية الشكل القديم هو هو الشكل الجديد ( اكبر من 1100 ) او فرق بسيط بس الملاحظ ان الشكل القديم و الشكل الجديد وزنهم اكبر من الفيرنا ( اقل من الـ 1000 )
- الارتفاع عن الارض القديم و الجديد الاتنين واحد يمكن الشكل الجديد قل في الارتفاع اشياء بسيطة جداً لا تذكر
- تصميم الجديد انسيابي افضل من القديم
- الشكل الجديد به عمود اتزان غير موجود بالشكل القديم

معلومة عندي من فترة :
وانت دايس دبرياج احتمال كبير اوي العربية تعوم منك مثلاً و انت بتنقل غيار وده حصلت معايا وانا سايق الفيرنا قبل كده وكانت السرعه بطيئة مش سريعه

وبرده دليل على كده الصديق اللي قال ان العربية اللوجان اللي كانت ماشية على 160 كانت ثابته رد عليه صديق اخر قاله علشان هي اتوماتيك http://www.nilemotors.net/Nile/3875857850-post22.html


- ناس كتير جداً قالوا انهم بيسوقوا على 140 والعربية كانت ثابته وبرده ناس بتقول انهم اخدو بيها ملفات على سرعات عالية وكانت ثابته

اخر حاجة المصنعين الكبار مش هيعملوا عربية كده و يبيعوها من غير ما تتجرب اكيد رينو عملت عليها الاختبارات على الاقل علشان تعدي المعايير الاوربية طبعاً فيه ناس هتقول العربية اللي بتروح اوربا غير اللي بتجلنا او هيقولوا ده مغربي او جزائري و التانية روماني او فرنساوي هقولك تفرق في التقفيل لكم مش التصميم ولا امكونات الاساسية

المشاركة الأصلية كتبت بواسطة amr axel

بما اني من ملاك الرينو اللوجان الجديدة فأؤيد ان العربية ثباتها في المناورات و ع سرعات مش عالية كمان سئ
بس سئ من ورا مش قدام و بالتالي الاسباب من وجهة نظري ارتفاع العربية من الخلف و الوزن ورا خفيف جداا
و ده يمكن سبب ان المصنع بينصح ان ضغط الكاوتش امامي 32 و خلفي 29 لتوزيع الوزن و يتناسب مع ايرودينامك التصميم فنحصل ع افضل ثبات و لكن الغالبية في الطريق المستقيم و ليس المناورات
و وجهة نظري العربية محتاجة تعديلات بسيطة و هي كالآتي :
- جنط 16 او 15 زي مهو لكن مع كاوتش اعرض درجتين مع مراعاة المقاسات القياسية عشان عداد السرعة و تسارع العربية
- تركيب نوع كاوتش افضل من الجي تي او الباروم و نقشة مناسبة
- تركيب بارات تثبيت و توزيع الوزن امامي و خلفي و هي
front upper and lower strut bar
rear lower strut bar و ممكن اضافة rear upper strut bar لتكملة الطقم و تناسب ورا مع قدام
ومش محتاجين sway bar لأنه بالفعل فيها و هو اللي بيسموه ستبلايزر او عمود الاتزان و ده سبب اني شايفها في المناورات من قدام كويسة لكن من ورا ضايعة

بعد القصة ديه العربية هتختلف تماما في المناورات

انا معاك في تركيب كاوتش جديد وهيحل مشاكل كتير خصوصاً الناس اللي غيروا الهوا بالنيتروجين وظبطوا ضغط الاطارات حسوا بفارق كبير


بس ممكن بس تقولنا فكرة تركيب بارات تثبيت وتوزيع الوزن وتكلفتها كام

معايا لوجان الشكل القديم موديل 2011 .. العربية لا تناسب المناورات و سحبها هايل و تقيلة علي الارض و هيا سيارة امكانياتها مناسبة لسعرها ( كاملة ب 68 الف جم ) . سافرت بيها اسوان الاقصر علي 160 علي الصحراوي ما شاء راسية و مفيش تعويم و جراية .
و عيبها بالنسبة لي عمود الاتزان بيفرق معايا في المنحنيات العاصية

يا جماعة متحملوش العربية فوق طاقتها
العربية مش عربية سفر طويل ومناورات علي سرعات عالية دي عربية مدينة واقتصادية
فمتطلبوش منها مناورات وسرعات عالية كدة يبقي بتظلوموها