إتعرضت لحادثة بسبب عدم عمل فرامل الـ 301

**Ashraf Fawzy** · 23-02-2015 01:34 PM

المشاركة الأصلية كتبت بواسطة mohamed.ramah

دة موقع بيجو فرنسا الرسمى

nous contacter par mail

تقديم شكوى فى حماية المستهلك

جهاز حمايه المستهلك

ودة ترجمة للموقع بالانجليزى راسلهم ومتسيبش حقك

بالعربى /

ربنا يبارك فيك ويجعلها فى ميزان حسانتك, بإذن الله هاجهز رسالتى و أبعتها لبيجو فرنسا على الرابط ده, و أنا فعلاً بعت شكوتى لحماية المستهلك و هاروحلهم بكرا و اشوف الأمور وصلت لغاية فين, ده غير باقى الخطوات التانية اللى لسه هاتخذها بإذن الله ثم بمساندتكم ليا للدفاع عن حقى.

**Ashraf Fawzy** · 23-02-2015 02:37 PM

ملخص رحلتى النهاردة إلى مركز غمرة:

رحت النهاردة عشان أستلم العربية, و إستلمت المقايسة منهم (بـ 275 جنيه) و اللى رفضوا يبلغونى بيها على التليفون إمبارح لما طلبتها رغم إنى فى كل الأحوال مش هاخرج بالعربية من عندهم إلا إذا دفعتهم.

من شرحهم ليا على عربية بيجو 301 مرفوعة و بناءً على المقايسة اللى إنتم شايفنها فمن الواضح إن التصفيح للبيجو 301 مش قوى بما يكفى لحماية كرتيرة الزيت لإن التصفيح إتطبق و خرم الكرتيرة.

يؤسفنى إن لغاية النهاردة مازالوا بيحاولوا يقنعونى بنظام غسيل المخ إن الخطأ من عندى و إحنا هانكون جدعان و نقف جنبك و نعملك تخفيض ... هما ليه مش مدركين إن الموضوع مش تصليح العربية, الموضوع مشكلة الفرامل اللى ربنا سترها عليا و إنكشف عيبها على طريق جانبى, فبأى منطق هاركب العربية تانى و أعرض حياتى و حياة أسرتى و حياة الناس على الطريق للخطر؟!!

المهندس محمد عطية اللى بلغنى فى المكتب لما رحتلهم يوم 15/10/2015 إن حساس الإيه بى إس اللى فى مقدمة العربية سجل إنه إتخبط على سرعة 45 كيلو, و ده فيه تأييد لكلامى, لكن النهاردة للإسف بيقولى أنا مش فاكر قدام المهندس حسين و قدام المهندس صلاح ... يعنى إيه مش فاكر أو نسيت, هوا كل يوم بتيجى بيجو 301 عاملة حادثة زى حادثتى و تفضل تتكلم مع صاحبها 7 ساعات بتحاول تجبره برأيك إن الكاوتش فرقع و إنه كان ماشى على سرعة فوق الـ 90 و بعد كدا من نفسك تروح للعميل و تقوله إحنا لقينا إن الحساس سجل الخبطة على سرعة 45 كيلو؟!!

فقالى أنا هانزل أجيبلك قرأءة الحساس لما إتخبط عشان نتأكد, نزل و ماجاش و راح إجتماع و مرجعش لغاية ما أنا مشيت, ولما سألتهم فى التوكيل لو حد تانى ممكن يقوم بقراءة البيانات قالولى مش هاينفع لازم نصلح الكارتيرة بتاعة الزيت الأول عشان نقدر نشغل المحرك عشان نجيب البيانات دى (برضه بيحاولوا يجبرونى على إصلاح العربية عندهم بشتى الطرق). أخدت عربيتى و روحت بيها. و هاتابع معاكم كل التطورات بإذن الله لغاية ما أوصل لحقى.

**Ashraf Fawzy** · 24-02-2015 12:51 AM

صورة من مقايسة العربية و صورة لإيصال دفع ثمن المقايسة البالغ 275 جنيه

**hugan** · 24-02-2015 01:09 AM

هي العربيات الصيني كده مالهاش امان
دي ثالث حاله لنفس المشكله
والغربيه تلاقي حد بيقارنها بالسيراتو والشارك
يقولك اصلها اوروبي

**hon** · 24-02-2015 04:07 AM

حمدا لله على سلامة حضرتك ولا عزاء لتوكيل بيجو الذى كنا نحسبه من التوكيلات المحترمة

**hossampg** · 24-02-2015 11:09 AM

Contact - Peugeot

بعت شكوى للشركة الأم فى فرنسا

**BUNSH** · 24-02-2015 12:37 PM

قدر الله ماشاء فعل والف حمدلله ع سلامـــتك ..
أنا مش فاهم يعنى أى واحد معاة 508 وهيدفع 5000 ع صبــح !؟! (أن كان 508 ولا 301) الاتنين بفلوس والناس شقيينا بفلوسهم عشان تجبهم وبعدين دة رد واحد سرسجــى أو شمام كولة -شووية لمامة ملهمش أى لازمة وعال ع المجتمع- , أنا لو مكانك كنت فرجتهم الــفرق بين الــ 50 والــ 5000 ع حق ربنا أزاى !
ومتزعليش منى حضرتك غلطان من الأول خالص عربيتك فيها مشكلة مكنتش تمشى اصلا وتتحل بالذوق أو يالعافية -لأن معظم التوكيلات فى مصر كدة-

هنتابع معاك هنـــا وبأذن الله تاخد حقك ويعوضك عنها يارب .

**AymanH** · 24-02-2015 01:03 PM

حسبي الله ونعم الوكيل ، عليك وجهاز حماية المستهلك ، وماتسبش حقك.

الموضوع: إتعرضت لحادثة بسبب عدم عمل فرامل الـ 301

LinkBack

أدوات الموضوع

عرض

-

-

المواضيع المتشابهه

بعض صور لحادثة الطريق الصحراوى

حادثة بسبب فرامل برسونا 2012 والمصيبة مفيش قطع غيار فى التوكيل المحترم

أنا إتعرضت لحادث بلطجة فى محطة بنزين بترومين قبل دمنهور فى اتجاه القاهرة

بخاف ادوس فرامل بسبب الزحلقه

حادثة بسبب فرامل الاوبترا !!

الكلمات الدلالية لهذا الموضوع

المفضلات

المفضلات

ضوابط المشاركة