الموضوع: تسقيط موتور 1600 فى جوليت كوبية

دوحة باشا حبيبي الله ينور على الشغل الجامد ده ..ربنا معاك ويوفقك
....
انا كمان ليا راى ففى موضوع ال ecu عن كذا تجربة
وآخرهم مع مكنة s16 2000 cc 16v
وكانت جاية بردو من غير ضفيرة وكنترول ,,وبعد البحث والتنقيب فى احشاء ال wiring diagrams الخاصة ب كنترولات وضفاير مواتير البيجو وجدت ان كنترول وضفيرة البيجو 605 2000cc يشتغل,,مع العلم انها 8v ,,,الاختلاف الوحيد كان ان ضفيرة ال 8v مفيهاش فيشة للحساس التسقيف..رحت فاكك الكنترول نفسة والماجئة انى لاقيت البنناية الخاصه بحساس التسقيف فىالبوردة نغسها لكن مش معمول حسابه فى الضفيره ولا فى فيشة الكنترول نفسة...رحت جايب الكاوية الشقية وقصدير لحام ورحت لاحم سلك جديد فى البنناية فى بوردة الكنترول نفسة وخدت السلك دايركت لحساس التسقيف نفسة...والماجئة التى اذهلت عقل كهربائى الحرفيين ان الحساس فعلا اشتغل !!!
كده كللة تمام ومفيش اى اختلاف فى الضفيرة...ودورت العربية ..والمفاجئة ان العربية وقفة سلانسية زى الساعة ومفيش اى برجلة..طلعت اجرب لاقيت العربية حلوة لحد ال 100 بعد كدة قلة الادب ظهرت العربية اتخنقت جامد وكان فى ريحة بنزين نىء جامدة والعربية معدتش ال 140 مع العلم ان الموتور دا يجيب 250 ..فضلت مكابر ومردتش اغير الكنترول وشيكت تانى على كل حاجه فى العربية دون جدوى...المهم ربنا كرمنى بعدها بمعجزة نادرا ماتحدث وهى انى لاقيت الكنترول بتاع المكنة الاصلى ال 16 صباب..ركبت ياباشا وطلعت جربت..اقسم بالله 245 على 7200 rpm
دا غير فرق التسارع الرهيييييييييييييب
......
الخلاصة ياباشا
ان العربية ممكن تدور زى الحلاوة وسلانسية زى الفل ومش هتقطع معاك
لكن على السرعات هتكون زى الزفت داغير ان تسارعها هيكون بطىء جدا وهتاكل بنزين..
الخلاصة ياباشاوالاختلافات الجزرية بين كنترولات ال8v وال16v

1-fuel maps
2-ignition timing
3-crank shaft sensor Position directions
4-ودى اهم حاجة ياباشا واكيد هتحسها وهى ال rev limiter
وانت عارف ياباشا مدى اهميتة فى التعديلات واننا ممكن نصرف الآف عشان كام rpm زيادة...واكيد فى فرق مش هين بين الاتنين
دا غير كمان ان ال A/F ratio بيرتبك جامد على السرعات العالية
وبعيدا عن اضرار الارتباك دا واللى انت عارفها كويس...

لما بيحصل ارتباك لل A/F ratio بيحصل ارتباك لل rev limiter ايضا
او بالبلدى كده العربية بتفصصل بدرى دا غير الفرق اصلا فى ال rev limiter بين الكنترولين
....
تخيل كل دا حصل والكنترولين كانوا لمكنتين 2000 cc لكن واحده16v والتانية 8v

مابالك انت بقة عندك اختلاف فى السعة اللترية وعدد الصمامات وحجمها كمان !!!!!

................

..............
معلش يابويوسف دوشتك...وانا عارف طبعا انك عارف كل الكلام دا..لكن حسسيت انى لازم احكيلك تجربتى..لانى خفت لا تقع فى نفس غلطتى وتطمن ان المكنة دارت وواقفة سلانسية كويس...لكن الفرق فى الاداء كبييييير

والف مبروك ياحبى