الحرارة هتجنني

**hussam farag** · 15-03-2015 06:55 PM

السلام عليكم
مشكلة الحرارة قربت تجنني خلاث
معايا سايبا 2009 عاملة 86000 كم
بقالي شهرين تقريبا بحاول اعرف سبب السخونية اللي في العربية مش عارف مع العلم ان السخونية والعربية ماشية بتزيد وعلي اي سرعة
غسلت دورة التبريد بالكامل 3 مرات
غيرت طلمبة المياه
الزيت تمام
المروحة بتشتغل تمام وعلي السرعتين بس لما السرعة الثانية بتشتغل لمبة ال check بتنور
غيرت الشكمان عشان كان مسدود واتخرم
العربية سحبها تمام
اعمل ايه فيدوني :-S

**Abo_Mazen** · 15-03-2015 08:46 PM

نبدأ بقى نشك في وش السلندر ..في إختبار مشهور قوي ممكن تعمله وممكن تعرف منه وش السلندر بيكبس حراره في دورة المياه ولا لأ من خلاله ..بس لازم تشيل ثرموستات الكوع وإنت بتعمل الإختبار ده ..أولا تخلي العربيه بارده تلاجه ..يعني تكون بايته من قبليها بيوم ..وبعدين تقوم مالي الريداتير لآخره وتخلي المياه على الفوهه بالضبط ..وبعدين تقوم مدور العربيه ..لو لقيت المياه نطت لفوق ..عملت نطه كده مع الدواره يبقى وش السلندر عندك بيسرب هوا سخن في دورة التبريد ..وأقولك على حاجه تانيه يرضه تعملها ..عارف غطا الريداتير ..في تكتين للقفل ..أول تكه بنسميها تكة التسريب أو التنفيس ..ودي بيبقى الغطا فيها لسه منفس ..وتاني تكه اللي هي تكة الغلق والإحكام ..إحنا بقى عاوزين تكة التسريب أو التنفيس ..اللي هي أول تكه ..اللي بيبقى الغطا فيها لسه منفس ..خلي الغطا على التكه دي ..وإمشي بالعربيه شويه كده جنب البيت ..يعني خدلك جوله كده حوالين البيت ..لو مسخنتش ..يبقى وش السلندر منفس هوا سخن في دورة المياه

**hussam farag** · 15-03-2015 10:16 PM

متشكر علي الرد وهجرب وارد عليك ان شاءالله وعموما مفيش ثرموستات في الكوع
بس عاوز افهم ايه اللي ممكن يكون حصل في وش السلندر وليه....
وده ممكن ياثر علي المكنة في ايه تاني غير السخونية

**مصطفى-حسن** · 15-03-2015 11:42 PM

بصفة عامة الاسباب اللى تخلى العربية (اى عربية ) تسخن وبالترتيب
1 - ريداتير مكتوم
2 - طرمبة مية متأكلة من الداخل من الريش
3 - خطأ فى التقسيمة لو عربيتك 2 كامة
4 - وجود تنفيس فى دورة المية يخليها تسرب المية او تاخد هوا
5 - جوان الوش
6 - الوش نفسة

اما موضوع المية الخضرا او مية الحنفية مبيفرقش خالص وبرضو موضوع غسيل الدورة وهيا راكبة فى العربية بدون ما يطلع الريداتير ويفك العلب بتاعتة ملوش اى تلاتين لزمة وفلوس بتترمى فى الارض

**Abo_Mazen** · 16-03-2015 12:36 PM

يعني سخونية العربيه الأوفر اللي حضرتك بتشتكي منها حصلت بس متأخره شويه عن المعتاد ..والمياه نطت لفوق مع الدواره الأولى ..كده للأسف ..وش السلندر بيسرب هوا سخن في دورة المياه ..روح لميكانيكي بيفهم ..وحط تحت بيفهم دي عشرين خط ..وقوله على اللي حصل

**hussam farag** · 16-03-2015 01:12 PM

انا عند الميكانيكي دلوقتي فعلا ومستني اشوف هيقول ايه والمفروض انه شاطر وبيفهم

**Abo_Mazen** · 16-03-2015 07:37 PM

المشاركة الأصلية كتبت بواسطة hussam farag

انا عند الميكانيكي دلوقتي فعلا ومستني اشوف هيقول ايه والمفروض انه شاطر وبيفهم

إبقى طمنا قالك إيه ..

**hussam farag** · 16-03-2015 11:22 PM

صمم اني اروح الاول لواحد بتاع ريداتير يفك علب الريداتير ويسلكه كويس ويغسل.دورة التبريد تاني
وفعلا رحت لبتاع الريداتير وفكه وكانت الصدمة
كتل صدا ماليه العلب والمواسير تقريبا كلها مسدوده وطينة... غسله كويس وسلك المواسير وركب تاني وجرب والحمد لله الحرارة بقت تقريبا في المعدل الطبيعي
لسه عندي مشكلة واحدة المروحة لما بتشتغل علي السرعة التانية لمبة ال check بتنور وده غالبا هحتاج اغير مقاومة المروحة

**Abo_Mazen** · 17-03-2015 07:46 AM

المشاركة الأصلية كتبت بواسطة hussam farag

صمم اني اروح الاول لواحد بتاع ريداتير يفك علب الريداتير ويسلكه كويس ويغسل.دورة التبريد تاني
وفعلا رحت لبتاع الريداتير وفكه وكانت الصدمة
كتل صدا ماليه العلب والمواسير تقريبا كلها مسدوده وطينة... غسله كويس وسلك المواسير وركب تاني وجرب والحمد لله الحرارة بقت تقريبا في المعدل الطبيعي
لسه عندي مشكلة واحدة المروحة لما بتشتغل علي السرعة التانية لمبة ال check بتنور وده غالبا هحتاج اغير مقاومة المروحة

طيب الحمدلله إن الموضوع اتحل بسهوله