بيرلسكونى عكها تانى-والمرة دى الضحية اوباما

**sab3aawy** · 09-11-2008 09:28 AM

يبدو ان سيلفيو بيرلسكونى-رئيس وزراء ايطاليا- لن يتخلى ابدا عن عادة "التطجين" فى الكلام والتى اوقعته فى مآزق سياسية عديدة، ربما كان اقربها لأذهاننا كلماته العنصرية ضد الاسلام عام 2001 والتى سارع بالاعتذار عنها انذاك مدعيا انها كلمات اسئ نقلها، اما اخر "تطجيناته"السابقة فقد كانت منذا ما يقل عن 15 يوم عندما قال عبارة غزلية عبر وسائل الاعلام لعارضة الأزياء مارا كارفانا التى حولها الى وزيرة العدالة الاجتماعية فى وزارته وكادت هذة العبارة ان تتسبب فى انهاء حياته الزوجية

اما هذة المرة فقد ورطته زلاقة لسانه فى "التلبيخ" فى الرئيس الأمريكى المنتخب بارك اوباما، حيث انه فى اثناء اجتماع بين بيرلسكونى ورئيس وزراء روسيا وعندما تطرق الحديث الى الرئيس الأمريكى المنتخب قال بيرلسكونى عن اوباما:"انه صغير السن ونشط وجلده مدبوغ" فى اشارة الى سمار لون اوباما ، وطبعا لم تكذب وكالات الأنباء خبرا وسارعت بتتطير الخبر الى انحاء العالم، ياترى العلاقات بين امريكا وايطاليا هيبقى شكلها ايه فى الفترة القادمة بعد تصريحات بيرلسكونى المدبوغة؟ الله اعلم

**محمد ابراهيم 1** · 09-11-2008 09:46 AM

الواد بيرلسكونى أبو لسان زالف ده مفيش فايده فيه
بس أعتقد إن العلاقات مش حتتأثر ولا حاجه لأن دى دول مؤسسات مش أفراد
وبرضه البركه فى إساءة النقل

**Rsarabia** · 09-11-2008 10:06 AM

بيرلسكونى دا بيفكرنى بمرتضى منصور ربنا يهديهم الاتنين

**elassar2010** · 09-11-2008 11:46 AM

مافيش مشاكل طبعا هتحصل دول ناس بينهم بيزنس ومليارات واصلا مش فاضين انهم يسمعوا دا قال ودة ماقلش عادى البزنس هو الى يقربهم وبس الى يبعدهم

**r0xer** · 09-11-2008 12:09 PM

ههههههههه..ورغم زلات لسانه ولكنه المحبب للشعب الإيطالي "وخصوصا الميلانيين". و فعلا بيعك كتير بلسانه....ولكن المميز فيه هو انه عنده كاريزما عالية جداً .

معتقدش هتحصل أزمة بين البلدين لإن أصلاً الأوضاع الايطالية الامريكية مهياش تمام من أيام الغير مغفور له بإذن الله بوش..فمش هتخرب اكتر ماهي خربانة يعني!

**فادى** · 09-11-2008 01:02 PM

بيرلسكونى بيسموه القذافى بتاع أوروبا,
رجل دماغ زى القذافى بالضبط, و من طرائفه انه عامل شريط كاسيت رومانسى!!!!
و فى احدى التصريحات قال انو هيمتنع عن ممارسة الجنس لأربعة شهور, و عاد بعديها و قال "أنا كنت بهزر مش بتكلم جد".

**وائل عطية** · 09-11-2008 02:51 PM

المشاركة الأصلية كتبت بواسطة sab3aawy

بيرلسكونى عن اوباما:"انه صغير السن ونشط وجلده مدبوغ" فى اشارة الى سمار لون اوباما ، وطبعا لم تكذب وكالات الأنباء خبرا وسارعت بتتطير الخبر الى انحاء العالم، ياترى العلاقات بين امريكا وايطاليا هيبقى شكلها ايه فى الفترة القادمة بعد تصريحات بيرلسكونى المدبوغة؟ الله اعلم

الحقيقة الجملة اللي قالها بيرلسكوني ترجمتها : " إنه شاب وسيم أسمر البشرة "

طبقاً لما أوردته جريدة " ليبيراسيون " اليومية الفرنسية
وكلمة Bronzé الواردة في المقال بالجريدة الفرنسية يمكن أن تُترجم " أسمر البشرة" أو " برونزي اللون"

واضح إن حصل تحابيش على الموضوع، وإن كانت الجريدة بتتساءل إذا ماكانت هذه زلة لسان أم تحريض ضد أوباما
وهذا هو الموضوع في الجريدة الفرنسية
http://www.liberation.fr/monde/01011...beau-et-bronze

**amirhamed** · 09-11-2008 02:59 PM

الطبع غلاب

**r0xer** · 09-11-2008 04:12 PM

شكراً أستاذ وائل على المعلومة...والكل صدق خبر الجريدة بما فيهم الباشمهندس سبعاوي لأنها عادة من عادات هذا الملياردير الإيطالي. :)

**Chicco** · 09-11-2008 10:48 PM

المشاركة الأصلية كتبت بواسطة وائل عطية

الحقيقة الجملة اللي قالها بيرلسكوني ترجمتها : " إنه شاب وسيم أسمر البشرة "

طبقاً لما أوردته جريدة " ليبيراسيون " اليومية الفرنسية
وكلمة Bronzé الواردة في المقال بالجريدة الفرنسية يمكن أن تُترجم " أسمر البشرة" أو " برونزي اللون"

واضح إن حصل تحابيش على الموضوع، وإن كانت الجريدة بتتساءل إذا ماكانت هذه زلة لسان أم تحريض ضد أوباما
وهذا هو الموضوع في الجريدة الفرنسية
http://www.liberation.fr/monde/01011...beau-et-bronze

بالظبط يا باشا :)
هو الخبر وصل أمريكا إنه قال ..tanned ...أقرب ترجمة ليها إنه لوحته الشمس كما في المصيف مثلا ...طبعا ده ما منعش مذيعي برامج الحوار من ذكر الواقعة و السخرية من برلسكوني