الموضوع: لكل الي مش عجبه مصر حل هيريحه ويريح

طب ما تعمل معانا ( احنا اللى عاوزين نمشى يعنا ) واجب وتجيبلنا فيزا لاى بلد وانا اوعدك هنسيبهالكو مخضرة

المشاركة الأصلية كتبت بواسطة eslam atia

انت رااااااااجل تمام اوي
وجبت من الآخر
وانا ازود عليك حاجه بسيطة خااالص
3 فئات بس اللي مستريحين في مصر
جيش
شرطة
قضاء
وعلي رأي الممثل خالد صالح رحمه الله
الناس دي فعلا البلد بتاعتهم والباقي عايش بمزاجهم ،،، أه والله بمزاجهم
وتعالي احسبهالك
قاضي داخل علي لجنة مرور ( مفيم - بدون نمر - مفيش رخص ) اتفضل ياباشا
قاضي راح البنك ولاقاه زحمة ( يدخل علي مدير البنك ويخلص حاجته وهو في مكتبة وبيشرب قهوتة
ظابط جيش داخل علي لجنة مرور او ردار ( آسفين يا فندم ) منعرفش ان حضرتك
ظابط مرور عنده مشكلة في الشارع اللي ساكن فية ( اتصال بـ القاضي اللي بيعدي من غير رخص ) كمين في الشارع وامن 24 ساعة واللي انت عاوزة
عاوز تاني ولا كفاية
مبارك فشخ - واسف علي اللفظ - الشعب كلة لمدة 30 سنة من صحه وتعليم وسرقة وانفلات وكل ما تتخيلة وتحلم بية وفي الاخر القاضي يخرجة براءة ( مبارك رجل جيش )
فهتلاقي ان الثلاث فئات دول بيخدموا بعض ولا يقبلون بدخول فئة رابعة بينهم
والبلد بلادهم بس هما سايبين الناس تعمل اللي بتعمله علشان منظرهم في الخارج
وعلي رأي المواطن صدام الذي افتقدناه هنا في المنتدي ( احنا انتهينا خلاص )
وكل اللي بيدافع عن البلد يأما مستحمل العفونة اللي عايش فيها - يأما أكل شارب نايم ومزاجة حلو ومتزبط من الثلاث فئات
اما الباقي الذي يريد الخروج فهو ذاق مرارة الظلم في بلده ولا يحس بأدميتة فيها
حسبي الله ونعم الوكيل
حسبي الله ونعم الوكيل
حسبي الله ونعم الوكيل

بالضبط . هى دى مصر اللى أنا أعرفها وعلشان كدة كلنا عايزين نسيبها. وياريت أى حد أعمى أو بيتعامى عن رؤية الحقيقة دى ينقطنا بسكاته.
اسمحلى بس أصحح معلومة: الفئات التلاتة اللى ذكرتهم مش بس مستريحين فى مصر. البلد اصلا بلدهم واحنا خدامين عندهم . واللى شايف غير كدة يبقى معلش يعنى يبقى محتاج يلبس نظارة.
على فكرة فيه مشلكة عند بعض أصحاب الردود المؤيدة لصاحب الموضوع. هم معتقدين ان اللى عايز يسيب البلد لمجرد جمع المال وبس. غلطانين جدا. انا واحد من الناس نفسى فى معاملة آدمية نفسى فى أمن وأمان بجد مش اللى بالك. نفسى فى علاج محترم نفسى فى تعليم محترم نفسى فى قضاء عادل مش مجموعة من المرتشين الفاسدين الا من رحم ربى نفسى لما اختلف مع حد فى الرأى باحترام يقابلنى بنفس الاحترام مش يطلعنى خائن او مجرم نفسى لما امشى فى الشارع لوحدى او مع اهلى ابقى ماشى مطمن مش قلقان. هقول ايه بس ولا ايه "فالله خير حافظا وهو أرحم الراحمين". ربنا يخرجنا منها على خير.

حضرتك تعرف الجنية السوداني بكام ف مواجهة الجنية المصري ؟