إتعرضت لحادثة بسبب عدم عمل فرامل الـ 301

**mahmed0100** · 24-02-2015 01:09 PM

المشاركة الأصلية كتبت بواسطة hugan

هي العربيات الصيني كده مالهاش امان
دي ثالث حاله لنفس المشكله
والغربيه تلاقي حد بيقارنها بالسيراتو والشارك
يقولك اصلها اوروبي

انا مش فاهم قصدك بس احب انك تقرا الكلام ده كمان و تقولي ايه وجه المقارنه
http://www.nilemotors.net/Nile/457279-a.html

**mahmed0100** · 24-02-2015 01:10 PM

حمدالله علي سلامتك يا اشرف بيه و قدر الله و ما شاء فعل
و ربنا يظهر الحق

**warfighter2114** · 24-02-2015 01:14 PM

ربنا معاك وانا اقترح انك تسيب التوكيل وتصينها بره اكيد الموضوع مش صعب وارفع قضيتك لجهاز حمايه المستهلك والمحكمة الابتدائيه ولو جهاز حمايه المستهلك استخرج شهاده تفيد بالأعطال يبقي حكم محكمه الابتدائيه حيبقي سهل لأن الجهاز خبير حكومي وربنا يوفقك

**aouelfotouh** · 24-02-2015 01:17 PM

حمد الله على السلامه وكل الى قولته ده كان لازم يحصل عشان انت فى مصر ام الدنيا

**ahmedwagdy03** · 24-02-2015 01:30 PM

بصراحة الله يكون فى عونك و ربنا ينتقم منهم .

شكرا على سرد تجربتك كاملة لإنى بالفعل كنت ناوى هذا الصيف أغير السيارة البيكانتو اللى مع زوجتى و أجيب بيجو 301 ( قلنا نجرب الأوروبى ) لكن لما قرأت عن مشاكلها فى قسم البيجو و جاءت حكايتك الفاصلة . الحمد لله سأغلق موضوع البيجو نوهائى.

**Ashraf Fawzy** · 24-02-2015 01:58 PM

المشاركة الأصلية كتبت بواسطة hossampg

contact - peugeot

بعت شكوى للشركة الأم فى فرنسا

حاولت أبعتلهم رسالة من خلال الرابط ده لكن بيحصل إيرور, و دلوقتى بدور على إيميل مباشر لخدمة العملاء خاص بالشركة الأم. بعتلهم رسالة من خلال الفيسبوك بتفاصيل الحادثة على صفحة بيجو فرنسا و على صفحة بيجو الشرق الأوسط, وبإذن الله هايكون فى تصعيد بصورة يومية لغاية ما أوصل لحقى, بالإضافة لشكوتى شركة سى دى سى إم فى جهاز حماية المستهلك نتيجة إهمالها لشكوتى قبل حدوث الحادثة من وجود مشكلة فى الفرامل عندى و رفضهم لإستقبال عربيتى بعد الحادثة لما قلت إنها حصلت بسبب عدم عمل الفرامل, و بإذن الله هايكون فيه تصعيد قانونى لو مافيش تجاوب منهم لتحمل خطأهم ... شاكر جداً لحضرتك و لكل اللى بيشاركونى فى الدفاع عن حقى و حق كل اللى بيتعرضوا للظلم بسبب جشع و إهمال التوكيلات فى مصر.

**Ashraf Fawzy** · 24-02-2015 02:06 PM

المشاركة الأصلية كتبت بواسطة lth586

بصراحه ابو رواش زباله روح غمره احسن ناس محترمين بدون دخول في تفاصيل كتيره
كانوا هيغيروا تيل فرامل عمل معايا مرتين صيانه بعدها عادي في غمره واتغير في معاده

ما أنا رحت غمرة 3 مرات عشان موضوع الفرامل و مافيش عندهم غير "كله تمام التمام" لغاية ماحصلت الحادثة بسبب إن الفرامل مشتغلتش, العربية بتترجرج و تمشى متر و نص مترين لما أضغط فرامل على 20 و يقولك تمام التمام ... ده غير إنهم فى غمرة رفضوا إستلام العربية و إدخالها بعد الحادثة لما قلتلهم إن سبب الحادثة عدم عمل الفرامل, وعشان يدخلوا العربية كان لازم أقبل بعدم كتابة سبب الحادثة فى شيت العمل, ده غير محاولتهم التنصل من المسؤلية لوجود مشكلة فى الفرامل و إستخدام تبريرات واهية و محاولة فرضها عليا, ده غير إنهم بيغيروا كلامهم عشان مايحطوش نفسهم فى موقع إدانة (زى المهندس محمد عطيه لما نسى إنه قالى إن الحساس الأمامى سجل الخبطة على سرعة 45 كيلو) و غيره و غيره و غيره .

**Ashraf Fawzy** · 24-02-2015 02:18 PM

المشاركة الأصلية كتبت بواسطة warfighter2114

ربنا معاك وانا اقترح انك تسيب التوكيل وتصينها بره اكيد الموضوع مش صعب وارفع قضيتك لجهاز حمايه المستهلك والمحكمة الابتدائيه ولو جهاز حمايه المستهلك استخرج شهاده تفيد بالأعطال يبقي حكم محكمه الابتدائيه حيبقي سهل لأن الجهاز خبير حكومي وربنا يوفقك

ربنا يبارك فيك, أنا فعلاً رفعت شكوى لجهاز حماية المستهلك بكل التفاصيل و هاتابع معاكم هنا كل تطورات الموقف ... و إن شاء الله هايكون فيه تصعيد قانونى لغاية ما أجيب حقى منهم نتيجة تقصيرهم و إهمالهم فى شكوتى من الفرامل لغاية ماحصلت الحادثة.

**hugan** · 24-02-2015 02:21 PM

المشاركة الأصلية كتبت بواسطة mahmed0100

انا مش فاهم قصدك بس احب انك تقرا الكلام ده كمان و تقولي ايه وجه المقارنه
http://www.nilemotors.net/nile/457279-a.html

وجه المقارنه ان حضرتك مش اول حاله لبيجو 301 مافيهاش فر امل وصاحبها
ﻻقدر الله كان هايكون في مشكله كبيره
تقريبا الثالث في المنتدي
مابالك لناس مش مشتركه في المنتدي
القصد انه عيب شائع وقاتل مش حاله فرديه لعربيه من اسم عريق بيجو
تيجي هنا لما حد يقارن بينها وبين عربيات تانيه
معلوماته ضعيف وخبره غير موجوده
يقيم بالسمع من اعضاء في المنتدي الجماعه بتوع اوربي ياباني
يعطيها اﻻفضليه علي عربيات افضل منها بمر احل
اما حاله الشارك اظن انها حاله فرديه مش عيب مكرر