الموضوع: صحيفة Charlie Hebdo صاحبة حادثة القتل نشرت صور مسيئة لسيدنا محمد صلى الله عليه وسلم

المشاركة الأصلية كتبت بواسطة yasser farid

فين غيرتكم علي الرسول صلي الله علي وسلم
انا مش مصدق ان دي تعليقات مسلمين بصراحة
سواء الحادثة دي كانت تمت او لا فهم لم يوقفوا سب الرسول ومش هيبطلوا يتهمونا بالارهاب
وللعلم الصحفيين الكفرة دول نشروا الصور في تعمد واضح وصريح لايذاء مشاعر المسلمين ومش من ناحية حرية التعبير لا من قريب او بعيد

يا سيدى الفاضل

فرنسا مفصول فيها الدين تماما عن الدولة .. و السخرية من جميع الديانات موجودة فى فرنسا .. الموضوع مش فقط فى السخرية على دين واحد .. طبعا مش معنى كلامى ان السخرية من الاديان و المقدسات شىء كويس و انا موافق عليه .. بس هى دولة كده و قانونها كده و ديه ارضهم و ده قانونهم ..

العنصرية موحودة ضد المسلمين ده شىء اكيد .. بس مجيش انا بقى اقوم مديهم هدية على طبق من ذهب و اقولهم ما انتوا عنصريين ..

انا عايز بس الناس تجرب تحط نفسها مكان مواطن فرنسى و تشوف شعورك هيبقى عامل ازاى بعد اللى حصل ؟ .. بلاش نشوف الموضوع من وجهة نظر واحدة

و اظن ان فى مصر حصل تجاوزات فى الاعلام كتير ضد الاديان الاخرى غير الاسلام .. هل لو حد غير مسلم عمل اللى اتعمل ده فى مصر .. شوف الوضع بتاع البلد كان هيبقى عامل ازاى

الاسلام لا يجيز قتل اى شخص و مش انا او اى شخص عادى يبيح و يحل دم اى واحد مسلم او مسيحى او كافر او ى دين

لكن من وجهة نظرى الشخصية ,, اتقتلوا, اتحرقوا بجاز ,, اي المشكله ,, ايه الى هيزعلنى عليهم و المسلمين فى كل مكان بيتذبحوا و بيقتلوا بلألوف و محدش بيتحرك لنصرتهم لا مسلمين ولا غير مسلمين

وكل الناس الى ردت و محموقه اوى عليهم ليه مبتتحمقوش كدا على المسلمين الى بيتقتلوا

طيب انا ليا راى فى الموضوع ده وهو ككل الاراء يحتمل الصواب او الخطأ
*دلوقتى من بعض الردود والمناقشات عامه شايف ان فى ناس شايفه ان اللى حصل ده رد فعل واجب نظرا لتعدى بعض الاشخاص على سيدنا محمد ورايي انا الشخصى ردا على الكلام ده طالما شخص ما شايف ان رد الفعل على اهانه النبى القتل سواء "رأى شخصى او فقهى" يبقى اولى ليك انك لما تشوف واحد فى شارعكم بيسب الدين "واكيد بتشوفه يوميا " بكل اريحيه "علشان تكون متوافق مع نفسك" طلع طبنجه او سيف وطبق نفس حكمك عليه بالظبط "وطالما انك مبتعملش كده فيبقى ده مش رأيك اللى انت مقتنع بيه ورجاء بلاش تقوله تانى".

*وفى جماعه اخرى شايفه ان اللى حصل ده حرام وانالناس دى يندرج اللى عملوه على انه حريه تعبير ومحدش له الحق انه يقتلهم وان اللى عمل كده ارهابي ودول احب اقولهم بلاش الموضوع ياخد اكبر من حجمه لان لو طبقنا حريه التعبير على اى حد يبقى فى ناس كتير احنا ظلمناهم سواء فى مصر او بره مصر والحكومات نفسها معندهاش مبدأ واحد فيما هو حريه تعبير وما هو امن قومي فمش انت اللى حتحط حكم على ايه هى حريه التعبير .

*واخيرا اتمنى اننا نفهم ان دول بره اللى كلنا بنبصلهم على انهم بلاد التقدم مش دايما بتكون البلاد دى بلاد القيم المثاليه من وجهه نظر الجميع فلو البلاد دى العدل فيها زى مكلنا متخيلين كان اللى اساء لدين اى فئه كان اتحاسب كنت قدجرت احكم على اللى عملوا كده انهم بلا دافع سوى ارهابهم
وبرضه اتمنى نفهم ان الارهاب مش محصور فى مكان معين ولا فئه معينه وان الجزء اللى بيفكر بالشكل ده لازم يتحصر ويتغير لانهم بيندفعوا بشكل بيسئ لديانه كامله زى ماسرائيل بتسئ فافعالها الارهابيه لديانه كامله هم كمان بيعملوا كده بلا قصد .
*وربنا يكون فى عون الجاليه المسلمه فى فرنسا لان المجتمع الغربي مش متسامح لدرجه ان الفرنسيين المتشددين يسيبوا الموضوع يعدى ببساطه وبالفعل ولا الجريده حتضر بشكل كبير من اللى حصل ولا الارهاب حيتأثر بشكل كبير باللى حيحصل اللى حيشيل الطين هى الجاليه اللى هربت من اضطهاد فى بلادها وتطلعت لعيش عيشه سويه فى بلاد محترمه وبسبب بعض الموتورين حتتحول حياتهم 180ْ .
تحياتى .