لكل الي مش عجبه مصر حل هيريحه ويريح

**eng.m7md.ali** · 10-01-2015 03:04 AM

طبعاً كل من خالف رأي مستر اسد هو في نظره خاين وعميل وجسوس ولا يستحق ان يبقي علي ارض ام التونيا لحظة

بالظبط زي اي حد ينتقد القائد يبقي اخوان وخاين وعميل

نظرية بردو

لكن اسمحلي يااستاذ اسد اعرف حضرتك بتشتغل ايه وبتقبض كام وعندك اولاد وزوجة ولا عازب؟؟ هل مرتاح في حياتك؟ هل حققت طموحاتك؟؟ هل عايش متطمن؟؟ هل انت آمن علي نفسك ومن حولك طول مانت في الشارع او راجع بيتك متأخر؟؟ هل انت متطمن ان مفيش ظابط رخم او منفسن يرخم عليك او يلبسك قضية تخابر او قضية تنظيم ارهابي لمجرد انه عايز كدة؟؟

لو قولتلي انك عايش في امان ومش قلقان من اي حاجة ومش خايف من بكرة والماديات تمام معاك هقولك حضرتك راجل محظوظ جدا نتمني كلنا تبقي زيك ساعتها محدش هيفكر يسيب بلده ولا يكرهها

لكن المصري الوحيد في العالم اللي بيكره بلده معتقدش في حد تاني بيكره بلدو الا احنا

**ehabouf** · 10-01-2015 07:12 AM

وياريت كمان بالمرة الي يهاجر مابفكرش يرجعلنا تاني بعد لما سنه يكبر وكون غير قادر على العمل (او بمعنى أصح غير قادر على جني المال)
يكمل بقى في بلد المهجر الجميلة الحبوبة الي هي احسن من المخروبة الي احنا عاييشين فيها دي (من وجهة نظره طبعاً) ومايجيش يعمل لنا زي عبد الفتاح القصري ويتريق على عيشيتنا واكلنا وشربنا

**Khaled Online** · 10-01-2015 10:51 AM

المشاركة الأصلية كتبت بواسطة الاسد المهاجر

سايبها الامثالي فعلا اسلوبك يدل انك اد ايه محترم

دي حقيقة. م/أحمد كمال فعلا محترم وأسلوبه محترم غصب عن الأعادي
u mad bro? :)

**Mecha** · 10-01-2015 12:11 PM

يا اخوانا من غير مزايدات ,كلنا عارفين مشاكل الحياه في مصر وزيها زي بلدان العالم التالت ,من حق كل واحد طبعا يسافر ويهاجر .ومشاء الله كتير اهو بيعرفوا it .ودول علي قمة الوظايف المطلوبة لبلاد الهجرة وممكن لو معاك قرشين تسافر بفيزة سياحة ومن هناك تقدم علي شغل وتاخد كفالة.فلعن مصر عمال علي بطال مش هيجيب نتيجة لكن حرق نفسي وعصبي ليك.ودايما افتكر حتي لو هاجرت الناس هناك هيشوفوك علي انك مصري عربي مش خواجة حتي لو خدت الجنسيه .مثال مشهور محمد الفايد مخدهاش.حتي النماذج مبهرة النجاح زي يعقوب وزويل والباز -ودول عدد ضئيل جدا جدا للي بيصارع للبقاء في المهجر-هتلاقيهم شربوا من نفس المشاكل دي بس في قلبهم حب مصر بييجوا ويشاركوا ويساعدوا لانهم جواهم حاسين بجذورهم هنا ومبقوش خوجات.وفي الاخر محدش بيطلع من جلده .
وربنا يوفق الجميع

**Mecha** · 10-01-2015 12:52 PM

المشاركة الأصلية كتبت بواسطة mohamed_e36

انا هقولك على مشكله واحده بس
انا راجل مهندس خريج 2011 دخلت جيش وعمال بتنطط من شغل لشغل لغايه النهارده ومرتبي لا يتعدى ال 1500 جنيه بدفع منهم 400 جنيه مواصلات وفطار في شغلي يتبقالي 1100 جنيه ونفسي اتجوز (الطبيعي بتاع مخاليق ربنا ) قولي اعمل ايه

حضرتك لو هاجرت وشغال كدا مش هتقدر تاجر مش تملك شقه او بيت الا لما المدام تكون بتشغل بردو,وعشان تشتروا سكن تدفعوا مع بعض 25 سنة.كتير شفت كابل بياجروا اوضه في بيت شرك عشان يقدروا يعيشوا.وشفت كابل بيجيبوا عفش واجهزة خرج بيت عشان الحياة تمشي

**bayoumisoft** · 10-01-2015 01:05 PM

المشاركة الأصلية كتبت بواسطة moody_687

ياباشا انا عن نفسي عايز اهاجر بس خايف
انا بشتغل ف وظيفة حكومية وانا وحيد اهلي وابويا رافض سفري لاسباب اسرية
زميلي هاجر وراح الامارات وساب الوظيفة عشان بلده مش مدياله حقه وسافر الامارات وبسم الله ماشاء الله مرتب عالي
تيجي تدور تجيب شقة اقلها شقة ف مكان معفن هتعملها قول 150 الف ج وحط عليهم توضيب وعفش ب 100 الف ج يعنى الشاب محتاج ربع مليون ج
لو افترضنا بيشتغل وبيقبض ف الشهر 3000 ج وبيحوش ياسيدي 3000 الاف ج يعنى فالسنة 36 الف ج وطبعا ده مرتب عالي ف مصر مفيش حد بيحصل عليه غير فالوظائف ام الوسائط
يبقى الشاب محتاج 7 سنين ل 8 سنين تقريبيا عشان يتجوز وده طبعا فأفتراض ان اهله مش ساعدوه
فهل لو البلد دي كويسة هتبقى حياة الشاب بالطريقة دي ؟؟!!!
ياباشا حضرتك مستريح فيها خليك فيها واشبع بيها
ويريت بقى كلنا نبطل كلام الشعارات مشربتش من نيلها والكلام الاغانى ده اللي مش بياكل عيش

هو حتى انت لوهاجرت برة , تقدر تشترى شقة برة؟؟؟

شوف الدول الاوروبية مافيش حاجة اسمها تمليك , اللى بيتملك ده الغنى .

المشكلة مش مشكلتك , المشكلة العادات والتقاليد المصرية, لازم يكون عندك شقة تمليك عشان تقدر تتجوز عكس برة.

**moody_687** · 10-01-2015 01:39 PM

المشاركة الأصلية كتبت بواسطة bayoumisoft

هو حتى انت لوهاجرت برة , تقدر تشترى شقة برة؟؟؟

شوف الدول الاوروبية مافيش حاجة اسمها تمليك , اللى بيتملك ده الغنى .

المشكلة مش مشكلتك , المشكلة العادات والتقاليد المصرية, لازم يكون عندك شقة تمليك عشان تقدر تتجوز عكس برة.

عارف ليه ياباشا مفيش تمليك برة عشان عارفين قيمة ارضهم كويس ويدوبك هما يأجروا للوافدين لكن ف مصر ام الدنيا زي ما الانسان دمه رخيص برده الارض رخيصة الفلل بتتباع تمليك للخليج وحتى الاراضي بتتباع للخليج بحجة الاستثمار ف حين انه من الممكن انها تتعمل حق انتفاع بدل حق التمليك
ياباشا العيب ف نظام الحكم لمدة 30 سنة دمر دولة بأكملها خلى السعوديين ميحترموش المصريين ويتعاملوا معاملة زفت الا من رحم ربي ان كان دم المصري مش غالي ع ارضه هيبقى غالي برة ؟! اهى دي نقطة عملها النظام السابق
النقطة التانية احتكار الحديد وغلو وانخفاض سعر الجنيه مقابل الدولار وارتفاع كل حاجة ف البناء ادى الى ارتفاع اسعار الشقق ارتفاع رهيب الشقة بقت ف مكان عادي وف زقاق كمان ب 150 الف ج غير توضيبها
النقطة التالتة خلينا الموظف العام يشحت مرتبات قليلة فظل ظروف معيشية غالية هل مرتبه هيكفيه الشهر ؟؟!! ف حين الموظف العام ف اى دولة تانية اهم من الموظف الخاص ومكرم عن الموظف الخاص وبيقبض احسن منه عشان برة مقتنعين اقتناع دائم ان تقدم الدولة يأتى من تقدم اجهزة الدولة العامة وليست الخاصة
حوار الحد الادنى ابو 1200 ج اطبق بالفعل بس اخصم بقى وهتقبض الصافي 950 ج فهل 950 ج هيكفوا راجل بيصحى الساعة 6.30 ويروح الساعة 8 شغله ويخلصه ع الساعة 2.30 فهل ده مقابل تعبه ؟؟!! هنقول ما يشتغل شغلانة تانية ويزود رزقه هقولك حاضر هشتغل من 5:12 مسائا وساعتها قول هاخد 1000 ج هيبقى مرتبي 2000 ج فهل ده مرتب يكفي اسرة متكاملة وهل الدولة ماشية فالتنظيم صح لما تخلي اب اسرة مش يشوف اسرته خالص يعنى يعتبر متغرب ف بلده فهل دي دولة ماشية فالتنظيم الادارى صح ؟؟؟!!!

**Mecha** · 10-01-2015 01:57 PM

المشاركة الأصلية كتبت بواسطة moody_687

عارف ليه ياباشا مفيش تمليك برة عشان عارفين قيمة ارضهم كويس ويدوبك هما يأجروا للوافدين لكن ف مصر ام الدنيا زي ما الانسان دمه رخيص برده الارض رخيصة الفلل بتتباع تمليك للخليج وحتى الاراضي بتتباع للخليج بحجة الاستثمار ف حين انه من الممكن انها تتعمل حق انتفاع بدل حق التمليك
ياباشا العيب ف نظام الحكم لمدة 30 سنة دمر دولة بأكملها خلى السعوديين ميحترموش المصريين ويتعاملوا معاملة زفت الا من رحم ربي ان كان دم المصري مش غالي ع ارضه هيبقى غالي برة ؟! اهى دي نقطة عملها النظام السابق
النقطة التانية احتكار الحديد وغلو وانخفاض سعر الجنيه مقابل الدولار وارتفاع كل حاجة ف البناء ادى الى ارتفاع اسعار الشقق ارتفاع رهيب الشقة بقت ف مكان عادي وف زقاق كمان ب 150 الف ج غير توضيبها
النقطة التالتة خلينا الموظف العام يشحت مرتبات قليلة فظل ظروف معيشية غالية هل مرتبه هيكفيه الشهر ؟؟!! ف حين الموظف العام ف اى دولة تانية اهم من الموظف الخاص ومكرم عن الموظف الخاص وبيقبض احسن منه عشان برة مقتنعين اقتناع دائم ان تقدم الدولة يأتى من تقدم اجهزة الدولة العامة وليست الخاصة
حوار الحد الادنى ابو 1200 ج اطبق بالفعل بس اخصم بقى وهتقبض الصافي 950 ج فهل 950 ج هيكفوا راجل بيصحى الساعة 6.30 ويروح الساعة 8 شغله ويخلصه ع الساعة 2.30 فهل ده مقابل تعبه ؟؟!! هنقول ما يشتغل شغلانة تانية ويزود رزقه هقولك حاضر هشتغل من 5:12 مسائا وساعتها قول هاخد 1000 ج هيبقى مرتبي 2000 ج فهل ده مرتب يكفي اسرة متكاملة وهل الدولة ماشية فالتنظيم صح لما تخلي اب اسرة مش يشوف اسرته خالص يعنى يعتبر متغرب ف بلده فهل دي دولة ماشية فالتنظيم الادارى صح ؟؟؟!!!

في اي دولة اجنبية تقدر تتملك ارض وعقار بسهولة طالما معاك فلوس, ومين قال الموظف العام بياخد اعلي من الخاص ,بياخدوا اقل عشان العمل العام مريح والحكومه احيانا بتمشيهم عشان خفض الميزانيه حسب الانتخابات,كمان هناك صعب علي راجل يعول اسره لوحده المدام لازم تشتغل.عشان كدا لما الراجل بيفقد شغله بيمشي م البيت.ودي الغالبية
مش هتلاقي جوازات واسر طول العمر زي عندنا

**memo_p910** · 10-01-2015 03:07 PM

والله ياعم أسد المهاجر لو على الهجره احنا قدها وقدود مشكلتنا في مصر مش الاكل والشرب بس المشكله مسالة الكرامه وانتشار الفساد خاصة في وسط المسؤولين اللي كل همهم الجبايه وسرقة المواطنين شوف مثلا انا الشهر اللي فات المرور سرق مني 400 جنيه نظير تعمد تعطيل المرور رغم انه والله العظيم ما حصل وماتقدرش تعترض طب بالذمه دي بلد ومع ذلك بنحبها وقاعدين فيها علشان أمثال الحراميه دول اللي هما بيقولوا انهم بيحبوا البلد قوي مايخربوهاش أكتر من كده
اللي بيحبوا البلد وقاعدين فيها علشان بيحبوها نوعين
1. حراميه مستفيدين من الفساد والسرقه وحابين البيئه الفاسده اللي عايشين فيها
2. مصريين حقيقيين بيحاولوا يغيروا حاجه ولو فشلوا ( ودول من أمثالي طبعا )

**1000مبروك** · 10-01-2015 03:17 PM

المشاركة الأصلية كتبت بواسطة bayoumisoft

هو حتى انت لوهاجرت برة , تقدر تشترى شقة برة؟؟؟

شوف الدول الاوروبية مافيش حاجة اسمها تمليك , اللى بيتملك ده الغنى .

المشكلة مش مشكلتك , المشكلة العادات والتقاليد المصرية, لازم يكون عندك شقة تمليك عشان تقدر تتجوز عكس برة.

لا
مش عادات وتقاليد ولا حاجه
المشكلة أكبر من كده

المشكلة في واحد فاشل إخترع قوانين متخلفة للإيجارات دمر بيها نظام الإيجار في مصر
الفاشل ده من ساعة ما عمل أنظمة الإيجار دي ونظام الإيجار مات في مصر
مع إن أيام الملك الله يرحمه كان الناس بتعزل من بيوتها تروح بيوت تاني إيجار
وكان شقق الإيجار بينزلها إعلانات زي التمليك الوقتي

لغاية لما خربها الفاشل المغرور بفكره الفاشل
واحد جاهل آخره يعرف سن نملة الدبانه إتحكم في الخلق
فقال المستأجر يقعد في الإيجار للأبد

العادات والتقاليد بريئة

كل ما في الأمر إن ربنا إبتلى مصر من حوالي ستين سنة بجاهل خربها وجاب ضلفها