[img3]http://i.imgur.com/SUAgH.png[/img3]

تقرير صيانة مفصل للشاهين
بأسعار قطع الغيار والمصنعيات



العربية ملطشة معايا فى الشهور الأخيرة مرة الزجاج الأمامى السيكيورت يتكسر فجأة وانا ماشى ويبقى فرافيت فى المقصورة وجوه هدومى
شويه والمسامير تستلم الكاوتش ويوميا على الله ألاقى الفرده نايمه أو مريحة وأروح لبتاع الكاوتش ألاقى فى الفرده بـ 4 و 5 مسامير وفضلت على الموال ده فترة
شوية واشتغلت فى الخبطات والحكات الغريبه والعربية واقفه مكانها ومركونة وختمت بخبطه من تريلا على الزراعى وشكلها كده عايزه تفتح

http://www.nilemotors.net/Nile/456617-a.html

اتعرضت لموقف مرعب يوم الثلاثاء قبل قبل الماضى 10-2-2015 .... ماشى الصبح على الزراعى وبدوس فرامل علشان فيه مطب قدامى الفرامل مسكت لحظه .. وفجأة صوت زى ما يكون سلك صلب اتقطع وحديد بيخبط فى بعضه والدواسة وطيت جدا ومفيش فرامل دوست بقوة سمعت صريخ الكاوتش والعربية رقصت يمين وشمال وهديت شوية بس بردو مفيش فرامل .... فضل من ربنا ان مفيش فيه زحمة قدامى ومكنتش بجرى وعرفت اقف ... ومن ستر ربنا انى كنت قريب من ميكانيكى اعرفه روحت سبتها قدامه على ما يفتح وروحت نزلت الموتوسيكل علشان اجرى بقى بين بتوع قطع الغيار والصنايعية وساعتها بقى قامت العاصفة الرملية ومن يومها وانا بعمل صيانة شامله للعربية ومسحول عند الصنايعية وروحت بالمنظر ده وعينى لونها احمر دم




ديه الفاتورة المبدأية لأول قطع غيار جبتها بعضها رجع تانى ومحتجتهوش وجبت قطع غيار اخرى

[img3]http://nileup.com/up/uploads/nilemotors_14250280581.jpg[/img3]



أولاً : صيانة الفرامل وصيانه عامة أخرى

روحت للميكانيكى بعدها بساعه على ما فتح وحكيتله على اللى حصل قالى هنفك ونشوف فيه ايه
فك العجل الأمامى لقى لقمة من تيل الفرامل الشمال واقعه وهى السبب فى اللى حصل
قالى هنحتاج تيل جديد وقالى الطنابير شغاله بس فيها ريجه بسيطه
انا كنت خرطتها قبل كده من علشان كان فيها لوه بسيطة قالى مش هينفع تتخرط تانى وهتمشى معاك على كده
فقولتله يبقى نغيرها احسن
وديه صورة التيل القديم والطنابير القديمة
ولاحظت ان التيل فيه لقمة ممسوحه تماما ولقمة تانيه فيها لسه كتير
وسألت فى الموضوع ده وعرفت انه طبيعى



دورت على أغلى طنابير للشاهين كان فيه ايطالى وكان فيه ألمانى جبت الألمانى بـ 125 جنيه وديه صورة الكارتونه





سألت البائع على أفضل تيل فرامل ومش بيصفر جابلى التركى
الأمامى بـ 40 جنيه
وجبت سوست تيل امامى قصير وطويل اسعارهم فى الفاتوره اعلاه
وديه صورة التيل



والخلفى بـ 95 جنيه من نفس الماركة وديه صورته
وده مركبش لإننا لاقينا التيل الخلفى بتاع الفابريكة لسه فيه كتير



وديه صورة مجموعة الفرامل الأماميه بعد التركيب واخد الهواء من دورة الفرامل





قولت بالمرة بقى مدام العربية فتحت يبقى علقة بعلقة غيرلها بالمرة سير الكاتينه
كان فيه انواع بـ 40 و 50 جبت اغلى نوع ايطالى بـ 60 جنيه
وجبت بلية كاتينه بـ 35 جنيه ايطالى ومركبتهاش بردو الميكانيكى قالى البليه عندك ممتازة



وغيرت بوجيهات بالمرة مع انى معنديش مشكلة فى الدوارة او البنزين بالعكس الوضع اتحسن مؤخراً
كنت متعود على بوجيهات ngk بس كله بقى بيحذر منها وبيقول انها بقت مضروبة
كان فيه نوع شهير اسمه بيرو فرنساوى مسكت البوجيه لاقيت شكله معفنه ورديئ جدا
نفس الكلام بخصوص البوجيهات اللى بيقولوا عليها انجليزى شكلها صينى وبير سلم كمان
مسكت البوجيهات ديه روسى لاقيت شكلها افضل بكتير بس ماركتها مجهولة بالنسبة ليا
جبتها وخلاص بـ 25 جنيه




جبت كاوتشة مدورة للشكمان بـ 5 جنيه اتركبت فى أول الشكمان من بعد المشترك
تحت الكرسى اللى بجوار السائق

الرداتير عندى كان سايب خالص من الجنبين وعمال يخبط الميكانيكى فكه واخدته لبتاع الرداتير لحمه بالقصدير وغسله
واخد 20 جنيه مصنعيه
الميكانيكى لقى كاوتشة الاسكاتر مقطوعه قالى هات كاوتش اسكترا جديد جبت نوع اسمه جلوبال بـ 20 جنيه
وكان بتاع العفشه جنبه قولتله يركب الكاوتش بالمرة والعجل الامامى مفكوك
كان عندى صوت خشونه رخم قوى بيظهر على السرعات وقولت فى بالى ده اكيد بلى اكسات خلفى
فقولت اجيبه واغيره بالمرة الميكانيكى قالى متجيبهوش الا لما اجرب الأول واحدد العيب (ماشى يامعلم ياخبير)
بعد ما خلص الشغل طلعت انا والميكانيكى نجرب العربية الفرامل بسم الله ماشاء الله بقت ممتازة
قبل كده كنت بحس انها بتزحف لأتفه الأسباب وكنت بحس ان اللى قدام بس هما اللى بيمسكوا
الميكانيكى لاحظ ان فيه نقره فى الدريكسيون قالى محتاج حشو اسكاترا اعملها عند العفشجى
طلعنا على الزراعى علشان اسمعه صوت الخشونه قالى ده مش صوت بلى اكسات ده بليه جوه الكارونة
(يانهار اسود ومنيل بنيلة ) كارونة ايه يا اسطى على ده انا محافظ عليها زى عنيا ومتابعها كويس وواخد بالى من الزيت بتاعها
قالى ديه كارونة ومليش فيها ووصفلى واحد متخصص كوارين هو اللى هيحلهالى
بصراحة مقتنعتش بكلامه وقولتله ماشى واديته حسابه على الشغل ده
اخد100 جنيه + 5 جنيه للصبى

--------------

من فترة قريبه كنت مغير سير الدينامو علشان بيصفر وجبت المقاس المضبوط

وغيرت فلتر الهواء بالنوع الايطالى اللى فى الصورة سعره 25 جنيه



وبعد يومين تلاته غيرت زيت الماتور بنفسى وغسلت دورة التبريد بنفسى
,,,,,,,,,,,,,,