الموضوع: مشكله مع الموتور الجديد

المشاركة الأصلية كتبت بواسطة ehab mobarak

عشان تعرف موديل الموتور ده مكتوب تحت رقم الموتور ورا الإسبراتير اما يكون 135, 135b,135m ,136b, 136m وكل موتور له مواصفات معينة وبنزين معين ومعامل انضغاط معين وبالتالي ضبطه مختلفه . اما كاتينة التقسيمه لازم تتغير عشان المواتير الإستيراد غالبا كاتينتها مريحة شويه ولما تغيرها حاتحس بالفرق وتبطيل الموتور حيبقي مضبوط وطالما الموتور الجديد كان انجكشن يبقي انت مضطر تحطله بنزين 92 عشان ما يبقاش فيه صوت خبط وتظبط التاكيهات علي0.2 للعادم و 0.25 للبنزين لو دلايل البنزين الومنيوم وتظبط الكهربا والهوا كويس ونصيحة لو ثرموستات الكوعة مش راكب اشتري واحد وركبه عشان حرارة الموتور تفضل ثابتة وربنا يوفقك

هو الموتور غالبا يا 135m او 136m بس هتاكدلك
لو الكتينه فيها مشكله زي محضرتك بتقول ايه الاعراض اللي هحسها وينفع اخدها من الموتور القديم ولا لا
والميكانيكي اللي برحله متخصص اسكودا بس مبيشتغلش غير في الفليشيا وقلي طرمبة الميه بتسخن مع انها جديده
قلي حط عليها قماشه مبلوله قبل متروح اي مشوار واجرب
رئي حضرتك ايه في الكلام ده مع اني مش مقتنع ١٠٠%

الموتور ال 136m مختلف عن الموتور 135 اللي كان راكب وعليه الكربراتير الكامة والبساتم وتوقيت الأشعال مختلف وكمان حاجه اسمها معامل الإنضغاط القديم 8.8 الي 1 والجديد 10 الي 1 وده بيفرق في نوعية البنزين اللي حاتستعمله ويستحسن تستعمل بنزين 92 عشان الخبط وكمان ال 80 بيشتعل قبل ال92 وبالتالي بيحصل دق في المحرك والكاتينه ممكن تعمل الخبط وعدم تبطيل الموتور لما تفصل الكوناكت غير الصوت اللي صادر منها والميكانيكي قاللي لما ركبت الموتور ان الإستيراد غالبا بيجي والكاتينة مريحة سنه وتغيرها حايظبط معاك الموتور وممكن تاخدها من الموتور القديم بس هي ب 175 جنيه وفك الوش والكارتير وحلها من الموتور القديم غلبه وانت ورايك طالما هي سليمة في الموتور القديم . ولازم تضبط التاكيهات العادم 0.2 لأنه صلب والبنزين 0.25 لأنه الومنيوم ومعامل التمدد ليهم مختلف اما طلمبة المياه اكشف عليها لو فيها صوت خشانة او مش بتدفع الميه كويس ولو العربيه بتسخن قوي وممكن يكون شوية صدا لأنها مركونه فترة من غير شغل . فيه حاجة احب الفت نظرك ليها الكربراتير بكاته كام المرحلة الأولي والمرحلة الثانيه الأصل 92.5 و 120 ممكن تغيرهم ل 100 و 125 وجرب
هو ايه اللي تحط عليه قماشة مبلولة انت قصدك الموبينه مش الطلمبة والا ايه ؟؟؟

النهارده ياجماعه العربيه مش رديه تدور خاااالص بقلها يومين مركونه بدور المرش بيشتغل ومفيش استجابه خالص
فكيت السلك اللي واصل من البوبينه للاسبرتير وقربته من الصاج العربية مفيش شراره جربت البوبينه القديمه اللي عندي نفس الكلام رجعت البوبينه اللي كانت ركبه حولت كذا مره عملت شراره حمره حطيت السل في الاسبرتير وحولت يدوب الموتور قام ورح مبطل تاني

كده المشكله في ايه البوبينة ولا المشط
ملحوظه انا مركب البوبينة ديه من ١٠ ايام فقط وغيرتها مع القديمة قولت احتمال يطلع المشكله الاوله بتاعت التنتيش بسببها فكده الاتنين المفروض شغلين بنسبه كبيره

المشاركة الأصلية كتبت بواسطة ehab mobarak

الموتور ال 136m مختلف عن الموتور 135 اللي كان راكب وعليه الكربراتير الكامة والبساتم وتوقيت الأشعال مختلف وكمان حاجه اسمها معامل الإنضغاط القديم 8.8 الي 1 والجديد 10 الي 1 وده بيفرق في نوعية البنزين اللي حاتستعمله ويستحسن تستعمل بنزين 92 عشان الخبط وكمان ال 80 بيشتعل قبل ال92 وبالتالي بيحصل دق في المحرك والكاتينه ممكن تعمل الخبط وعدم تبطيل الموتور لما تفصل الكوناكت غير الصوت اللي صادر منها والميكانيكي قاللي لما ركبت الموتور ان الإستيراد غالبا بيجي والكاتينة مريحة سنه وتغيرها حايظبط معاك الموتور وممكن تاخدها من الموتور القديم بس هي ب 175 جنيه وفك الوش والكارتير وحلها من الموتور القديم غلبه وانت ورايك طالما هي سليمة في الموتور القديم . ولازم تضبط التاكيهات العادم 0.2 لأنه صلب والبنزين 0.25 لأنه الومنيوم ومعامل التمدد ليهم مختلف اما طلمبة المياه اكشف عليها لو فيها صوت خشانة او مش بتدفع الميه كويس ولو العربيه بتسخن قوي وممكن يكون شوية صدا لأنها مركونه فترة من غير شغل . فيه حاجة احب الفت نظرك ليها الكربراتير بكاته كام المرحلة الأولي والمرحلة الثانيه الأصل 92.5 و 120 ممكن تغيرهم ل 100 و 125 وجرب
هو ايه اللي تحط عليه قماشة مبلولة انت قصدك الموبينه مش الطلمبة والا ايه ؟؟؟

ميرسي لرد حضرتك جدا

طب وحده وحده عليا كده كلام حضرتك علمي وكبير اوي انا مش عارف ابتدي منين وخصوصا العربيه عطلانه في الجراج ومش عارف اعمل ايه وشارح المشكله في المشاركه اللي فاتت :-(
الميكانيكي قلي حط القماشه المبلوله علي طرمبة البنزين هي كهربها وبتسخن وهي جديده جبتها مع الموتور

ممكن العربيه مش عايزه تدور من مشط الكهربا راجع عليه وراجع السلوك اللي واصله له

الموتور نوعه 135m

الموتور ده نسبة الأنضغاط بتاعته 9.5 وممكن يشتغل علي بنزين 80 و 92 والأفضل 92 بس الأول طمنا عملت ايه في العربيه اشتغلت والا لا وايه كان العيب انا مركب الطلمبة الشكل الثاني بس اضبط العربيه زي ما قلتلك قبل كده الكربراتير والكهربا وغير كاتينة التقسيمه كنت عايز ارفعلك مواصفات الموتور ده بس للاسف ما بيقبلش رفع