الموضوع: تقييم ميجان بلاي 2015 بعد 10,0000

المشاركة الأصلية كتبت بواسطة yasser100

خللى بالك انه بيتكلم عن الميجان 3 و دى هاتشباك , مش هاينفع تقارن الثبات مع عربيات سيدان . الهانشباك له وضع خاص فى الملفات و مختلف فى الوزن .

اه تمام واخد بالي... يعني العربيات الهاتشباك بوجه عام ثباتها بيبقي اقل من السيدان ؟ ولا انا فهمت غلط

المشاركة الأصلية كتبت بواسطة yasser100

كل فئات السيراتو ما فيش فيها esp و اجمالا ال esp مالوش دعوه بالثبات نهائى الا فى حالات معينه زى تعويم العربيه فى غرزه مثلا هنا بس بيشتغل , لكن الثبات العام بيفرق فيه وزن العربيه و طول و عرض قاعدة العجلات و مركز الثقل و ايروديناميكية العربيه فى التصميم و العفشه .

تحياتى

انا مكنتش اقصد esp ليه علاقه بثبات العربيه بس اقصد انه ميزه من عربيه للتانيه لو موجود

المشاركة الأصلية كتبت بواسطة تامر.محمد

نصيحة
حاول تجرب زيت غير توتال
و ياسر بيه هنا له باع و صولات و جولات في الحوار ده

انا سألت في التوكيل ينفع اجيب زيت غير توتال و اركبه عندهم قالوا بيطلع من الضمان فبصراحه هما ماسكين الواحد من ايده الي بتوجعه

المشاركة الأصلية كتبت بواسطة yasser100

تقريرك جميل و مختصر مفيد , تعليقا على الفرامل .

فرامل الميجان 3 و الفلوينس الفيس ليفت من اعلى انواع الفرامل فى كل الفئات اللى فى السوق تقريبا لانها ديسكات خلفيه و اماميه مش اماميه بس , يعنى العربيه لا يمكن تزحف مع الفرامل الشديده و لا بوزها ينزل لقدام مع الفرمل المفاجئه و فيها 3 انظمة فرامل abs , ebd , abd .

بالنسبه للباور هو متطور جدا و كنت كتبت عنه و عن مميزاته الجديده لانه معتمد على سينسورز مش optical يعنى بيحس انت عايز تعمل ايه و ياخد وضع البرمجه بتاعته اوتوماتيك , مثال : لو انت ماشى فى طريق مستقيم و سرعه عاليه نسبيا بيتقل معاك علشان يديلك تحكم عالى فى السرعات العاليه و لما تيجى تاخد غرزه فاجئه على السرعه دى هاتلاقى الدريكسيون خف معاك قوى علشان يساعدك فى الموقف و يرجع يتقل تانى . علشان كده بيكون عندك احساس فقط بعدم الثبات .

بصراحه كلامك ده حصل معايا بالظبط انا مكنتش فاهم بصراحه و كنت حاسس انها مش ثابته بس مع الوقت اتعودت علي الدركسيون
شكرا علي التوضيح ده بجد اطمنت اكثر دلوقتي

هل الفتيس cvt زى النيسان؟

في سؤال اهم بالنسبة لي من السؤال اللي فات و هو بخصوص نعومة العفشة؟.. لان ده السبب الرئيسى لتفكيرى أنى أغير العربية مع ان العفشة عندي قوية جداً ما شاء الله و لكن ناشفة جدا و بتحس بأصغر طوبة تمشى عليها..