الموضوع: لكل الي مش عجبه مصر حل هيريحه ويريح

المشاركة الأصلية كتبت بواسطة إنسانة

فرنسا والنقاب سبق وتناقشت في القصة دي بالتفصيل : )
بريطانيا المنصب مجرد صوري والدولة علمانية
طيب أنا هقرأ عن النرويج وأبقى أقول رأيي بعد الإطلاع لإني معرفش حاجة عن النرويج

أنا عارف إن حضرتك هتقولي على بريطانيا المنصب صوري ^_^ عشان كده جبتلك النرويج
بس برده هل علم إنجلترا اللي عبارة عن صليب أحمر على خلفية بيضاء علم صوري واللي تم اعتماده منذ سنة 1188 منذ الحروب الصليبية حتى الآن على هيئة صليب القديس جرجس ؟! ليه لما هي دولة علمانية مغيرتوش ؟؟
وفنلندا وسويسرا والسويد وآيسلندا واستراليا والدنمارك ؟؟ هل صدفة إن كل الدول دي علمها على هيئة صليب ؟
وبرده قبل ما تبحثي عن النرويج بس ابحثي كمان بالمرة عن دستور الدنمارك اللي بيقول

"الكنيسة الإنجليكانية اللوثرية الدنماركية هي الكنيسة الرسمية في البلاد وبالتالي الدولة تؤيدها وتدعمها"
"الملك يجب أن ينتمي إلى الكنيسة الإنجيلية اللوثرية"

وبولندا اللي دستورها بينص على:

"The relations between the Republic of Poland and the Roman Catholic Church shall be determined by international treaty concluded with the Holy See, and by statute."

ولا آيرلندا ! اللي دستورها بيقول صراحة:

باسم الثالوث الأقدس المعظم، الذي منهم كل السلطة وإليهم -كنهايتنا- كل أعمال الرجال والدولة تقدم إليهم ،
ونحن، شعب أيرلندا ،
اذ نعترف بتواضع بجميع التزاماتنا لدينا للرب إلهنا، يسوع المسيح ، الذي أعان آباءنا عبر قرون من المحاكمة ،
تذكر بإمتنان نضالهم البطولي وحثيثهم لاستعادة الاستقلال الشرعي لأمتنا، وسعوا إلى تعزيز الصالح العام ......... الخ.
جميع سلطات الحكومة، التشريعية والتنفيذية والقضائية، تستمد قواها، تحت الرب ، من الشعب، الذي من حقه أن يعين حكام الدولة ........

وإسرائيل دولة علمانية برده عند حضرتك ملهاش دعوة بالدين وبتمارس حقوق العبادة وكده ؟

ها .. يا ترى الدول المتقدمة دي لسة علمانية والدول العلمانية المتخلفة لسة مش علمانية بحق وحقيق عشان كده لسة متقدمتش ؟!

المشاركة الأصلية كتبت بواسطة إنسانة

ولحد ما أفهم قصة النرويج وهل هي دولة دينية مسيحية أو دولة علمانية
من فضلك بس عايزة أعرف أسماء العلماء المسلمين وفي أي فترة ظهروا

أما باقي الكلام فأعذرني مش هدخل نقاش بشأنه من الأساس

بخصوص علماء المسلمين فسهل جدا بضغطة زرار تعرفي كل حاجة عنهم لو لسة حضرتك مش واخدة بالك يعني إن المسلمين كان منهم علماء وكده مكنوش كلهم بيرعوا الغنم في البادية !
بس على كل حال ده لينك كبداية وشوفي حضرتك بتعرفي تعدي لحد كام
ملحق:قائمة العلماء المسلمين - ويكيبيديا، الموسوعة الحرة

أما باقي الكلام اللي حضرتك مش عايزة تردي عليه فيكفيكي نظرة سريعة في ملتقى من ملتقيات الليبراليين والعلمانيين العرب لتتأكدي أن غاية طموحهم ومنتهاه هو اللي بقولك عليه ده لو حضرتك مش مصدقاني يعني
وللحديث بقية بس لما تقتنعي إن الليبرالية والعلمانية مش هي السبب في تقدم الدول المتقدمة حاليا لأن هذه الدول في الحقيقة دول دينية بشكل أو بآخر نصوا على ذلك أم لم ينصوا وأن مسألة فصل الدين عن الدولة تماما دي أكبر خديعة في العصر الحديث المقصود منها عزل الإسلام فقط عن الدول والأفراد لكن محدش هيقدر يعزل لا المسيحية ولا اليهودية عن الدولة والأفراد واللي بيدعي ذلك فهو كاذب ومضلل

المشاركة الأصلية كتبت بواسطة Khaled Online

لو العلمانية منتشرة زي ما الناس فاكرة ليه زيارة البابا لأي بلد بيتعملها الف حساب؟ رغم البلاوي السوداء اللي قساوسة الكاثوليك عملوها في كل الدول وباعترافهم ودفعوا تعويضات لأهالي الأطفال المساكين دول اللي بقوا رجالة كبار من ساعتها؟ بعد كل ده ولسه لغاية دلوقتي كبار السياسيين بيتمنوا يقابلوا ويتصوروا معاه photo op بيسموها. وابقوا شوفوا صور بوش الابن اللي بيعتبر مسيحي محافظ جمهوري Republican متصور معاه كم مرة
ده مجرد مثال من ارتباط أهل السياسة اللي بتتحكم في القوانين بالدين المسيحي في بلد متقدمة زي أمريكا

بالضبط كده
وفين العلمانية من صور وأفعال زي دي !









ايه العلاقة بين دولة مفروض انها علمانية زي أمريكا وبين إن أي رئيس أو حتى مرشح للرئاسة (زي ميت رومني الصورة الأخيرة) لازم يقدم فروض الطاعة والولاء لليهود في عقر دارهم في مقر من مقرات عبادتهم اليهودية حتى لو لم يكن هذا الرئيس يعتنق اليهودية ؟!

المشاركة الأصلية كتبت بواسطة mecha

حضرتك جايب الاراء دي منين ,انت عشت هناك
كل اوروبا وامريكا وكندا واستراليا ونيوزلندا علمانيه ,يعني فصل تام بين الدين والحكم ,اي حد في منصب ديني ملهوش اي سلطة كانت في حياة الناس .الكنائس هناك بتتهجر وتتباع وتتفتح خمارات وناس بيشتروها ويقلبوها مسجد او مشروع وشفت الكنايس بيتحايلوا ع الناس تحضر العبادات .ومين الرئيس يبا مسيحي دا كلو بالاسم زي ثقافه .تراث كمان الملك مبيحكمش حاجة كدا. السلطات مع رئيس الوزرا المنتخب.الدستور الامريكي من القرن 18 فصل الدين من السلطة تماما.وكل اللي بتشوفه مظاهر وقبول شخصي .البابا بعد ما كان عنده جيوش ويتوج الملوك .آخره ميدان بيسموه مدينة الفاتيكان وسلطه روحيه غير ملزمه.واهه العلمانيين دول بيقبلوا مسلمين عندهم ويمارسوا شعائرهم بمنتهي الحريه .العلمانيه فيها اعبد كما تشاء ودع الاخرين

حضرتك أنا مجبتش كلام من عندي أنا ناقل النصوص من دساتيرهم وممكن حضرتك تراجعها بنفسك
موضوع الكنايس بتتهجر وبتتحول مساجد ده موضوع تاني متعلق بمدى شعبية المسيحية مقابل شعبية الإسلام في المدينة اللي الكنيسة بتتهجر فيها وفي إحصائيات ممكن أي حد يراجعها برده بانحسار المسيحية شيئا فشيئا في أوروبا مقابل زيادة في عدد المسلمين
لكن احنا بنتكلم دلوقتي عن مسألة هل الدول المتقدمة دي علمانية فعلا زي ما بيتقال ولا قوانينهم ودساتيرهم بتنص على خلاف ذلك لأن في ناس معينة عايزة توصلنا الفكرة دي علشان يسلخونا احنا عن ديننا وهويتنا بزعم إن الدول المتقدمة متقدمتش إلا بالعلمانية ! وأن ده السبيل الوحيد للتقدم ! على أساس أن أجدادنا الأوائل اللي سادوا العالم كانوا علمانيين !