لكل الي مش عجبه مصر حل هيريحه ويريح

**أحمد كمال** · 12-01-2015 06:41 PM

المشاركة الأصلية كتبت بواسطة ehabouf

من 2007 والدليل اهه
العملات السودانيه على مر العصور
انت عايز توصل ان الجنيه المصري بينهار قدام الجنيه السوداني وده مش حقيقة
الواقع ان السودان استبدلت عملتها بعملة اكبر لكن اقتصادها في انهيار من بعد جعفر النميري
ايام النميري كان الجنيه السوداني بقرشين منصف مصري (الي تم استبدال ال 100 منه ب 1)
يعني لو اقتصادهم ثابت (مش بيزيد عن الإقتصاد المصري) كان المفروض الجنيه السوداني يكون ب 2.5 جنيه مصري

ربنا يهدي بجد ؟؟؟؟؟

استنبطت كلامك ده من فين في كلامي ؟؟؟؟؟؟؟

واحد سأل الجنيه السوداني بكام و قلت له انه في البنك اغلى من المصري بس في السوق السوداء ارخص

لان الدولار في البنك بحوالي 6 جنيه سوداني

بس سوق سوداء (في السودان) بحوالي 10 جنيه

و لا فيه غرض في كلامي و لا قلت اقتصاد احسن و لا اوحش اساسا و اتحداك تجيب كلمة قلتها على كده اساسا ...... صححت لك المعلومة بتاعة ان الدينار مستعمل حاليا لانه اتوقف من 8 سنين ...... بس

مين جاب سيرة انهيار جنيه و لا هباب ازرق ؟؟؟؟؟؟ ايه تلقيح البلاوي ده ؟؟؟؟؟؟

**أحمد كمال** · 12-01-2015 06:44 PM

و اساسا انا عارف كويس و احسن من اي حد ان الجنيه السوداني منهار

من 3 سنين اما كنت عايش هناك كان الدولار رسمي ب 2.65 و سوق سوداء ما بين 5.5 و 6.5

النهاردة رسمي ب 6 و اسود ب 10

**أبو آسر** · 12-01-2015 06:52 PM

المشاركة الأصلية كتبت بواسطة إنسانة

مش كل دولة كتبت في دستورها إنها علمانية وديمقراطية تبقى علمانية وديمقراطية بجد ^^
لكن جميع الدول المتقدمة هي دولة علمانية و ديمقراطية
و السبب الحقيقي في تقدمها إن أنظمتها دي مش جامدة بتطور أنظمتها وفقا لتقدم الفكر الإنساني

ومين قال لحضرتك ان الدول العلمانية المتقدمة علمانية بجد
معظم الدول العلمانية المتقدمة دي دساتيرها بينص صراحة على أن المسيحية هي الديانة الرسمية للدولة وفي دول بتشترط إن الرئيس يكون مسيحي بل بعضهم بيشترط إنه يكون من طائفة معينة كمان ^^ زي القانون البريطاني اللي بينص على إن الملك أو الملكة لازم يكون بروتستاني وزي الدستور النرويجي اللي بينص على أن الإنجيلية اللوثرية ستظل الدين الرسمي للدولة ويلتزم السكان المعتنقون لها بتنشئة أولادهم بموجبها ...
الدول العلمانية المتقدمة دي بعضها بيحظر ارتداء الزي الإسلامي زي ما عملت فرنسا وبلجيكا وهولندا مثلا مع النقاب
العلمانية والديمقراطية ما هي إلا صنم عجوة العصر الحديث بيضحكوا بيه على عقول المغيبين بيطبقوه بمزاجهم لما يكون في صالحهم لكن لما يكون مش في صالحهم .. بياكلوه !
الإسلام لما كان بيتطبق صح ساد العالم كله وانتشر بأخلاق تجار المسلمين واتسعت رقعة الإسلام من أقصى الشرق لأقصى الغرب وظهرت العلوم الحديثة وقتها على يد علماء المسلمين اللي الدول المتقدمة دلوقتي عايشين على خيرهم في حين كانوا هما وقتها بيسموا العلم ده هرطقة وزندقة لكن المسلمين متخلفوش إلا لما تخلوا عن دينهم وبقوا بيلهثوا خلف الحضارة الأوربية المعاصرة فلا هم حصلوهم ولا حصلوا أجدادهم المسلمين الأوائل وصار همهم كله عايزين حرية ممارسة الشذوذ زي الدول المتقدمة ! عايزين حرية الدعارة والزنا زي الدول المتقدمة ! عايزين حرية الإلحاد زي الدول المتقدمة ! عايزين حرية اللبس والعري ولبس البكيني زي الدول المتقدمة ! هو ده مفهوم التقدم عند علمانيي وليبراليي بلاد الإسلام !

**الاسد المهاجر** · 12-01-2015 10:10 PM

المشاركة الأصلية كتبت بواسطة أحمد كمال

امثالك من اصحاب مقولة "مش عاجباكم كده ما تفتحوش بقكم و امشوا"

في اللغة العربية كلمة "مثلك" و "امثالك" مش شتيمة بالمناسبة ......

بس بجد ...... يا ريت تبطلوا تكلمونا و تطلبوا مننا مساعدة في السفر او نصيحة لكيفية السفر ....... ما باتفقعش اكتر من اللي شايف مصر وردية و ليس في الامكان احسن مما كان و برضه عايز يسافر

هما مين الي طلبو مساعده منك عشان يسافر ومين سيادتك عشان اطلب منك اني اسافر وهاتلي مشاركة ليه طلبت مساعدتك انته او غير اني اسافر سيدي الفاضل انا لو كنت عايز اسافر كنت سافرت من 18 سنه بلد حضرتك وبعد الاعضاء يتمنو يروحوها بس انا افضل اعيش في بلدي معلش اصل الي بيحب بلدهم كان زمان دلوقتي كله بيهاجر

**الاسد المهاجر** · 12-01-2015 10:15 PM

المشاركة الأصلية كتبت بواسطة misry

هات لي شغلانة برة وانا اسيبهالك مخضرة ... وبعدين انت مين علشان تقول لده يقعد ولده يسافر

عقليات غريبة ...

عقليات غريبه افضل مكون غشيم في كلامي وسيبهالي مخضره ومين انا انا مواطن بسيط بحب بلدي ولا انتمي لاي حزب ولا رءيس

**الاسد المهاجر** · 12-01-2015 10:21 PM

المشاركة الأصلية كتبت بواسطة أبو آسر

لأ أنا عاجبني اسمي كده
والحمد لله لو عايز أسافر هسافر بس اللي مانعني إني بهيأ نفسي للسفر لمكان محترم أحس فيه بآدميتي مش أي مكان وخلاص والموضوع محتاج وقت وتجهيزات مش مش لاقي بلد ترضى بيا محسسني إني باير !
على الأقل أفضل من اللي مهيأين نفسيا للعيش بدون كرامة ومعندهمش مانع يبقوا عبيد تحت أمر حضرة الباشا والبيه أصلهم يا عيني بيحبوا ماسر أوي

ممكن تقولي واحد زيك عمل إيه لمصر ؟ وجوده في مصر فرق في إيه من عدم وجوده ؟ ولا هي شعارات وكلام فارغ هنقعد نضحك بيه على بعض ونعيش في جو رأفت الهجان بقى ومصر أم الدنيا وهتبقى أد الدنيا والكلام الساذج اللي بيضحكوا بيه على عقول المغفلين ده ؟

طول منتي في مصر زيك زي اي مصري زي مبتقول علي اي مصري اي لفظ اي حد من مصر او خارجها هيقولك عليك نفس الفظ وطبعا انته عارف الالفاظ وعارف الالفاظ الي بتتقال علي الاخوان

**أحمد كمال** · 12-01-2015 10:21 PM

المشاركة الأصلية كتبت بواسطة الاسد المهاجر

هما مين الي طلبو مساعده منك عشان يسافر ومين سيادتك عشان اطلب منك اني اسافر وهاتلي مشاركة ليه طلبت مساعدتك انته او غير اني اسافر سيدي الفاضل انا لو كنت عايز اسافر كنت سافرت من 18 سنه بلد حضرتك وبعد الاعضاء يتمنو يروحوها بس انا افضل اعيش في بلدي معلش اصل الي بيحب بلدهم كان زمان دلوقتي كله بيهاجر

مش انت اللي طلبت ..... قصدي عالناس اللي شايفين مصر مفيش احسن منها و برضه عايزين يسافروا !!! و مش قصدي بيطلبوا مني شخصيا ......