الموضوع: تقييم ميجان بلاي 2015 بعد 10,0000

المشاركة الأصلية كتبت بواسطة ahmedaligsf

شكرًا أستاذ ياسر على الرد...
أنا رحت اتفرجت عليها انهارده، ما شاء الله عربية متكلفة و تحس ان قيمتها اعلى من ثمنها اللهم الا حاجه أنا من وجهة نظرى مهمة للاستخدام اليومي و هى غلق المرايات كهربائيا، يمكن ده ميهمش كتير من الناس بس أنا تفرق معايا جداً لانى بركن فى مكان فى الجراج لازم تكون المرايات مقفولة لان عرضه ١٩٨ سم، و ده هيخلينى اسأل لو حد عنده معلومة عن عرض العربية و المرايات مقفولة أد ايه؟ لان المعلومة ديه مش موجودة فى موقع رينو مصر، اللى موجود العرض الكلى ٢٠٣٧ مم. وهل متاح فى التوكيل أنى اركب مواتير للمرايات للغلق كهربائيا؟
بالنسبة الكاوتش اللى نازل فيها هو كونتيننتال و شكله مع الجنط حاجة محترمة جداً الصراحة...

عذراً للإطالة...

المرايات بتقفل كهربا فى الفلوينس , ايه المشكله ؟

المشاركة الأصلية كتبت بواسطة utopian

استأذنك في استفسار عشان انا حسيت اني فاهم غلط
بما ان ال esp مش بيفرق في الثبات فأنا محتاج اسأل ايه المقصود بمصطلح الثبات ؟
يعني ايه الموقف اللي يخلي عربية تبان ثباتها احسن من عربية تانية و ال esp ملوش دعوة بيه ولا حينجدك فيه ؟

ثبات العربيه مقصود به عدم تأثرها بتيارات الهوا على السرعات العاليه و فى الملفات . بمعنى انه يقول لك مثلا ما تسوقش العربيه الفلانيه على سرعه اعلى من 120 كم لانه ثباتها سئ و بتتأثر بتيارات الهوا بشده او مثلا العربيه الفلانيه ما تزودش اكتر من 160 كم . المقصود بالثبات لما تريلا او اوتوبيس يعدى من جنبك على طريق سريع ما تلاقيش العربيه بتتمرجح بك و هاتترمى الناحيه التانيه و تفقد فيها التحكم كل ده ما لوش دعوه بال esp . ده بيرجع لتصميم العربيه و وزنها و مركز ثقلها و ايروديناميكية تصميم العربيه و ارتفاعها عن الارض و الشاسيه و العفشه و طول و عرض قاعدة العجلات .

الفلوينس ثباتها لغاية 180 كم مش اكتر و طبعا دى سرعه خرافيه فى مصر .

ال esp . نفرض انك فى موقف صعب و خدت عرزه عنيفه . فيه ناس العربيه بتعوم منهم لما ييجى يرد من الغرزه هنا يشتغل ال esp و يرجع العربيه لمسارها . او ماشى فى مطره و الدنيا غرقانه و فرملة فرمله فجأه و العربيه اتزحلقت منك و فقدت عليها السيطره . هنا بيشتغل برضه و يرجعها لمسارها . لكن فى الظروف العاديه لا تأثير له فى الثبات يعنى العربيه اللى مش ثابته من اصل تصميمها هو مش هايزود على ثباتها حاجه .

يعنى العربيه اللى ثباتها سئ و يقول لك ما تسوقش بها اكتر من 120 كم برضه مش هاتزود عن السرعه دى لو هو حتى ال esp نازل فيها .

تحياتى .

المشاركة الأصلية كتبت بواسطة AhmedAliGSF

بالنسبة للبلاي مش موجودة الخاصية ديه فى البروشور فسألت لما كنت بتفرج عليها وقالوا لي مفيهاش... يا ريت أستاذ مازن ياكد لنا المعلومة ديه...

ازاى الكلام ده . الميجان بلاى اللى تمنها 165000 هيه عباره عن فلوينس e3 تماما