بسم الله الرحمن الرحيم
.
الموضوع عن الفتيس ال AL4 فتيس العربيات المتوضحة فى العنوان و الخاص بالعربيات الاوتوماتيك خاصة اللى ظهر فيها مشاكل واصبح شائع عن العربيات دى انها بتجيب فتيس
طيب هل دا لسوء تصميم ولا سوء صيانة و لا سوء ظروف تشغيل و لا كل العوامل دى مع بعضها ؟؟؟؟
مبدأيا نتفق ان ارتفاع درجة الحرارة هو العامل الاساسى فى انهيار الفتيس و نشوف مع بعض دور كل عامل من العوامل اللى فوق
.
نبدأ بأعراض العطل فى الفتيس :
1-و ميض ولمعان لمبات ال * و الSبجوار عصا الفتيس مع ظهور رسالة Automatictransmission fault أو مشكلة بالفتيس (ناقل الحركة) تختفى بعد غلق و فتح الكونتاكت
2-ضعف شديد فى عزم السيارةالفتيس فى هذه الحالة سيعمل فى وضع اسمه downgraded mode و دا آخر سرعة فيه بتبقى الغيار الثالث
3-ظهور نتشات و هبدات عنيفة بين النقلات
العطل بيتسجل فى وحدة كمبيوتر السيارة
"Intermittent fault. Pressure regulation fault, recommendation/variation"
.
الاسباب :
الخطأ دا بيظهر لما وحدة كمبيوتر العربية بتحس بفرق بين الضغط المحسوب و بين ضغط الفتيس الحقيقى ، و اسباب وجود فرق بين الضغطين ممكن يرجع للاسباب التالية :
1.حدوث تسريب داخلى بالفتيس نتيجة التآكل الميكانيكى
2.حدوث تسريب بين ال valve body و جسم الفتيس
3.ضبط غير صحيح للصمام اليدوى لمؤشر الضبط
4.إرتفاع درجة حرارة الفتيس
.
و التقطة رقم 4 دى مهمة لان اخطر حاجة تدمر الفتيس زيادة درجة الحرارة و النقطى دى من اسبابها ضعف نظام تبريد الفتيس ، يعنى مبرد الزيتال cooler (سربنتينة زيت يبردها الماء) فى الموديلات القديمة (ما قبل 2003 لل 406 مثلا ) كان 6 حارات انما الجديد 11 حارة و دا سبب المشاكلمن الناحية التصميمية ،الحرارة الضخمة المتولدة بتسبب ضياع لزوجة الزيتو تسبب تآكل الاجزاء الميكانيكية داخل الفتيس
ملاحظة : فى عداد داخل الفتيس مرتبط بكمبيوتر العربية لما درجة حرارة الزيت ترتفع العداد بيزيد مرة لغاية لما يستنفد عدد معين و تظهر الرسالة
.
.
الحلول الممكنة لما الرسالة تظهر :
1-زيت الفتيس
بالنسبة لزيت الفتيس نتاكد من صحة منسوب زيت الفتيس و لازم نعرف ان اضرار زيادة الزيت زى اضرار قلته
لما الزيت يبقى قليل درجة الحرارة هترتفع و التآكل يحصل و برضه لما الزيت يبقى زيادة هيضرب الاولسيهات و برضه سبب ارتفاع درجة الحرارة
برضه ممكن ناخد عينة من الزيت اللى طالع ونفحصها ، لو الزيت اسود و محروق و فيه شوائب معدنية و بلاستيكية و اجزاء احتكاك يبقى الفتيس محتاج تغيير او عمرة
لو الزيت اللى طالع غامق ومش شفاف دا مقبول لانه متعرض لشغل و حرارة ومش بالضرورة مؤشر لسوء حالة الاجزاء الميكانيكية
.
2-حساس الضغط
ممكن المشكلة تكون فى حساس الضغط بتاع الفتيس
و فى الحالى دى نجيب الجهاز ببرنامج البيجو و نقيس الضغوطات
الارقام الطبيعية للقراءات هى :لل N الضغطمن 2.4 الى 2.8 بار
لل D الضغط من 2.8 الى 3.1 بار
لل لما نكبس بنزين و عند 2200 rpm الضغطمن 11.3الى 11.7
طيب لو مفيش تغير للضغوط مع الحالات المختلفة يبقى اكيد الحساس بايظ و لازم نتاكد منه ومن الاسلاك الموصلة له
و فى حالة الحساس البايظ العربية بتثبت قيمة الضغط عندقيمة 6.5 بار و الفتيس فى وضع ضعف
لو المشكلة دى متقطعة قراءات الضغوط ممكن هنلاقيها سلمية اغلب الوقت !!!
.
3-صمامات الملفات الحلزونية أوsolenoidvalves (صمامات تنظيم الضغوط) بالترتيب التالى :
1-تغيير صمام منظم الضغط و صمام محول العزم بصمامات الموديلات الجديدة رقم 2574.16 بدل القديم 2574.10
2-نتأكد من ان الاولسيهات بتاعة الصمامات متقفلة كويس و لو تتغير بجديد يبقى احسن
3-نعمل ضبطيدوى لسوستة مؤشر الضبط
4-نضبط ال multifunction switch اللى بيعرف كمبيوتر العربية على اوضاع الفتيس
5-نملى الفتيس بالزيت الجديد ونضبط منسوبه
6-نعمل تحديث لبرمجة كمبيوتر العربية علشان البرمجة القديمة مش متوافقة مع الصمامات الجديدة
.
4-نغير صمام البدن body valve
.
5-نعمل عمرة فتيس او نسقط فتيس جديد
.
ملاحظات عامة : الاهتمام بتغيير زيت الفتيس حسب الفترات المحددة كل 60 الف كيلو او سنتين ايهما اقرب و فى حالة الظروف القاسية زى درجات حرارة شديدة او مرور مزدحم للغاية يبقى كل سنة و الكلام دا من احد مواقع بيجو بتاع برمودا !!!
.