الموضوع: كشف الكمبيوتر حقيقى ام لا ؟؟؟؟

صديق لى معاة تويوتا ايكو موديل 2002 ماشية 350 الف تقريبا رفعت منة حرارة وجابت وش سلندر وراح خرط وركبه وغير بوجيهات وزيت وكدة وكل تمام وبتشتغل من اول تكة
بس المكانيكى قاله الماتور دا بيودع رغم ان الماتور مش بيدخن ولا شئ
المهم رحنا فحصنا العربية على الكمبيوتر جهاز نوعة بوش فيه اربع كابلات كدة ركبهم فى اماكن متفرقة على الماتور
وطلع التقرير وكان المبهر فية ان حالة الماتور 83 %

وفى نفس الوقت لقيت هناك كورولا موديل 2011 ماشية 70 الف وطلع حالة الماتور بتاعها 83 %

انا عاوز افهم هل دا حقيقى ولا دى ارقام مجازية
وهل حالة الايكو دى حقيقية والماكنيكى بيفتى ولا اية الوضع ؟؟؟؟؟؟؟؟؟؟؟

المشاركة الأصلية كتبت بواسطة amr_naser

انا فهمت كلامك بس معنى كدة انى لما اجى اشترى عربية لا اعتمد على كشف الكمبيوتر ودا للاطمئنان فقط

كمان انا ليا استفسار ازاى يبقى طقم شمبر معيوب مثلا وفى نفس الوقت الكبس كويس ؟؟؟

طبعا انا قاعد اسأل فى الموضوع دا بقى لى شوية وكان من ضمن ردود الناس ان التجار بيحطوا للماتور زيت تقيل والبتالى لما تيجى تقيس كبس الماتور يطلع الكبس كويس رغم ان الماتور تعبان كمان ناس قالت ان كشف الكمبيوتر بيبين حالة الحساسات بس مش اكتر
ارجو التفاعل