مافيش جديد؟؟
عرض للطباعة
مافيش جديد؟؟
بسم الله الرحمن الرحيم
الأخ الفاضل أشرف فوزى
أعانك الله على ما أنت فيه من شدة و محنه. إن الذى منح حرية الإختيار للجميع لم و لا و لن يغفل عن ظلم الظالمين.
و أود أن أعبر عن إعجابى الشديد بتقريرك الذى هو بدون أى مبالغه أروع و أقوى تقرير قرأته على هذا المنتدى الفاضل ( نظام - ترتيب - تنسيق - صور مسلسله تصف الحدث - كل صوره فى مكانها الصحيح . . . . شىء رائع)
من يعمل مثقال ذرة شر يره . . . إطمئن حقك لن يضيع
السلام عليكم ورحمة الله و بركاته
استاذ اشرف...... انا لقيت الخبر ده عن عيوب بيجو 301 في الجزائر .... وازاي اتحرك جهاز حماية المستهلك لحمايى المشترين .... لعل وعسى ينفعك بإذن الله
[url=http://www.alseyassi-dz.com/ara/sejut.php?ID=9281]
الإخوة و الأخوات الأفاضل أعضاء المنتدى الكرام, بعتذر عن التأخر فى الرد عن اسئلتكم و تحديث الموضوع لإنشغالى الشديد فى أمور شخصية طارئة و إنشغالى بظروف العمل.
يؤسفنى أبلغكم إن مشكلتى مازالت قائمة و لم تحل, أخر التطورات إن ملف شكوتى فى حماية المستهلك تم تحويله للنيابة.
و وصل لعلمى من بعض متضررى البيجو 301 إن البيجو 301 موديل 2015 و ماسبقها طلع مافيهاش نظام فرامل ebd رغم ترويج التوكيل على وجوده, و كل ما حد يسأل توكيل بيجو على صفحتهم على الفيسبوك أو يسأل بيجو فرنسا إذا كانت البيجو 301 موديل 2015 و ماسبقها بها نظام فرامل ebd بيمتنعوا عن الرد.
قام بعض مالكى البيجو 301 بإبلاغ توكيل بيجو بأحقيتهم فى تركيب هذا النظام فى سياراتهم و لكن التوكيل أجاب بالرفض.
كل عام و إنتم جميعاً بخير و صحة و سلامة و رمضان كريم.
النهاردة بيجو فرنسا ردت على رسالتى ليهم بخصوص عدم وجود نظام الـ ebd فى البيجو 301 موديلات 2015 و ما قبلها, و إن تم بيع السيارة لينا على إنها تحتوى على هذا النظام الأمنى فى الفرامل, ردت شركة بيجو فرنسا بكل بجاحة إننا بندعم وكيلنا المصرى حتى لو وصل الأمر للمحاكم عندكم فى مصر. و سلملى على 7000 سنة حضارة لما الشعوب اللى كانت بتمسح الشحم على جسمها بعد ما تاكل و كانت بتضحك على إننا فى مصر عندنا حمامات عمومية للإستحمام يتكلموا معانا بكل إستهتار و جبروت و غطرسة و لا كإن حياتنا و حياة أسرنا ليها قيمة.
اخى الكريم معايا بيجو مانيوال عامله 30000 كم و غيرت التيل فعلا بعد 20000 و طلبو فى التوكيل اغيره تانى و الطنابير فى صيانة 30000 بس كده افتكرتهم بيشتغلونى بس بعد ما كشفت على التيل لقيته فعلا لازم يتغير ده معناه ان التيل الاصلى يعنى الى نازل مع العربيه غير التيل الى بيركبوه فى التوكيل المهم غيرت طنابير و تيل بيجو 407 و بصراحة طوال 30000 كم ملقيتش اى عيب من الفرامل بالعكس قويه زياده عن اللزوم .
بس فيه حاجه حقولهالك يمكن تنفعك غالبا المشكله عندك مكنتش فى ال abs دى كانت فى فرامل الكهرباء.
بص العربيه فيها حساس فى صرة العجل لو الفرامل مشتغلتش بيمسك السره يعنى بيبقى احتكاك حديد فى حديد و طبعا بيوقف العربيه و ده يفسر ان العربيه حدفت منك جامد
و الله اعلم
عامة ربنا يوفقك و لكن العربيه معايا محترمه جدا
شهادة حق فعلا السيارة فأكلها قوية جداً أنا معايا الهائل اين ٢٠١٥ عامل٦٣٦٠٠ك غيرت تيل فقط فى صيانة ال٢٠٠٠٠ك
تصحيح
السيارة فراملها كويسة
المسافة المقطوعة. 36000km
ده اللينك الجديد عشان الناس المقيمة فى مصر و اللى عايزه تدخل على صفحة الفيسبوك بتاعة بيجو فرنسا تكتب شكوتها و مش عارفين (لإن بيجو فرنسا بتستخدم نظام التحويل للصفحة الإقليمية فى مصر, و اللينك القديم اللى وفرته قبل كدا معدتش شغال):
https://www.facebook.com/Peugeot?brand_redir=DISABLE
لما تعرف إنك إشتريت عربية توكيلها أعلن إن فيها نظام فرامل ABS + EBD و يطلع مافيهاش غير ABS بس يبقى تتوقع أى شئ من العربية و من أداء فراملها فى أى لحظة, الناس على صفحة بيجو مصر قاعدين يسألوا على البيجو 301 موديل 2015 فيها EBD و لا لأ و مش عايزين يجاوبوا على الناس ... ليه؟ بنسأل عن حاجة سر غير معلنة و غير مسموح بمعرفتها؟!! إزاى شركة تمتنع عن إجابة سؤال هام زى ده؟!! الناس بتسأل عن عوامل أمان مش عن البلد المصنعة لنظام السماعات اللى فى العربية.
ملاحظة هامة, بما إن عربيتى موديل 2015 و لو صح الكلام (بناء على ما إنتشر بإن العربية مافيهاش نظام EBD و بناءً على إمتناع التوكيل عن إجابة هل النظام ده موجود فى البيجو 301 موديل 2015 أم لا, و بناء على مقابلة بعض مالكى السيارة للمسؤلين فى التوكيل الشهر الماضى و طلبهم تركيب هذا النظام فى سيارتهم اللى يفترض يكون فيها و التوكيل أجاب بالرفض) ... يبقى إزاى لما عربيتى راحت كلية هندسة المطرية للفحص التابع لجهاز حماية المستهلك قام المهندس محمد عطية بإخبارهم بإن قراءة بيانات كمبيوتر العربية أظهرت معدلات دوران مختلفة لكل إطار مما يثبت كفاءة عمل فرامل السيارة و كفاءة نظام الـ EBD ؟!!
و أفكركم بإن كلية هندسة المطرية لم تقم بتفريغ بيانات كمبيوتر سيارتى (رغم إخبارى لهم بإن بيانات كمبيوتر العربية ممكن تكون إتمسحت, و رغم إنى دافع مصاريف الفحص الفنى و هيا 1400 جنيه + 1000 جنيه مصاريف نقل بعد التخفيض), و طلبهم بيانات كمبيوتر العربية من توكيل بيجو ... هل ده حصل لإن لو كلية الهندسة فحصت العربية هاتكتشف إن مافيهاش نظام الـ EBD و هاتبقى مجبرة على إصدار تقرير بذلك؟
للإسف الشديد لم يعد هناك أى شفافيه أو وضوح للرؤية فى أى شئ, الناس فى اللينك اللى تحت تسأل التوكيل هل البيجو 301 موديل 2015 فيها نظام الـ EBD و لا لأ, التوكيل يمتنع عن الإجابة, الناس تسأل بيجو فرنسا على صفحتها هل البيجو 301 موديل 2015 فيها نظام الـ EBD يقولولك إسأل بيجو مصر ... هيا الناس هاتشحت منكم الإجابة, إما العربية فيها نظام الـ EBD أو مافيهاش, و إمتناعهم عن إجابة السؤال يؤكد على إن العربية مافيهاش هذا النظام ... و قانوناً الشركة مجبرة عن إجابة أسئلة عملائها و خصوصاً فيما يتعلق بالمواصفات الأمنية الخاصة بالعربية.
حاجة أخيرة, يؤسفنى أقولكم إن أى حد بيكتب شكوى على صفحة بيجو مصر بيتم "إخفاؤها" مش بيتم حذفها (لإن الحذف هايتسبب فى إثارة غضب صاحب التعليق), و الفرق إن الإخفاء يخلى صاحب التعليق و أصدقاءه على الفيسبوك شايفين التعليق, لكن باقى الناس مش شايفينه, فيعتقد صاحب التعليق و المشكلة إنه لوحده و مافيش حد غيره بيشتكى من المشكلة و مافيش حد متضامن معاه, و ده أحد أساليب علم النفس المتبعة لإحباط أصحاب المشاكل و الإستفراد بيهم.
http://nileup.com/up/uploads/nilemotors_14346174421.jpg
http://nileup.com/up/uploads/nilemotors_14346176071.jpg
https://www.facebook.com/PeugeotEgyp...709664/?type=1